Amatiyu 11:27 - Ohwihwim Olehe

²⁷ Adugu a kyu ekployaŋ a mbo abgo a shri a ghwo abgo me. Arekyeŋ a yi Anwye lo mbo ku-ku, o wo le Ada sha. Arekyeŋ nga a yi Ada lo mbo, o wo le Anwye sha, pa la moare ba Anwye lo a da mo a ka ŋa a bmye.

Amatiyu 11:27 ပူးပေါင်းရင်းမြစ်များ

Amatiyu 28:18

Eyesu a ba osusku pa la a mo nga a nyuŋ mo a lu mi le, Moa a shri ekʼpo pyeŋ Ongyeŋ, ta la obiŋ hi a shri a da me.

Oluka 10:22

Adugu a sheŋ a shri ekployaŋ a mbo a da me. Arekyeŋ a yi are la a wo Anwye lo mbo o wo le Ada sha. Arekyeŋ a yi are la a wo Ada mbo o wo le Anwye, pa la are ba Anwye lo a klo baŋ a yi ŋa sha.

Eyohana 1:18

Arekyeŋ a ka Ahogbrẽ a ka ondakyeŋ mbo ku-ku. Arekyakyeŋ la a wo okyekyeŋ ta la Ahogbrẽ, nga baŋ a dzu egbaŋ ba Adaŋ, a ba a lu oshpa a da gi zhezheŋ.

Eyohana 13:3

Eyesu a yi ba Ada angyiŋ a shri ekʼpo lo mvye a shri a daŋ. A yi baŋ a zgi okro Ahogbrẽ angyiŋ a ba, nga baŋ á ba a bla á yi okro Ahogbrẽ.

Eyohana 17:6

Ame e da moare boŋ o shri o da me obiŋ hi a yi ŋo. Moa a wo a boŋ, nga aŋo angyiŋ o shri mo o da me. Moa a bmi ta la odlo boŋ.

Eyohana 3:35

Adaŋ a la a klo Anwye baŋ, okyku eka he a shri ekployaŋ a mbo a ghwo abgo baŋ.

Eyohana 6:46

Ambo arekyeŋ a ka Ada a ka mbo. Are he lo la a zgi okro Ahogbrẽ a ba, aŋa akyakyeŋ sha a ka Ada a ka.

Eyohana 7:29

Ambo ame e yi ŋa. Ame e zgi okro baŋ angyiŋ e ba, nga aŋa angyiŋ a hom me otum.

1 Ebitru 3:22

Eyesu Ekristi a sheŋ a gre Ongyeŋ bgu, nga ohuhuhi aŋa a wo egbaŋ ba obgori ba Ahogbrẽ a mo. Nga aŋa a la a ri ekʼpo eshri moanwyeadga ba Ongyeŋ pyeŋ, pa la moa la a ri ekʼpo Ongyeŋ, ta la edgu ekʼpo nzenze la e wo Ongyeŋ.

1 Eyohana 2:23

Nga are la a tla Anwye le, aŋa a tla Ada a mbo ko-ko. Nga are la a yga Anwye le, aŋa a yga Ada a mbo ko-ko.

2 Eyohana 1:9

Areyaŋ a mbo la a tspi ta la onyenye ba Ekristi mbo nga a ngʼba a sku lo le, a wo la Ahogbrẽ ma mbo. Ambo areyaŋ a mbo la a tspi ta la onyenye he lo le, a wo la Ada ta la Anwye ma.