Amatiyu 11:22 - Ohwihwim Olehe

²² Agimi e ka, Onda Ombgu Ahogbrẽ á ka moarehwĩ ba Ataya ta la Esidoŋ, ayiekŋe á gre gimi!

Amatiyu 11:22 ပူးပေါင်းရင်းမြစ်များ

Amatiyu 10:15

Agimi e ka! Onda Osõmbgu le, Ahogbrẽ á ka moarehwĩ ba Osodom, ta la Ogomora a mbo ayiekŋe á gre osku mi lo!

Amatiyu 11:21

Eyesu a nyuŋ esku eha hi lo, a lu mi le, Aŋo Okoroziŋ, ta la Ebetseda, a ba eshri bimi! O wo moa a kpo edgu ayakplo ba egbregbre moa a kpo hi Ataya, ta la Esidoŋ angyiŋ e mbi, moare a sheŋ a ygi ashezhga aknye nga a fa otutuŋ a ygi egʼba okyku o tsa ba moa a ghwo obiŋ odlobi mo.

Amatiyu 11:24

Aŋo o ka, Onda Ombgu, Ahogbrẽ á ka Osodom ayiekŋe á gre ŋo!

Amatiyu 12:36

Ame e lu e da gimi, Onda Ombgu le, areyaŋ a mbo á wre odlo ototno baŋ a la a lu, á da mo a ka.

Oluka 10:14

Olum Onda Ombgu ba Ahogbrẽ, Ahogbrẽ á ka Ataya ta la Esidoŋ la ayiekŋe la a gre ayiekŋe baŋ á ba a ka okyku gimi.

MoaIbrani 2:3

Agi nga é kpo anyu é ba e gro o wo ba agi e tla e tsi oshla ogagre eka he e ghwo ayi? Adigi-odne ababgo baŋ a zga esĩ a su oshla he lo. Nga moare la a gno osu baŋ he lo moa a tsa gi ba alo o wo adlidzi angyiŋ.

2 Ebitru 2:9

Okyku eka he, Adigi-odne a yi eka baŋ a se moarehwĩ ba Ahogbrẽ a sku ewu ba moa a wo ma. Nga a sa a yi eka baŋ á shri ewu á zga ma okyku moarehwĩ ba odlobi Olum onda ba Ombgu lo.

2 Ebitru 3:7

Ambo ongyeŋ pyeŋ ta la obiŋ hi la o wo ma ohuhuhi, odlo he lo angyiŋ ó shri lo ó zga ma, okyku o da mo a jygi lo la ovo. Moa a shri lo pyeŋ a zga ma á bli onda ba moa á sõ moarehwĩ ba odlobi ombgu nga á jygi mo.

1 Eyohana 4:17

Okyku okũ he lo angyiŋ, moa a da oklo o bli okro bi, okyku o da gi e bli la oshye-esõ Olum onda ba ombgu lo, okyku eshi odzudzu bi obiŋ hi o wo okyekyeŋ angyiŋ ta la odzudzu ba Ekristi. Eyli e wo okro ba oklo mbo ku-ku.

Otsotsa 20:11

Ambla he nga ame e ka anyuŋ emgbakyiŋ ba oreŋ ekyle ta la are la a dzu ma. Obiŋ hi ta la ongyeŋ moa a knye a sku ŋa, nga moa a ka mo ku-ku nga mbo.

Otsotsa 20:12

Nga ame e ka moa la a sheŋ a kpu, moa la a gbu eshko, pa la moa la a wo emakyeŋ ma mbo. Moa pyeŋ a tspi egi ayi ba emgbakyiŋ oreŋ lo. Moa a hwile akpekpa. Ambla he nga moa a sa a hwile akpakyeŋ, akpa he lo angyiŋ a wo akpa ba moa la a wo la esõ ma. Nga moa á sõ moa la a kpu ombgu eka ba ekplo ba moa a kpo, eka ba moa a ta lo akpekpa lo.