Amarku 9:12 - Ohwihwim Olehe

¹² Eyesu a tno mo ma a lu mi le, Eka he lo angyiŋ, Eliya á ba a ba ori, okyku o daŋ a nyuŋ ekployaŋ a mbo a kpo okyku oba-ba me Anwye Arehwĩ. Ambo moa a lu Akpa ba Ahogbrẽ ma moa á kpo Anwye Arehwĩ ewu nga, á tla ŋa mbo?

Amarku 9:12 ပူးပေါင်းရင်းမြစ်များ

Amatiyu 16:21

A zga omba he lo nga, Eyesu a lu odlo pim pa la moanwyeotum baŋ a la a lu mi le, O dzu omgbybi ba ame é ba e yi Orushalima, nga ba ame é ba e kpo ewu abgo moandakʼpo, pa la moandakʼpo olu ba Ahogbrẽ, pa la moa la a nye odaŋ. Moa á bga me, ambo olum otra nga moa á kso me ongybi.

Amatiyu 26:24

Anwye Arehwĩ á kpu eka ba Akpa ba Aho-gbrẽ a lu. Ambo a ba eshri are la á ba a yla Anwye Arehwĩ! O raŋ o gre e mbi moa a mbre are he lo mbo!

Amarku 10:33

A nyuŋ mo a lu mi le, Agimi e ka, agi e vre akũ e yi Orushalima a mo. Orushalima, moa á vu Anwye Arehwĩ á da moandakʼpo olu ba Ahogbrẽ, pa la moa la a nye odaŋ. Moa á sõ Anwye Arehwĩ ombgu ba eku, nga moa á shri ŋa á da moa la a wo moaEyahuda mbo.

Amarku 9:13

Ame e lu e da gimi, Eliya a sheŋ a ba, nga moarehwi obiŋ hi a kpo ŋa ewu eka ba moa a klo, eka ba Akpa ba Ahogbrẽ a lu.

Amarku 9:31

A nye mo a lu mi le, Agimi e gno, moa á vu Anwye Arehwĩ á shri á da moarehwi, nga moa á bga ŋa, ambo ambla ba elum etra moa á kso ŋa ongybi la esõ.

Oluka 1:76

Aŋo Anwye me, moa á bzi ŋo Arehwĩ ba esesla ba Ahogbrẽ la a gre pyeŋ, a ba Ahogbre a hom ŋa otum. Aŋo ó gre Adigi-odne ori, Okyku o nyuŋ ozhẽ o kpo okyku ŋa.

Oluka 23:11

Ehirudu pa la moanwyeakyuŋ baŋ moa a la a lu ega a ygi Eyesu, nga moa a dzĩ ŋa. Moa a ygi ŋa ariga adzadzi a khwo nga, moa a shri ŋa a bla a gre okro ba Ebilatu.

Oluka 23:39

Akyeŋ eshki moaha ba moa a gŋe mo egŋe aki a nyuŋ Eyesu ega a lu mi le, Aŋo angyiŋ o wo Emisiya lo mbo? O shla eshri boŋ ka la gi!

Otum 1:6

Omba moa a la a nyum oshpa a shki otsotse nga, moa a zhĩ Eyesu a lu mi le, Aŋo ó bla oreŋ ba Eyahuda ó shri ó da mo omba he angyiŋ?

Otum 4:11

Eyesu angyiŋ a wo a ba Akpa ba Ahogbrẽ a lu mi le, Ezhim bimi la e mbdzi aku e tla lo e ta eka ba alo e wo la ekplokyeŋ mbo, E zhiŋ e dzu ezhim la e wo la owlama e gre pyeŋ.