Amatiyu 10:2 - Ohwihwim Olehe

² Moa la a nyum oshpa otsko he lo a ri, Esima, eshko baŋ ba oha e ri Ebitru, ta la anáŋ Andru, ta la Eyakubu, ta la anáŋ Eyohana, moaha he lo moa a wo moanwye ba Azabadi angyiŋ.

Amatiyu 10:2 ပူးပေါင်းရင်းမြစ်များ

Amatiyu 17:1

Ambla ba elum efĩ nga, Eyesua da Ebitru, ta la Eyakubu, ta la Eyohana, moaha a wo moanáŋ angyiŋ, moa pyeŋ a vre akũ ka la ŋa.

Amatiyu 20:20

Ambla he nga ashe Azabadi a ba okro Eyesu pa la moanwye baŋ aha. A kʼpu obiŋ egi ayi Eyesu nga a vẽ ŋa okyku o daŋ a kpo a ghwo la ŋa.

Amatiyu 26:37

Eyesu a da Ebitru pa la moanwye Azabadi aha a gre ka la ŋa. Omba he lo esõ e bili ŋa e gre eshri.

Amatiyu 4:18

Omba ba Eyesu a dzi akaŋ atam ba Egalili nga, aŋa a ka moanáŋ aha la a la a vu atsa. Moa a ri Esima la a sa a ri Ebitru, ta la anáŋ Andru. Moa a la a vu atsa atam la ekyeŋ.

Amatiyu 4:21

Aŋa a la a bre a yi nga, a sa a ka moanáŋ aha-akyeŋ. Moa a ri Eyakubu, ta la Eyohana. Moa a wo moanwye Azabadi. Moa a wo amgblami ta la adimo, moa a la a nyuŋ ekyeŋ mo a kpo. Eyesu nga a bzi mo.

Amarku 1:29

Eyesu pa la moanwyeotum baŋ anyi a zgi akulu nga a gre odne ba Esima ta la Andru otsotse, ta la Eyakubu, ta la Eyohana.

Amarku 13:3

Omba ba Eyesu a vre a dzu akũ ba olivi a wo ma, a ka Anyuŋ-akulu, nga Ebitru ta la Eyakubu ta la Eyohana ta la Andru a ba okro baŋ shu.

Amarku 6:30

Moanwyeotum la a zgi onyumoshpa a ba okro Eyesu nga moa a lu eka ayakplo moa a kpo a daŋ.

Oluka 11:49

Okyku eka he, Okaobmye ba Ahogbrẽ o lu mi le, Ame e da moarehwi ba Ahogbrẽ a hom otum á ba, pa la moanwyeadga baŋ. Moare á bga moakyeŋ eshki mo, nga moa á kpo moakyeŋ ewu.

Oluka 22:14

Omba lo o kpo nga, Eyesu pa la moa la a nyum oshpa baŋ moa a gre a yi a dzu amgbla ba orialgo.

Oluka 22:8

Eyesu a hom Ebitru, ta la Eyohana otum a lu mi le, E yi e nyuŋ algo bi ba Apaska e kpo okyku o da gi e ri.

Oluka 5:10

Eyakubu, ta la Eyohana moa a wo ta la Esima omba he lo. Moa a mbo a ka egbregbre ekakahelo. Eyakubu, ta la Eyohana, moa a wo moanwye Azabadi. Eyesu a nyuŋ Ebitru a lu mi le, O kpo eyli mbo, o zga omba he nga, aŋo ó vu moarehwi.

Oluka 9:10

Omba ba moa la a nyum oshpa lo moa a ba nga, moa a lu ekployaŋ a mbo ba moa a kpo a da Eyesu. A da mo ka la ŋa a gre oskukyeŋ ba moa a bzi lo ma Ebetseda.

Eyohana 12:22

Efilibu a gre a yi a lu a da Andru; moaha lo nga a gre a yi a lu a da Eyesu.

Eyohana 13:23

Anwyeotum lo akyeŋ la a wo a ba eso Eyesu, a dzu a ta a ka Eyesu.

Eyohana 20:2

Aŋa a knye a gre okro Esima Ebitru ta la anwyeotumakyeŋ, ahi lo angyiŋ a wo a ba eso ba Eyesu. Emeri a nyuŋ mo a lu mi le, Moa a sko Adigi-odne a sku ongybi, nga agi e yi okro moa a shri ŋa a zga ma mbo!

Eyohana 21:2

Esima Ebitru ta la Otoma ba eshko baŋ ehwõ e ri Ahli, ta la Enataniyelu, ahi lo a zgi Akana obiŋ ba Egalili, ta la moanwye ba Azabadi, ta la moanwyeotumakyeŋ aha ba Eyesu a wo pa la mo.

Eyohana 21:20

Ebitru a zhiŋ nga a ka anwyeotum lo ahwõ, ahi lo angyiŋ a wo a ba eso Eyesu. Aŋa angyiŋ a dzu a fki Eyesu omba ba moa a ri abgo ba Apaska. Aŋa angyiŋ a zhĩ a lu mi le, Adigi-odne, ayi angyiŋ á ba a yla ŋo?

Eyohana 21:24

Aŋa angyiŋ a wo anwyeotum la a lu odlo he lo nga a ta lo. Agi e yi baŋ a lu adlidzi angyiŋ.

Eyohana 6:67

Nga Eyesu a nyuŋ moanwyeotum otsko a lu mi le, Agimi a mbo e klo e yi egimi?

Eyohana 6:70

Eyesu a tno mo ma a lu mi le, Ame e sla gimi otsko angyiŋ mbo? Ambo akyeŋ eshki bimi a wo areabi!

Eyohana 6:71

Aŋa a ta egŋe he eshri ba Eyahuda anwye Esima Eskariyoti angyiŋ. Okyku eshi Eyahuda la a wo akyeŋ eshki moanwyeotum otsko angyiŋ, á ba a yla Eyesu.

Eyohana 6:8

Akyeŋ eshki moanwyeotum ba Eyesu, eshko baŋ e ri Andru, aŋa a wo anáŋ Esima Ebitru. A nyuŋ Eyesu a lu mi le,

Otum 1:13

Moa a bla a gre Orushalima a khwo nga, moa a bla a gre aku moa a pla emo a shki ma. Ebitru ta la Eyohana, ta la Eyakubu, ta la Andru, ta la Efilibu, ta la Otoma, ta la Abatalamawu, ta la Amatiyu, ta la Eyakubu anwye Alafus, ta la Esima anwye obiŋ, ta la Eyahuda anwye Eyakubu.

Otum 1:26

Ambla moa a fa olu a khwo nga, moa a fye emvye okyku o da mo a sla arekyeŋ eshki moarehwi aha he lo. Moa a sla Amataya. Moa a shri ŋa a pu pa la moa la a nyum oshpa okʼpoakyeŋ lo.

Otum 12:2

A da mo a bga Eyakubu anáŋ Eyohana la akõ.

Otum 3:1

Ondakyeŋ nga Ebitru ta la Eyohana moa gre Anyuŋ-akulu omba amgbaŋ atra ba olulum okyku o fa olu.

1 MoaOkorinti 15:7

Ambla he nga a da Eyakubu a ka ŋa, ambla he nga a da moa la a nyum oshpa pyeŋ a ka ŋa.

MoAfisu 4:11

Aŋa angyiŋ a shri okpogbu a shri a da moare. A sla moakyeŋ okyku o da mo a nyum oshpa. Moakyeŋ nga okyku o da mo a dzu moarehwĩ ba Ahogbrẽ a hom mo otum. Moakyeŋ nga okyku o da mo a dzu anwye esku nga a nyum oshpa. Moakyeŋ nga okyku o da mo a dzu moa-opasto. Moakyeŋ okyku o da mo a dzu moa la a nye moare engla.

MoaIbrani 3:1

Agimi anáŋ la e lu Ekristi ma nga ba Ahogbrẽ angyiŋ a bzi gimi! Agimi e tne aga ogyugyuŋ eshri ba Eyesu, aŋa angyiŋ Ahogbrẽ a hom ŋa otum okyku o daŋ a dzu anyuŋ-andakʼpo olu ba Ahogbrẽ, okyku obmi ba adlidzi ba agi e tspi okyku lo.

1 Ebitru 1:1

Akpa he lo a zgi abgo ba Ebitru, are la a nyum oshpa ba Eyesu Ekristi. Akpa he lo a wo okyku moarehwĩ ba Ahogbrẽ a sla mo. Moa a som ayi okyku ewu, nga moa a gre a yi a dzu moazhẽ egʼba ebiŋ ba Obontu, ta la Egalasiya, ta la Akapadokiya, ta la Asiya, ta la Ebitaniya.

2 Ebitru 1:1

Akpa he lo a zgi abgo ba Esima Ebitru, la a wo awaghrẽ ta la are la a nyum oshpa ba Eyesu Ekristi. Alo a wo okyku moare la a hwiŋ obmi ba adlidzi la o wo la owlama eka ba obmi ba adlidzi bi e wo la alo ma. Moa a hwiŋ lo okro ba odlodzi ba Ahogbrẽ bi ta la Areoshla bi Eyesu Ekristi.

2 Eyohana 1:1

Akpa he lo a zgi abgo ba Andakʼpo, A yi okro Ashe moa a sla ŋa pa la moanwye baŋ, ba ame e klo mo la adlidzi. Ame sha angyiŋ mbo, ambo moare pyeŋ la a yi adlidzi moa a klo gimi,

3 Eyohana 1:1

Akpa he lo a zgi abgo ba Andakʼpo, A yi abgo ba Egayu, arehwĩ ba ame e klo ŋa nzenze.

Otsotsa 1:1

Moa a ta ayakplo ba Eyesu Ekristi a tsa angyiŋ akpa he lo. Ahogbrẽ a shri ayakplo he lo a shri a daŋ, okyku o daŋ a tsa moawahgrẽ ba Ahogbrẽ ayakplo la á ba a kpo ambla fi. Ekristi a da anwyeadga baŋ a gre ibu ba Eyohana awaghrẽ baŋ nga, a daŋ a tsa ŋa ayakplo he lo.

Otsotsa 1:9

Ame angyiŋ e wo Eyohana anigimi. Nga ibu okŋeogba ta la Eyesu angyiŋ, ame e pu ka la gimi ewu ba agimi e kpo, nga ame e sa e pu ka la gimi Oreŋ baŋ ta la ota esõ akpyli. Moa a shri me a gre a yi a ta anwye-obiŋ ba moa a bzi lo ma Abatmo okyku ba ame e nyum oshpa ba odlo ba Ahogbrẽ ta la adlidzi ba Ekristi a tsa.

Otsotsa 18:20

Ekployaŋ a mbo la e wo Ongyeŋ, e kpo ovye okyku ba moa a jygi osku he lo! Agimi arehwĩ ba Ahogbrẽ pa la moa la a nyum oshpa, pa la moarehwĩ ba Ahogbrẽ a hom mo otum, e kpo ovye! Okyku eshi Ahogbrẽ a sõ ashe lo ombgu okyku ayakplo ba osku he lo o kpo gimi!

Otsotsa 22:8

Ame Eyohana, e gno, nga e sa e ka ayakplo he lo pyeŋ. Ambla ba ame e gno lo nga e ka lo e khwo nga, ame e kŋe e shki obiŋ egi ayi ba anwyeadga la a tsa me ayakplo he lo, okyku o hlu ŋa eshko.