Amarku 9:4 - Ohwihwim Olehe

⁴ Moanwyeotum atra he lo a ka Eliya, ta la Omusa a kpla egba ta la Eyesu.

Amarku 9:4 ပူးပေါင်းရင်းမြစ်များ

Amatiyu 11:13

Moare ba Ahogbrẽ a hom mo otum mvye, ta la odaŋ ba Omusa, moa a la a nye moare eshri Oreŋ Ongyeŋ ayga Eyohana a sa a ba a nye a ta ma.

Amarku 9:3

Anzho baŋ a ygi egʼba a zhiŋ a dzu akyle nga a shka ayi leleleŋ. Arekyeŋ obiŋ hi a kpo a gbu baŋ a ndza aknye a da lo a zgi pse nga a shka ayi leleleŋ eka he mbo.

Amarku 9:5

Ebitru nga a lu odlo angyangyeŋ ta la Eyesu a lu mi le, Andakʼpo, o wo odzi o gre eshri bi e wo ahe ka la ŋo. O gno, agi é ta abro atra, akyeŋ okyku ŋo, akyeŋ okyku Omusa, nga akyeŋ okyku Eliya.

Oluka 24:27

Eyesu a lu ekployaŋ a mbo moa a ta Akpa ba Ahogbrẽ eshri baŋ a da mo. A zga esĩ ta la Akpekpa ba Omusa a ta, nga a gre akpekpa pyeŋ moarehwi ba Ahogbrẽ a hom mo otum a ta.

Oluka 24:44

Ambla he nga, a nyuŋ mo a lu mi le, Ame e lu edgu ayakplo he angyiŋ e da gimi omba ba ame e yi e wo ka la gimi. Ekployaŋ a mbo ba moa a ta eshri me odaŋ ba Omusa, ta la akpekpa moarehwi ba Ahogbrẽ a hom mo otum, ta la Akpa ba Ohlueshko, o dzu omgbybi ba alo é bli.

Oluka 9:19

Moa a tno ŋa ma a lu mi le, Moakyeŋ a la a lu ma aŋo o wo Eyohana la a kpo abaptisma angyiŋ. Moakyeŋ a la a lu ma aŋo angyiŋ o wo Eliya, nga moakyeŋ a la a lu ma aŋo o wo akyeŋ eshki moarehwi ba Ahogbrẽ a hom mo otum a da mo a ba ogbyigbyi, o sa o kso ongybi.

Eyohana 5:39

Agimi e klo aga Akpa ba Ahogbrẽ okyku eshi agimi e la e ka eka bimi é ba e hwiŋ eso ba gbagbu okyku lo. Akpa ba Ahogbrẽ lo a mbo a lu odlo eshri me!

Otsotsa 19:10

Ame e kŋe e shki obiŋ egi ayi baŋ okyku o hlu ŋa eshko, ambo a lu mi le, O kpo eka he mbo! Ame a mbo e wo awaghrẽ eka boŋ pa la moanóŋ pyeŋ la a kpaŋ adlidzi ba Eyesu a tsa lo zhezheŋ. Aŋo o hlu Ahogbrẽ angyiŋ eshko! Okyku eshi adlidzi ba Eyesu a ra lo a tspa zhezheŋ angyiŋ a shĩ esõ moarehwĩ ba Ahogbrẽ a hom mo otum.