Amatiyu 10:3 - Ohwihwim Olehe

³ Ta la Efilibu, ta la Abatalamawu, ta la Otoma, ta la Amatiyu, aŋa a wo are la a yga ewaŋ angyiŋ, ta la Eyakubu, aŋa a wo anwye Alafus, ta la Tadas.

Amatiyu 10:3 ပူးပေါင်းရင်းမြစ်များ

Amatiyu 18:17

Ambo o wo baŋ a ka a ngli atuŋ a gno odlo mo mbo le, agimi e shri odlo lo e yi eshki moa la a lu Eyesu ma. O wo baŋ a ka a ngli atuŋ a gno eshki a mbo mbo le, agimi e sko ŋa e zga eka are la a yga Eyesu esõ baŋ a ka mbo, o mbo le eka are la a yga ewaŋ.

Amatiyu 27:56

Eshki moashe he lo, Emeri Emagadaliya, ta la Emeri anaŋ Eyakubu, ta la Oyusufu, ta la animoanwye ba Azabadi moa a wo ma.

Amatiyu 9:9

Eyesu a kso a sku okro he lo. Omba baŋ a la a bre a yi nga, aŋa a ka alomakyeŋ la a yga ewaŋ, aŋa a ri Amatiyu. A wo aku ba oyga ewaŋ. Eyesu a nyuŋ Amatiyu a lu mi le, Aŋo o lu me ma. Amatiyu a kso nga, a lu Eyesu ma.

Amarku 15:40

Moashekyeŋ la a ba, a tspi ogyugyuŋ nga a ka ekplo la e kpo. Moashe he lo a wo Esalomi ta la Emeri Amagadaliya, ta la Emeri anaŋ Eyakubu la a wo andetse, ta la Ojosi.

Amarku 2:14

Omba baŋ a yi nga, a ka alom la a yga ewaŋ ba eshko baŋ e ri Eliwu, a wo anwye Alafus, a dzu aku moa a yga ewaŋ. Eyesu a nyuŋ ŋa a lu mi le, O lu me ma. Eliwu a kso nga a lu ŋa ma.

Amarku 3:18

Andru, ta la Efilibu, ta la Abatalamawu, ta la Amatiyu, ta la Otoma, ta la Eyakubu anwye Alafus, ta la Atadas, ta la Esima anwye obiŋ.

Oluka 18:10

Eyesu a lu mi le, Moarehwi aha a gre Anyuŋ-akulu okyku o fa olu. Akyeŋ eshki mo a wo a ba Efarisi, ahwõ nga a wo are la a yga ewaŋ.

Oluka 18:11

A ba Efarisi a kso angyeŋ nga a fa olu a lu ta la eŋa a lu mi le, Ame e vye la ŋo Ahogbrẽ okyku ba ame e wo are la a kpo envre mbo, nga e la e kpo abibli mbo, nga e la e kpo ayakplo ba eshre eka moahwõ mbo. Ame e vye la ŋo okyku ba ame e wo eka are la a yga ewaŋ mi mbo.

Oluka 18:13

Ambo are la a yga ewaŋ a tspi eŋa ogyugyuŋ nga a zhiŋ ayi baŋ a mbo a ka ongyeŋ mbo. A bmmi abgo eshaku nga a lu mi le, Ahogbrẽ ame e wo are odlobi angyiŋ! O ka me ayiekŋe!

Oluka 19:2

Osku he lo alomakyeŋ a wo ma, eshko baŋ e ri Azaka. A wo andakʼpo moa la a yga ewaŋ, nga a wo la angyiŋ nzenze ma.

Oluka 5:27

Ambla he Eyesu a zgi edzi nga a ri a sheŋ alom la a yga ewaŋ. Eshko baŋ e ri Eliwu. A hwiŋ ŋa aku moa a yga ewaŋ. Eyesu a nyuŋ ŋa a lu mi le, O lu me ma.

Eyohana 1:48

Enataniyelu a zhĩ a lu mi le, Aŋo o kpo anyu o yi me? Eyesu a tno ma a lu mi le, Ame e ka ŋo omba boŋ o dzu okũ anva, omba ba Efilibu a bzi ŋo a wo mbo.

Eyohana 11:16

Otoma la a wo Ahli a nyuŋ moanwyeotum la a kpo otum ka la ŋa a lu mi le, Agimi e da gi pyeŋ e yi ta la Andakʼpo, okyku o da gi e kpu otsotse ka la ŋa!

Eyohana 14:22

Eyahuda, ahi lo angyiŋ a wo Eyahuda Eskariyoti mbo, a nyuŋ Eyesu a lu mi le, Adigi-odne, okyku eshi aŋo ó ba o hwile eshyẽ boŋ ó da gi angyiŋ e ka, okyku eshi aŋo ó hwile lo ó da obiŋ hi angyiŋ o ka mbo?

Eyohana 14:5

Otoma a tno ŋa ma a lu mi le, Adigi-odne, agi e tspi okro boŋ o yi lo mbo, agi e kpo anyu e tspi ozhẽ lo?

Eyohana 14:9

Eyesu a tno ŋa ma a lu mi le, Aŋo Efilibu, ame e dzu ka la gimi nzenze, ambo aŋo o yi me mbo? Areyaŋ a mbo la a ka me le, a ka Ada. Okyku eshi aŋo o zhĩ ma ame e tsa gimi Ada?

Eyohana 21:2

Esima Ebitru ta la Otoma ba eshko baŋ ehwõ e ri Ahli, ta la Enataniyelu, ahi lo a zgi Akana obiŋ ba Egalili, ta la moanwye ba Azabadi, ta la moanwyeotumakyeŋ aha ba Eyesu a wo pa la mo.

Otum 1:13

Moa a bla a gre Orushalima a khwo nga, moa a bla a gre aku moa a pla emo a shki ma. Ebitru ta la Eyohana, ta la Eyakubu, ta la Andru, ta la Efilibu, ta la Otoma, ta la Abatalamawu, ta la Amatiyu, ta la Eyakubu anwye Alafus, ta la Esima anwye obiŋ, ta la Eyahuda anwye Eyakubu.

Otum 12:17

A tsa mo obgo moa a dzu tki, nga a lu a da mo eka ba Ahogbrẽ a se ŋa aku. A nyuŋ mo a lu mi le, Agimi e lu e da Eyakubu ta la moanáŋ ahwõ mvye. A lu eka he a khwo nga, a gre eŋa egi ehwõ.

Otum 15:13

Ambla moa a lu odlo a khwo nga, Eyakubu a kso a lu odlo a lu mi le, Agimi anáŋ e ngli e gno!

Otum 21:18

Onda oha nga Oblus a gre ka la gi okyku o ka Eyakubu pa la moandakʼpo ba Eklisiya la a wo ma.

MoaEgalasiya 1:19

Ame e ka arekyeŋ eshki moa la a nyum oshpa lo mbo o wo le Eyakubu anáŋ Adigi-odne sha.

MoaEgalasiya 2:9

Eyakubu ta la Ebitru, ta la Eyohana, moahi lo a wo eka moandakʼpo, moa a ka a bmye ba Ahogbrẽ angyiŋ a shri otum he lo a shri a da me. Okyku eka he nga moa a wa obgo ta la Abarnaba pa la me a mbo. Okyku bi e wo moa la a kpo otum otsotse, agi e bmi ba agi é ba e kpo otum pa la moa la a wo moaEyahuda mbo, nga ba moa á ra á kpo otum pa la moaEyahuda.

Eyakubu 1:1

Akpa he lo a zgi abgo ba Eyakubu awahgrẽ ba Ahogbrẽ ta la Adigi-odne Eyesu Ekristi. Ame e shko moarehwĩ pyeŋ ba Ahogbrẽ, la moa a som ayi a gre okroyaŋ a mbo obiŋ hi.

Eyahuda 1:1

Akpa he lo a zgi abgo ba Eyahuda awaghrẽ ba Eyesu Ekristi. Eyahuda angyiŋ a wo anáŋ Eyakubu. Akpa he lo a wo okyku moarehwĩ ba Ahogbrẽ a bzi mo, moa la a dzu odzudzu mo ibu oklo ba Ahogbrẽ la a wo Ada, nga ba Eyesu Ekristi a la a kpaŋ mo.