Amatiyu 11:5 - Ohwihwim Olehe

⁵ Agimi e lu e daŋ eka ba ame e hwile moavgayi ayi, nga e shaŋ moa la a buŋ adga, pa la moa la a gbu eshru, pa la moa la a som atuŋ, nga e vro moare la a kpu. Nga agimi e lu e daŋ eka ba ame e la e nyum oshpa e ygi moa la a wo ekŋe.

Amatiyu 11:5 ပူးပေါင်းရင်းမြစ်များ

Amatiyu 10:8

Nga e shaŋ moa la a no olo, nga e vro moa la a kpu, nga e shaŋ moa la a gbu eshru, nga e se egbgabi. Agimi e hwiŋ ekʼpo he lo ototno, okyku eka he agimi e yga ekplokyeŋ okyku lo mbo.

Amatiyu 11:4

Eyesu a tno mo ma a lu mi le, Agimi e bla e yi okro ba Eyohana, nga agimi e lu oshpa ayakplo bimi e gno, nga e ka e daŋ.

Amatiyu 12:13

Ambla he nga, Eyesu a nyuŋ alom lo a lu mi le, Aŋo o ndba obgo boŋ. Aŋa a ndba lo nga alo o zhiŋ o dzu eka ba obgo ohwõ.

Amatiyu 21:14

Moavgayi pa la moa la a buŋ adga, moa a ba okro baŋ Anyuŋ-akulu nga, a shaŋ mo.

Amatiyu 5:3

Oraŋ o wo ma okyku moa la a yi ba moa a sheŋ anye, okyku eshi Oreŋ Ongyeŋ o wo o mo angyiŋ!

Amatiyu 9:30

Ambla he nga, eyayi mo e hwile. Ambo Eyesu a shĩ mo a lu mi le, Agimi e lu ekplo la e kpo e da arekyeŋ mbo ba!

Amarku 7:37

Moa la a gno oshpa ekplo la e kpo mvye a ka egbregbre a gre eshri. Moa a lu mi le, Aŋa a kpo ekployaŋ a mbo shasha. Aŋa a la a kpo anyu, a da moa la a tsom atuŋ a gno, nga moa la a zhga olom a lu odlo.

Amarku 9:25

Moare a ba a ta Eyesu a kpaŋ nga a fye ŋa ta la adaŋ anwye lo, ta la anwye lo. Eyesu a ka eka he nga a nyuŋ ogbgabi lo a lu mi le, Aŋo ogbgabi la o tsom atuŋ nga o kpla egba o gbu mbo, ame e nyuŋ ŋo, o kyu anwye lo abgo, nga o tka ŋa ondakyeŋ nga mbo.

Oluka 4:18

Ogbgaodzi ba Adigi-odne o wo pa la me. Aŋa angyiŋ a sla me okyku o da me e nyum Oshpaodzadzi e ygi moaekŋe. A hom me otum okyku o da me e su odzudum e ygi moare la moa a klu mo aku. Nga e shaŋ moavgayi, Nga okyku o ngla moa la a kpo ewu.

Eyohana 10:25

Eyesu a tno ma a lu mi le, Ame e sheŋ e lu e da gimi bgu, ambo agimi e bmi ba adlidzi pa la me mbo. Otum ba ame e kpo la ekʼpo ba Adugu hi, o la o zgi egŋe me.

Eyohana 10:38

O wo ba agimi e bmi pa la me mbo a mbo, agimi e bmi ba adlidzi ta la otum me lo, okyku o da gimi e yi zhezheŋ ba Ada a wo pa la me, nga ba ame e wo ka la ŋa.

Eyohana 2:23

Omba ba Eyesu a wo Orushalima omba abgo ba Apaska, moare nzenze a bmi ba adlidzi ka la ŋa okyku ayakplo egbregbre baŋ a la a kpo.

Eyohana 3:2

Okyukyku ondakyeŋ nga a ba okro Eyesu nga a nyuŋ ŋa a lu mi le, Agi e yi zhezheŋ, aŋo Andakʼpo, aŋo angyiŋ o wo are la a nye ba Ahogbrẽ a doŋ o ba. Arekyeŋ a kpo a gbu baŋ a kpo edgu ayakplo egbregbre boŋ o la o kpo mbo o wo le Ahogbrẽ a wo ka la ŋa ayga dne.

Eyohana 5:36

Ame e wo egŋe eshri me, egŋe lo e gre e ba Eyohana a zgi okyku me a mbo nganga. Etum ba ame e la e kpo, etum ba Adugu a shri a da me okyku o da me e kpo, e la e zgi egŋe okyku me, nga e tsa ba Ada angyiŋ a hom me otum.

Eyohana 9:7

Nga a nyuŋ alom lo a lu mi le, O yi o ndza ayi boŋ atam ba Esiloyom. Alo o dzu Ohomotum angyiŋ la anyu mo. Alom lo a gre a yi a ndza ayi baŋ nga a ba nga a la a ka.

Otum 2:22

Agimi arehwĩ ba Esrayila, agimi e ngli e gno odlo he lo! Eyesu ba Anazarata a wo arehwĩ ba Ahogbrẽ a daŋ a kpo ayakplo egbregbre andandandim okyku o tsa gimi. Agimi e yi eka he lo, okyku baŋ a kpo ekployaŋ a mbo ahe ka la gimi.

Eyakubu 2:5

Agimi anáŋ, e ngli atuŋ e gno odlo me! Ahogbrẽ a sla moaekŋe ba obiŋ hi okyku o da mo a dzu la angyiŋ okro ba obmi ba adlidzi, nga okyku o da mo a hwiŋ oreŋ baŋ a hwim a zga ma okyku areyaŋ a mbo la a klo ŋa.