Amatiyu 11:12 - Ohwihwim Olehe

¹² A zga omba ba Eyohana a nyum oshpa ma-me a ta anye he, Oreŋ Ahogbrẽ o kpo ewu o gre eshri. Moareabi a la a klo ezhẽ okyku o jygi lo.

Amatiyu 11:12 ပူးပေါင်းရင်းမြစ်များ

Amatiyu 11:11

Agimi e tne e ka, Eyohana hi lo, a wo anyuanyuŋ a gre areyaŋ a mbo eshki moare bimi e la e gno oshpa mo obiŋ hi. Ambo are la a ba Oreŋ Ongyeŋ amom-abgo, a sa a wo anyuanyuŋ a sa a gre Eyohana a mbo nganga.

Amatiyu 11:13

Moare ba Ahogbrẽ a hom mo otum mvye, ta la odaŋ ba Omusa, moa a la a nye moare eshri Oreŋ Ongyeŋ ayga Eyohana a sa a ba a nye a ta ma.

Amatiyu 3:15

Ambo Eyesu a tno ŋa ma a lu mi le, Aŋo o da lo o ygi eka he ohuhuhi, okyku eshi ozhẽ he lo angyiŋ, agi é ba e kpo ekployaŋ a mbo ba Ahogbrẽ a klo. Eyohana nga a bmi.

Oluka 13:24

Agimi e zga gble okyku o da gimi e sõ ozhẽ la o fye kpate. Ame e lu e da gimi, moare nzenze á klo o sõ lo, ambo moa á sõ lo á gbu mbo.

Oluka 16:16

Odaŋ Omusa, ta la akpekpa ba moarehwi Ahogbrẽ a hom otum, moa a kpo otum ta la alo ma-me a gbu omba ba Eyohana la a kpo abaptisma. A zga omba he lo nga, moa a nyum Oshpaodzadzi la o wo eshri Oreŋ ba Ahogbrẽ, nga areyaŋ a mbo a kyku ebzu okyku o hwiŋ lo.

Eyohana 5:4

Ombayaŋ a mbo anwyeadga ba Ahogbrẽ a gre ami lo a kpo lo esku. Are la a no edgu oloyaŋ a mbo, o wo baŋ a gre ma a gre ori bgu le á shaŋ.]

Eyohana 6:27

O raŋ o gre ba agimi e kpo otum okyku algo la á vre mbo, ambo agimi e kpo otum okyku algo la a shri eso ba gbagbu-amo a shri a di. Anwye Arehwi á shri edgu algo he lo á shri á di. Okyku eshi Ahogbrẽ la a wo Ada a sheŋ a bmi ka la ŋa bgu.

MoaEfilibi 2:12

Okyku eka he agimi akyemeazba, eka ba agimi e la e fa olbi e da me a zga omba ba ame e yi e wo ka la gimi, o raŋ o gre ba agimi e fa olbi e da me ohuhuhi angyiŋ okyku ba ame e ngʼba e sku gimi. Agimi e la e kpo otum e ta ma-ma, la eyli ta la egʼba la e zhga ara okyku o bli otum ba oshla bimi.