Amatiyu 10:32 - Ohwihwim Olehe

³² Areyaŋ a mbo la a zgi egŋe la eyayi a lu ma aŋa a wo a me, ame a mbo é zgi egŋe ekakahelo eshri baŋ egi ayi Adugu la a wo Ongyeŋ.

Amatiyu 10:32 ပူးပေါင်းရင်းမြစ်များ

Amatiyu 25:34

Anyuŋ-areŋ nga á nyuŋ moare la a wo obgori baŋ á lu mi le, Agimi moarehwĩ owlama ba Adugu, e ba! Agimi e ba e yga oreŋ ba moa a kpo okyku gimi ombamba ba moa a zga esĩ a kpo obiŋ hi.

Oluka 15:10

Ekakahelo angyiŋ, ame e lu e da gimi, moanwyeadga ba Ahogbrẽ a la a kpo ovye Ongyeŋ, o wo ba arekyeŋ la a tsu a bgu, a ba a ghwo obiŋ odlobi baŋ.

Eyohana 9:22

Moadaŋ a tno ma eka he okyku eshi moa a kpo eyli moaEyahuda. MoaEyahuda a lu mi ma areyaŋ a mbo la a zgi egŋe ma Eyesu a wo Emisiya angyiŋ le, moa á se ŋa eshki.

2 Etimoti 1:8

Aŋo o gbu anzi okyku o zgi egŋe okyku Adigi-odne ta la me la e wo oprusuna baŋ mbo. Ambo o bmi nga o kpo ewu okyku o su Oshpaodzadzi he lo, eka ba Ahogbrẽ a shri oshye a doŋ okyku lo.

1 Eyohana 4:15

Areyaŋ a mbo la a zgi egŋe a lu mi ma Eyesu a wo Anwye ba Ahogbrẽ le, Ahogbrẽ a wo esõ ba edgu are he lo, nga aŋa a mbo a wo esõ ba Ahogbrẽ.

Otsotsa 2:13

A lu mi le, Ame e yi okro boŋ o dzu ma. Ibu he lo angyiŋ, emgbakyiŋ oreŋ ba Eshitaŋ e wo ma. Aŋo o kpo adlidzi pa la me, nga o ndba obmi ba adlidzi boŋ o bmi pa la me o ta a bi mbo omba ba moa a bga Antipa okro ba Eshitaŋ e dzu ma. Antipa a wo are la a zgi egŋe me la adlidzi angyiŋ.

Otsotsa 3:5

Ekakahelo angyiŋ, moare la a hwiŋ okpogre lo pyeŋ, moa á ygi mo ariga akyle. Nga ame é bga ashko mo akpa ba esõ ku-ku mbo. Nga egi ayi ba Adugu pa la moanwyeadga baŋ, ame é lu ka la ŋa zhezheŋ ba moa a wo moarehwĩ me angyiŋ.