Amatiyu 11:4 - Ohwihwim Olehe

⁴ Eyesu a tno mo ma a lu mi le, Agimi e bla e yi okro ba Eyohana, nga agimi e lu oshpa ayakplo bimi e gno, nga e ka e daŋ.

Amatiyu 11:4 ပူးပေါင်းရင်းမြစ်များ

Amatiyu 11:3

Moa a zhĩ ŋa a lu mi le, Eyesu, aŋo o lu o da gi, aŋo angyiŋ o wo are ba Eyohana a su ma aŋa á ba le, agi e ka ayi ozhẽ okyku arekyeŋ ondundum?

Amatiyu 11:5

Agimi e lu e daŋ eka ba ame e hwile moavgayi ayi, nga e shaŋ moa la a buŋ adga, pa la moa la a gbu eshru, pa la moa la a som atuŋ, nga e vro moare la a kpu. Nga agimi e lu e daŋ eka ba ame e la e nyum oshpa e ygi moa la a wo ekŋe.

Amatiyu 15:30

Moare nzenze a ba okro baŋ. Moa a shri moa la a no elolo a shri a ba okro baŋ. Moa la a buŋ adga, pa la moa la a vga ayi, pa la moa la a shla adga, pa la moa la a buŋ olom, pa la moa la a no olo edgu ehwõ nzenze. Moa a shri mo a zga egi ayi Eyesu, nga a shaŋ mo.

Amatiyu 21:14

Moavgayi pa la moa la a buŋ adga, moa a ba okro baŋ Anyuŋ-akulu nga, a shaŋ mo.

Amatiyu 8:3

Eyesu a ndba obgo a tka ŋa nga, a lu mi le, Ame e bmi, aŋo o shaŋ! Nga alom lo a gba a shaŋ.

Eyohana 14:11

Agimi e bmi ba adlidzi ba ame e wo eso Ada nga ba Ada a wo eso me. O wo bimi e bmi ba adlidzi eka he mbo le, agimi e bmi ba adlidzi pa la etum he lo.

Eyohana 5:36

Ame e wo egŋe eshri me, egŋe lo e gre e ba Eyohana a zgi okyku me a mbo nganga. Etum ba ame e la e kpo, etum ba Adugu a shri a da me okyku o da me e kpo, e la e zgi egŋe okyku me, nga e tsa ba Ada angyiŋ a hom me otum.