Amatiyu 10:40 - Ohwihwim Olehe

⁴⁰ Areyaŋ a mbo la a yga gimi le, a yga me angyiŋ, nga areyaŋ a mbo la a yga me le, a yga are la a hom me otum.

Amatiyu 10:40 ပူးပေါင်းရင်းမြစ်များ

Amatiyu 18:5

Okyku eka he, areyaŋ a mbo la a yga akyeŋ eshki moanwye afifi he lo eshko me le, a yga me angyiŋ.

Amatiyu 25:40

Areŋ á tno mo ma á lu mi le, Omba bimi e la e kpo e ghwo la moanime la a wo ekplokyeŋ mbo, o dzu eka bimi e kpo e ghwo la me angyiŋ!

Amatiyu 25:45

Areŋ á tno mo ma á lu mi le, Ame e lu e da gimi, omba bimi e tla e kpo e ghwo la moa la a wo ekplokyeŋ mbo, o dzu eka bimi e tla e kpo e ghwo la me angyiŋ.

Amarku 9:37

Areyaŋ a mbo la a yga anwye afifi eka he eshko me, a yga me sha mbo, ambo a yga are la a hom me otum a mbo.

Oluka 10:16

Nga a nyuŋ moanwyeotum baŋ lo a lu mi le, Areyaŋ a mbo la a yga odlo bimi le, a yga odlo me angyiŋ, nga areyaŋ a mbo la a tla gimi le, a tla me angyiŋ, nga areyaŋ a mbo la a tla me angyiŋ, a tla are la a hom me otum.

Oluka 9:48

Ambla he nga a nyuŋ mo a lu mi le, Areyaŋ a mbo la a yga akyeŋ eshki moanwye afifi he lo le, a yga me angyiŋ. Are la a yga me le, a yga are la a hom me otum. Nga areyaŋ a mbo ba moa a sko ŋa a zga akplokyeŋ eshki bimi mbo, moa á sko ŋa á zga anyuanyuŋ a gre pyeŋ.

Eyohana 13:20

Ame e la e lu adlidzi angyiŋ e da gimi, areyaŋ a mbo la a yga are ba ame e hom ŋa otum le, a yga me angyiŋ. Are la a yga me le, a yga are la a hom me otum.

Eyohana 20:21

Eyesu a lu pa la mo a lu mi le, Opyapyaŋ ba eso o dzu ka la gimi. Eka ba Ada a hom me otum angyiŋ, ame a mbo e hom gimi otum.

Eyohana 5:23

Okyku eka he moare mvye moa á hlu Anwye lo eshko eka ba moa a la a hlu Ada eshko. Areyaŋ a mbo la a hlu Anwye eshko mbo le, o dzu eka baŋ a tla o hlu Ahogbrẽ la a hom ŋa otum eshko.

2 MoaOkorinti 5:20

Ohuhuhi agi e la e lu odlo okyku Ekristi. O wo eka ba Ahogbrẽ ababgo baŋ angyiŋ a la a vẽ gimi ozhẽ bi. Okyku Ekristi agi e vẽ gimi okyku o da Ahogbrẽ a zhiŋ gimi la e wo moafpu ŋa a da gimi e dzu moakyeŋazba!

MoaEgalasiya 4:14

Oshye egʼba me o dzu ekplo ba ewu angyiŋ ka la gimi, ambo agimi e ka e dzĩ o mbo le e tla me mbo. Ambo ekayaŋ a mbo agimi e yga me eka bimi e yga anwyeadga ba Ahogbrẽ. Agimi e yga me eka bimi é yga Ekristi Eyesu!

1 MoaEtasolonika 4:8

Okyku eka he nga, areyaŋ a mbo la a tla onyenye he lo, a tla arehwĩ angyiŋ mbo, ambo a tla Ahogbrẽ angyiŋ la a la a shri Ogbgaodzi a da gimi.

2 Eyohana 1:9

Areyaŋ a mbo la a tspi ta la onyenye ba Ekristi mbo nga a ngʼba a sku lo le, a wo la Ahogbrẽ ma mbo. Ambo areyaŋ a mbo la a tspi ta la onyenye he lo le, a wo la Ada ta la Anwye ma.