Amatiyu 12:34 - Ohwihwim Olehe

³⁴ Agimi emabi, agimi e kpo anyu é ba e lu odlodzi, okyku eshi agimi e wo moare ba odlobi angyiŋ? Okyku eshi anyu a la a lu ekplo la e wo esõ angyiŋ e ba edzi.

Amatiyu 12:34 ပူးပေါင်းရင်းမြစ်များ

Amatiyu 12:35

Areadzi a la a se anzho adzi angyiŋ anjygu baŋ la a wo adzi a ba edzi. Areabi nga a la a se anzho la a wo abi angyiŋ anjygu baŋ la a wo abi a ba edzi.

Amatiyu 15:18

Ambo ayakplo la a la a zgi anyu baŋ, a la a zgi esõ angyiŋ a ba. Edgu ahi lo angyiŋ a la a tpi ŋa ayi.

Amatiyu 23:33

Amabi, pa la moanwye ba amabi! Agimi é kpo anyu e la e ka ayi ozhẽ okyku o gro ombgu ba enzheovo?

Amatiyu 3:7

Omba ba Eyohana a ka moaEfarisi, pa la moaEsaduki nzenze a ba okyku o daŋ a kpo mo abaptisma nga, aŋa a nyuŋ mo a lu mi le, Agimi emabi, ayi a lu a da gimi, bimi é kpo é gbu bimi é gro ombgu ba Ahogbrẽ la ó ba?

Oluka 3:7

Moarehwi nzenze a ba okro ba Eyohana okyku o daŋ a kpo mo abaptisma. Eyohana a nyuŋ mo a lu mi le, Agimi emabi! Ayi a lu a da gimi ba agimi e kpo e gbu ba o gro ombgu ba Ahogbrẽ la ó ba o ba?

Oluka 6:45

Areodlodzi a lu odlodzi la o wo eso baŋ angyiŋ a ba edzi, nga areodlobi a lu odlobi la o wo eso baŋ angyiŋ a ba edzi. Ekplo la e zgi anyu are angyiŋ, e wo ekplo la e bli eso baŋ.

Eyohana 8:44

Agimi e wo moanwye ba adigimi Eshi-taŋ, nga agimi e klo e kpo ekplo ba adigimi lo a klo. Okũ oriori, a wo are la a bga ebga. A bmi ta la adlidzi ondakyeŋ mbo, okyku ba adlidzi a wo ka la ŋa mbo. Omba baŋ a la a sheŋ akpro le, a la a kpo ekplo baŋ a sheŋ a bga ta la alo angyiŋ, okyku eshi aŋa angyiŋ a wo asheŋakpro, nga aŋa angyiŋ a wo adaŋ ba akpro mvye.

MoAfisu 4:29

Agimi e la e kpo otum ta la odlo la o vu olo omba bimi e kpla egba mbo. E kpo otum ta la odlo la o kpo o ghwo sha. E kpo otum ta la edgu odlo la o mbdzi angyiŋ nga e shri ekplo la e gbaŋ e shri e ba, okyku o da moa la a gno odlo boŋ a hwiŋ owlama eshri odlo lo.

MoAfisu 5:4

O wo odzi ba agimi e lu odlobi, ta la odlo ototno o mbo le odlo eshre mbo. Ambo o raŋ o gre ba agimi e vye la Ahogbrẽ.

Eyakubu 3:2

Agi pyeŋ e la e ta akpu ayakplo nzenze ombamba. Are la a ta akpu ekplokyeŋ baŋ a lu a ka mbo le, aŋa a bli, nga a wo are la a kpo a gbu baŋ a kpaŋ egʼba baŋ pyeŋ.

1 Eyohana 3:10

Agimi e ka ondundum la o wo zhezheŋ okro ba odzudzu ba moanwye ba Ahogbrẽ pa la moanwye ba Eshitaŋ. Areyaŋ a mbo la a kpo ayakplo la a wo shasha mbo, o mbo le a klo anáŋ mbo le, a wo anwye ba Ahogbrẽ angyiŋ mbo.