Amatiyu 12:18 - Ohwihwim Olehe

¹⁸ Anwye-odne me angyiŋ a wo ahi, aŋa ame e sla ŋa. Aŋa angyiŋ ame e la e klo ŋa, Nga ame e gno oraŋ ka la ŋa e gre eshri. Ame é bli ŋa la Ogbgaodzi me. Aŋa nga á su odlo me, á ygi moare pyeŋ.

Amatiyu 12:18 ပူးပေါင်းရင်းမြစ်များ

Amatiyu 12:17

okyku o da ekplo ba Eshaya, arehwĩ ba Ahogbrẽ a hom otum a lu e bli. Eshaya a lu ma Ahogbrẽ a lu mi le,

Amatiyu 17:5

Omba baŋ a kpla egba eka he lo nga, etabro la e shka ayi leleleŋ e gile eshri mo, nga enzi e zgi ma e lu mi le, Anwye ba esesla ba ame a gno oraŋ ka la ŋa e gre eshri angyiŋ, a wo ahi lo. Agimi e ngli atuŋ e gno odlo baŋ!

Amarku 1:11

A gno enzi e zgi Ongyeŋ e lu mi le, Eyesu aŋo o wo anwye esõ me angyiŋ, ame e gno oraŋ ka la ŋo e gre eshri.

Amarku 9:7

Etabro e gile e ba eshri akũ lo nga e shki mo mvye, nga enzi e zgi ma e lu mi le, E ka Anwye Esesla me ba esõ me e gno oraŋ ka la ŋa nzenze angyiŋ a wo ahi lo. Agimi e ngli e gno odlo baŋ.

Oluka 23:35

Moare a la a tspi ahe lo a la a ka Eyesu. Omba he lo nga moandakʼpo moaEyahuda a lu ega a ygi ŋa. Moa a lu mi le, A shla moahwõ, aŋa a mbo a shla eŋa a da gi e ka, o wo baŋ angyiŋ a wo Emisiya ba Ahogbrẽ a sla!

Oluka 3:22

Ogbgaodzi eka aklungu, o gile o tspi eshri baŋ. Enzi e gile e zgi ongyeŋ e ba e lu mi le, Aŋo angyiŋ o wo Anwye me ba eso me. Ame e la e gno oraŋ ka la ŋo nzenze.

Oluka 4:18

Ogbgaodzi ba Adigi-odne o wo pa la me. Aŋa angyiŋ a sla me okyku o da me e nyum Oshpaodzadzi e ygi moaekŋe. A hom me otum okyku o da me e su odzudum e ygi moare la moa a klu mo aku. Nga e shaŋ moavgayi, Nga okyku o ngla moa la a kpo ewu.

Oluka 9:35

Enzi e zgi ongyeŋ e ba e lu mi le, Ahi lo angyiŋ a wo Anwye me ba ame e sla. Agimi e ngli atuŋ e gno odlo baŋ!

Eyohana 3:34

Are ba Ahogbrẽ a daŋ a ba lo, a la a nyum odlo ba Ahogbrẽ, okyku eshi Ahogbrẽ a mbga Ogbgaodzi ombga a shri a daŋ mbo.

Otum 10:38

Agimi e gno oshpa ba Eyesu Ekristi ba Anazarata eka ba Ahogbrẽ a bli ŋa la Ogbgaodzi, ta la ekʼpo. Aŋa a gre okroyaŋ a mbo nga a la a kpo odlodzi, nga a la a shaŋ moare ba ekʼpo ba egbgabi e kpo mo ewu, okyku Ahogbrẽ a wo ka la ŋa.

Otum 11:18

Ambla ba Ebitru a lu eka he nga, moa a kyu abgo o shrom ŋa nga moa a hlu Ahogbrẽ eshko a lu mi le, Ahogbrẽ a hwile ozhẽ okyku o da moa la a wo moaEyahuda mbo a mbo a ghwo obiŋ nga a hwiŋ oshla!

Otum 14:27

Omba ba moa a gbu Antakiya nga, moa a pla moare Eklisiya mvye a shki, nga moa a lu ayakplo ba Ahogbrẽ a kpo pa la mo mvye a da mo, nga moa a lu eka ba Ahogbrẽ a hwile ozhẽ okyku moa la a wo moaEyahuda mbo a mbo, okyku o da mo a bmi ba adlidzi.

MoAfisu 1:6

Agimi e da gi e hlu Ahogbrẽ eshko okyku okpoghwo baŋ ba ekekʼpo, ta la ototno baŋ a shri a da gi okro ba Anwye baŋ a klo ŋa nzenze!

MoaOkolosi 1:1

Akpa he lo a zgi abgo me Oblus. Ahogbrẽ la okoklo baŋ angyiŋ a da me e dzu are la a nyum oshpa ba Ekristi Eyesu. Akpa lo a zgi abgo ba anigi Etimoti a mbo.

MoaOkolosi 1:13

Okyku eshi aŋa angyiŋ a se gimi a sku oreŋ ba evbu, nga a shri gimi a ba oreŋ ba Anwye baŋ ba esõ baŋ.

1 Ebitru 2:4

Agimi e ba okro ba Adigi-odne. Aŋa angyiŋ a wo ezhim la e wo esõ ma ba moarehwĩ a tla lo a ta. Ambo Ahogbrẽ a sla lo a zga ekplo ba owlama nzenze.

2 Ebitru 1:17

Agi e wo okro lo omba ba Ahogbrẽ la a wo Ada a shri ekʼpo a shri a daŋ. Omba lo enzi e zgi okro ba Esesla la e gre pyeŋ nga e lu mi le, Anwye me ba ame e klo ŋa angyiŋ a wo ahi ba ame e la e gno oraŋ ka la ŋa e gre eshri!