Amatiyu 11:28 - Ohwihwim Olehe

²⁸ Agimi la e kpo ewu la oshri la o lbi, e ba okro me, ame é shri odzudum é da gimi.

Amatiyu 11:28 ပူးပေါင်းရင်းမြစ်များ

Amatiyu 11:29

Agimi e da me e ri ekʼpo eshri bimi, nga e nye ibu me, okyku eshi ame e wo la esõ ble-ble pa la opresõ-obiŋ, nga agimi é hwiŋ odzudum.

Amatiyu 23:4

Moa a la a bʼbi oshri la o lbi a zga moare eshri, ambo mo ababgo mo moa a bmi a shri obgo mo o tka lo mbo.

Eyohana 6:37

Areyaŋ a mbo ba Adugu a shri ŋa a da me, á ba okro me. Ame é nyom arekyeŋ la a ba okro me ku-ku nga mbo.

Eyohana 7:37

Olum ba okpyemgbyeŋ ba oriabgo he lo o wo anyua-nyuŋ o gre mvye. Onda mi lo Eyesu a kso angyeŋ nga a lu odlo la enzi angyangyeŋ a lu mi le, Areyaŋ a mbo ba oŋo o kpo ŋa o raŋ o gre baŋ a ba a wa ami okro me.

Otum 15:10

Okyku eshi agimi e klo e mbga Ahogbrẽ e ka, nga e klo e shri oshri e zga mo eshri? Ohe lo moadigi a mbo ka la gi e kpo e gbu bi e shri lo mbo!

Otum 20:35

Okro ayakplo nzenze ame e la e tsa gimi eka ba alo o dzu omgbybi bimi e kpo ngre eka he okyku o kpo o ghwo la moagogro. E tne aga odlo ba Eyesu eshrishri eŋa a lu ma oraŋ o wo ofoadi o gre oyayga.

MoaEgalasiya 5:1

Agi e wo la odzudum ma. Ekristi a sheŋ a shri odzudum a da gi! Okyku eka he agimi e tspi eka moarehwi la a wo la odzudum ma, nga agimi e bmi e dzu moawaghrẽ nga mbo.

2 MoaEtasolonika 1:7

Nga aŋa á shri odzudum á da gimi la e la e kpo ewu, nga á shri odzudum á da gi a mbo. Aŋa á kpo ohe lo omba ba Adigi-odne Eyesu a zgi Ongyeŋ a ba. Eyesu á ba la moanwyeadga baŋ la a wo la ekʼpo a gre eshri,

MoaIbrani 4:1

Ohuhuhi nga, Ahogbrẽ a dzu ohwihwim lo a zga ka la gi. Ibu ohwihwim he lo Ahogbrẽ a hwile gi ozhẽ ba agi e gre e ba okro baŋ nga e dzu e dum ka la ŋa. Okyku eka he agi e dzu la eyli okyku o da arekyeŋ eshki bimi a sheŋ anye ba o yi okro ba odzudum he lo mbo.

Otsotsa 22:17

Ogbgaodzi ta la Anwyeshe a lu mi le, Agimi e ba! Nga e da areyaŋ a mbo la a gno odlo he lo, e daŋ a mbo a lu mi le, Agimi e ba! Areyaŋ a mbo ba oŋo o kpo ŋa nga baŋ a klo o wa ami, a ba a yga ami ba esõ he lo a wa ototno.