Amatiyu 1:21 - Ohwihwim Olehe

²¹ Aŋa á mbre nga aŋo ó daŋ eshko ó daŋ á ri Eyesu, okyku eshi aŋa angyiŋ á ba a shla moarehwĩ baŋ abgo ba odlobi mo.

Amatiyu 1:21 ပူးပေါင်းရင်းမြစ်များ

Amatiyu 1:25

Oyusufu a yi Emeri ku-ku ayga Emeri a mbre anwyealom lo mbo. Oyusufu nga a glo ŋa eshko a daŋ a ri Eyesu.

Oluka 1:13

Ambo anwyeadga ba Ahogbrẽ a nyuŋ ŋa a lu mi le, Aŋo Azakariya, o da eyli e kpo ŋo mbo! Ahogbrẽ a sheŋ a gno olu boŋ. Okyku eka he, Alisabatu ashe boŋ á mbre ŋo anwyealom, eshko baŋ é ri Eyohana.

Oluka 1:31

Aŋo ó kpo onyi, nga ó mbre anwye, nga ó glo ŋa eshko e ri Eyesu.

Oluka 2:11

Okyukyku hi, osku ba Adawuda, moa a mbre gimi Areoshla, Ekristi, Adigi-odne.

Oluka 2:21

Ambla ba asati akyeŋ a kpo nga, omba o sheŋ anwye lo ongyum nga o glo ŋa eshko o bli. Moa a glo ŋa eshko a daŋ a ri Eyesu. Anwyeadga ba Ahogbrẽ a shri eshko he lo a di ayga moa a kpo onyi baŋ.

Eyohana 1:29

Onda ba oha nga Eyohana a ka Eyesu a ba okro baŋ, nga a lu mi le, E ka Anwye Ekylu ba Ahogbrẽ la a la a sko odlobi ba obiŋ hi mvye!

Eyohana 4:42

Nga moa a nyuŋ ashe he lo a lu mi le, Agi e bmi ba adlidzi ohuhuhi okyku ekplo boŋ o lu o da gi angyiŋ mbo, ambo okyku ba agi ababgo bi e gno odlo baŋ, nga agi e ka e bmye zhezheŋ baŋ a wo Areoshla ba adlidzi ba obiŋ hi.

Otum 13:23

Eyesu a wo a ba ogu ba Adawuda. Ahogbrẽ a da Eyesu a dzu Areoshla moaEsrayila eka baŋ a hwim.

Otum 3:26

Okyku eka he, Ahogbrẽ a sla gimi nga a da Anwye baŋ a ba okro bimi ori, okyku o da gimi e kyu ayakplobi abgo nga e hwiŋ owlama baŋ.

Otum 4:12

Ozhẽ oshla o wo okro Eyesu sha. Arekyeŋ a wo ma obiŋ hi mbo ku-ku ba Ahogbrẽ a shri a di ba agi e kpo e gbu bi e hwiŋ oshla okro baŋ.

Otum 5:31

Ahogbrẽ nga a daŋ a dzu obgori eka Andakʼpo, ta la Areoshla. Okyku o da moarehwi ba Esrayila a hwiŋ anvaŋ a ghwo obiŋ nga a hwiŋ okyuabgo odlobi mo.

Etitu 2:14

A shri eshri baŋ a di okyku gi, okyku o shla gi abgo odlobi pyeŋ nga okyku o zhiŋ gi o zga moarehwĩ la a wo kye. Moahi lo a wo a baŋ angyiŋ, nga moa a la a gno oraŋ o kpo ayakplo la a wo adzi.

MoaIbrani 7:25

Okyku eka he, aŋa a kpo a gbu ohuhuhi ta la ombayaŋ a mbo baŋ a shla moare la a ba okro ba Ahogbrẽ ozhẽ baŋ. Okyku eshi a wo ma gbagbu-amo okyku o daŋ a la a vẽ Ahogbrẽ okyku mo.

1 Eyohana 1:7

Ambo o wo ba agi e la e dzu ayimom eka baŋ a mbo a la a dzu ayimom le, agi e wo la ekpom ta la egi, nga amanzhli ba Eyesu la a wo Anwye baŋ angyiŋ a la a ndza odlobi bi pyeŋ nga á da gi e lom pse.

1 Eyohana 3:5

Agimi e yi ba Ekristi a ba okyku o daŋ a sko odlobi ba moarehwĩ a sku mo. Nga odlobi o ka o wo ka la ŋa mbo ku-ku.

Otsotsa 7:14

Ame e tno ŋa ma e lu mi le, Ame e yi mbo, ambo aŋo andakʼpo o yi. Ambla he nga a tno me ma a lu mi le, Moare he lo angyiŋ a wo moare la a sheŋ a gro abgo anyuŋ ewu. Anzho mo a wo akyle okyku ba moa a ndza lo amanzhli ba Anwye Ekylu.