Amatiyu 10:28 - Ohwihwim Olehe

²⁸ Moarehwĩ la a bga egʼba agimi e kpo eyli mo mbo, okyku eshi moa a wo ekʼpo ma ba moa a bga esõ arehwĩ mbo. Ambo agimi e kpo eyli Ahogbrẽ la a kpo a gbu baŋ a bga egʼba pyeŋ, ta la esõ a mbo enzheovo.

Amatiyu 10:28 ပူးပေါင်းရင်းမြစ်များ

Amatiyu 10:26

Agimi e kpo eyli moarehwĩ mbo. Ekployaŋ a mbo la e ghre, é gbu edzi.

Amatiyu 25:46

Moahi lo, moa á shri mo á gre ewu la e vu olo gbagbuamo. Moa la a bmi ba adlidzi, moa á hwiŋ esõ ba gbagbuamo.

Amatiyu 5:22

Ambo ohuhuhi ame e lu e da gimi, areyaŋ a mbo la a kpo olom ta la anáŋ, moa á sõ ŋa ombgu, nga areyaŋ a mbo la a bzi anáŋ ma Arehwĩ ba ototno, moa á shri ŋa á yi egi ayi moandakʼpo. Nga areyaŋ a mbo la a bzi anáŋ ma Adro ba ototno, a wo oyla baŋ á yi enzheovo.

Eyohana 5:29

nga moa á zgi á sku engybi. Moare la a kpo odlodzi moa á kso á hwiŋ eso, ambo moa la a kpo odlobi moa á kso moa á sõ mo ombgu.

Otum 21:13

Ambo a tno ma a zhĩ gi a lu mi le, Agimi e kpo eshi eka he? Agimi e wo okũ nga e kpla me eso e gbu okyku eshi? Ame e bmi okyku o da mo a bʼbu me endzi sha Orushalima mbo, ambo ame e bmi okyku o kpu okyku Adigi-odne Eyesu.

MoaIbrani 10:31

Alo o wo ekplo ba eyli angyiŋ ba are a gbu ombgu ta la Ahogbrẽ la a wo la esõ ma!

MoaIbrani 11:35

Okro ba obmi ba adlidzi angyiŋ, moashe moa a yga moarehwĩ mo la a kpu, moa ba moa a kso mo eku. Moabze a kpu la ewu nzenze, nga moa a tla odzudum okyku o da mo a hwiŋ odzudzu la o wo odzadzi o gre odzudzu ba ohuhuhi.

Eyakubu 4:12

Ahogbrẽ sha a wo are la a jygu odaŋ nga a sõ ombgu. Aŋa sha angyiŋ a kpo a gbu baŋ a shla are o mbo le a jygi are. Aŋo o ka aŋo o wo ayi angyiŋ boŋ o sõ anóŋ ombgu?

1 Ebitru 3:14

Ambo o wo ba agimi e la e kpo ewu okyku o kpo ayakplo la a wo shasha, agimi e dzu la oraŋ nzenze! E kpo eyli ba moarehwĩ mbo. Nga agimi e da esõ e ngʼba gimi mbo.

Otsotsa 2:10

Ambo o da ewu boŋ ó ba o kpo, e kpo ŋo eyli mbo ku-ku. O ngli atuŋ o gno! Eshitaŋ é shri moabze eshki bimi é ygi aku okyku o daŋ a mbga gimi a ka. Agimi é kpo ewu okyku elum okʼpo. Aŋo o kpo adlidzi ma-me o tsa onda boŋ o kpu. Ambla he nga, ame é shri anyuŋ egbre ba esõ é shri é doŋ.