Amarku 8:34 - Ohwihwim Olehe

³⁴ Eyesu a bzi eshki pa la moanwyeotum baŋ nga, a lu mi le, Are la a klo o lu me ma, o dzu omgbybi baŋ a shri eshri baŋ mvye a di nga a shri egŋe aki baŋ, nga a lu me ma.

Amarku 8:34 ပူးပေါင်းရင်းမြစ်များ

Amatiyu 10:38

Areyaŋ a mbo la a bmi okyku o kpo ewu okyku me, nga a la a kpo ayakplo ba ame e klo mbo le, aŋa a wo ekplokyeŋ angyiŋ egi ayi me mbo.

Amatiyu 16:24

Eyesu a sa a lu pa la moanwyeotum baŋ a lu mi le, O wo ba are a klo o lu me ma le, aŋa a shri eshri baŋ a ndba nga a bmi o kpo ewu ma-me la eku a mbo okyku me, nga a lu me ma.

Amatiyu 27:32

Omba ba moa a zgi edzi sha nga, moa a ka alomakyeŋ ba Esirini, eshko baŋ e ri Esima. Moa a vu ŋa okyku o daŋ a shri egŋe aki ba Eyesu.

Amarku 10:21

Eyesu a ka ŋa la eyayi ba oklo nga a nyuŋ ŋa a lu mi le, Ekplokyekyeŋ e ra ohuhuhi boŋ o bli lo, o yi o shri angyiŋ boŋ o wo alo ma mvye o gbmo, nga o shri amgbaŋ lo o gʼba moaekŋe, okyku eshi aŋo ó hwiŋ angyiŋ Ongyeŋ, nga o ba o lu me ma.

Amarku 7:14

Eyesu a sa a bzi eshki nga a lu odlo pa la mo a lu mi le, Agimi mvye e ngli e gno adzadzi.

Oluka 13:24

Agimi e zga gble okyku o da gimi e sõ ozhẽ la o fye kpate. Ame e lu e da gimi, moare nzenze á klo o sõ lo, ambo moa á sõ lo á gbu mbo.

Oluka 14:33

Eyesu a sa a lu mi le, Ekakahelo angyiŋ, akyeŋ eshki bimi a kpo a gbu baŋ a dzu anwyeotum me mbo o wo le a dzu ekployaŋ a mbo baŋ a wo la alo ma a zga ayga dne.

Oluka 18:22

Ambla ba Eyesu a gno eka he nga, a nyuŋ ŋa a lu mi le, Ekplo ekyeŋ e yi e ra boŋ o kpo. O yi o shri ekployaŋ a mbo boŋ o wo la alo ma o shri o gbmo nga o shri amgbaŋ lo o gʼba moaekŋe, aŋo ó hwiŋ angyiŋ Ongyeŋ, nga o ba o lu me ma.

Oluka 20:45

Omba moare pyeŋ a la a ngli atuŋ a gno odlo baŋ a nyuŋ moanwyeotum baŋ, Eyesu a lu mi le,

Oluka 9:23

Ambla he nga a lu pa la moare pyeŋ a lu mi le, O wo ba arekyeŋ a klo o lu me ma le, o dzu omgbybi baŋ a tla eshri baŋ, ombamba pyeŋ nga a bmi a kpo ewu ma-me la eku a mbo okyku me, nga a lu me ma.

Eyohana 10:27

Ékylu me e la e ngli atuŋ e gno enzi me, ame e yi mo nga moa a la a lu me ma.

Eyohana 19:17

A zgi la egŋe aki baŋ. Aŋa angyiŋ a shri lo a gre Okro ba Amgbatku Eshri. La olom moaEyahuda moa a la a bzi lo ma Oglogota.

Otum 14:22

Moa a shĩ moa la a bmi ba adlidzi nga, moa a nyuŋ mo ma moa a tspi osheshye ta la obmi ba adlidzi mo. Moa a nye moare a lu mi le, O dzu omgbybi ba agi e kpo ewu okyku o gre o yi Oreŋ ba Ahogbrẽ.

MoaOroma 6:6

Agi nga e yi ba moa a gŋe egʼba bi elegbyi egŋe aki ta la Ekristi okyku o da mo a nyiŋ aga ba odlobi la a wo eso bi. Okyku o da gi e dzu moawaghrẽ ba odlobi nga mbo.

MoaOroma 8:17

Eka ba agi e wo moanwye baŋ hi, agi é hwiŋ egbre baŋ a shri a zga ma okyku moarehwi baŋ. Agi nga é pu ekplo ba Ahogbrẽ a shri a zga ma okyku Eyesu ka la ŋa otsotse. O wo ba agi e bmi e kpo ewu ka la ŋa, agi é ri ekʼpo ka la ŋa otsotse.

1 MoaOkorinti 15:31

Agimi anáŋ, ame e la e ka eku elelum! Oraŋ ba ame e wo la alo ma okyku gimi ibu odzudzu ba Ekristi Eyesu Adigi-odne angyiŋ, o da me e lu eka he.

1 MoaOkorinti 8:13

O wo ba algori á da anime a kpo odlobi angyiŋ le, ame é taŋ ebyi nga mbo ku-ku, okyku eshi ame e klo baŋ a kpo odlobi mbo.

1 MoaOkorinti 9:19

Ame e la e hwile egʼba. Ame e wo awaghrẽ ba arekyeŋ mbo. Ambo ame e da eshri me e dzu awaghrẽ ba areyaŋ a mbo, okyku o da me e zhiŋ moare nzenze.

MoaEgalasiya 2:20

Okyku eka he, ame e wo la eso ma ohuhuhi mbo, ambo Ekristi angyiŋ a wo eso me. Eso ba ame e wo la alo ma ohuhuhi, ame e wo la alo ma okyku obmi ba adlidzi ta la Anwye ba Ahogbrẽ la a klo me nga a shri eso baŋ a di okyku me.

MoaEgalasiya 5:24

Moare la a wo a ba Eyesu, moa a sheŋ a bga edgu odzudzu mo ba egʼba ta la ogroayi ba egʼba, ta la okoklo ba egʼba lo.

MoaEgalasiya 6:14

Okro me, ekayaŋ a mbo ame é nyom egʼba okyku egŋe aki ba Adigi-odne Eyesu Ekristi sha. Okyku eshi okro ba egŋe aki baŋ sha angyiŋ ayakplo ba obiŋ hi a kpu okro me, nga ame a mbo e kpu okro ba ayakplo ba obiŋ hi.

MoaEfilibi 3:10

Ekplo ba ame e klo angyiŋ e wo okyku o yi Ekristi nga o hwiŋ ekʼpo ba oksongbybi baŋ a kso. Nga o pu ka la ŋa ewu baŋ a kpo, nga o dzu eka baŋ ibu eku baŋ,

MoaEfilibi 3:7

Ambo ayakplo pyeŋ e mbi, ba ame e sko lo okyku o da me e hwiŋ ma, ame e tla lo nga e sko lo e zga akplokyeŋ mbo okyku Ekristi.

MoaOkolosi 1:24

Ohuhuhi nga, ame e wo la ovye ma okyku ewu ba ame e la e kpo okyku gimi. Okyku eshi okro ewu ba egʼba ba ame e la e kpo he lo, ame e kpo e ghwo okyku o mom o bli ekplo ba moa a kpo a ra okro ba ewu ba Ekristi a kpo, okyku egʼba baŋ la e wo Eklisiya.

MoaOkolosi 3:5

O dzu omgbybi ba agimi e bga okoklo ba anzho ba obiŋ hi la a la a kpo otum esõ bimi. Edgu ayakplo he lo a wo ayakplo ba eshre ta la ayakplo la a wo eka lo mbo, ta la okayiogro, ta la ekhwo ba ayakplo la a wo abi, ta la oriayi. Oriayi o wo eka moa a hlu okpko eshko angyiŋ.

2 MoaEtasolonika 3:11

Agi e lu eka he okyku eshi agi e gno oshpa ba moabze eshki bimi a la a kpo oreŋ. Moa a la a kpo akplokyeŋ mbo o wo le moa a la a ghwo abgo akplo moahwõ sha.

Etitu 2:12

Okpoghwo he lo angyiŋ o tsa gi okyku o da gi e kyu ayakplo ba Ahogbrẽ a la a gno oraŋ ta la alo mbo abgo, nga alo angyiŋ o da gi e kyu ogroayi ba obiŋ hi abgo, nga e kpaŋ eshri bi adzadzi, nga e tspi kyekye. Nga okpoghwo he lo angyiŋ o da gi e dzu okyku o raŋ Ahogbrẽ sha esõ obiŋ hi.

MoaIbrani 13:13

Agimi e da gi e zgi e yi alidzi la apu lo nga e kpo ewu ka la ŋa otsotse.

1 Ebitru 4:1

Eka ba Ekristi a kpo ewu egʼba baŋ, alo o dzu omgbybi ba agimi a mbo e dzu la oshye-esõ nga e kpo ewu okyku okũ he lo. Okyku eshi areyaŋ a mbo la a kpo ewu egʼba le, aŋa á wo ewu ba odlobi nga mbo.

1 Ebitru 4:13

Ambo o raŋ o gre ba agimi e kpo ovye angyiŋ okyku ba agimi e pu ta la Ekristi ewu baŋ a la a kpo, okyku o da gimi e bli la ovye angyiŋ omba ba moa a tsa gi esesla baŋ.

2 Ebitru 1:14

Okyku eshi ame e yi ba ame e ta adzadzi e ngʼba e sku egʼba ba eku hi, eka ba Adigi-odne Eyesu Ekristi a lu a da me zhezheŋ.

1 Eyohana 3:16

Ekristi a shri esõ baŋ a shri a di, okyku gi ozhẽ he lo angyiŋ agi e yi ekplo la e la e wo oklo. Nga o raŋ o gre ba agi a mbo e shri esõ bi e shri e di okyku moanigi!

Otsotsa 2:10

Ambo o da ewu boŋ ó ba o kpo, e kpo ŋo eyli mbo ku-ku. O ngli atuŋ o gno! Eshitaŋ é shri moabze eshki bimi é ygi aku okyku o daŋ a mbga gimi a ka. Agimi é kpo ewu okyku elum okʼpo. Aŋo o kpo adlidzi ma-me o tsa onda boŋ o kpu. Ambla he nga, ame é shri anyuŋ egbre ba esõ é shri é doŋ.