Amarku 6:12 - Ohwihwim Olehe

¹² Moanwyeotum nga a gre a yi a nyum oshpa okyku o da moare a ghwo obiŋ odlobi mo.

Amarku 6:12 ပူးပေါင်းရင်းမြစ်များ

Amatiyu 11:1

Omba ba Eyesu a lu odlo pa la moanwyeotum baŋ otsko lo a khwo nga, aŋa a kso okro he lo a gre a yi a nye moare, nga a nyum oshpa esku la e wo osusku ta la okro he lo.

Amatiyu 11:20

Ambla he nga, Eyesu a shraŋ esku baŋ a la a kpo ayakplo egbregbre nzenze ma, okyku eshi moare a ghwo obiŋ mbo.

Amatiyu 3:2

Aŋa a nyum oshpa a lu mi le, Agimi e nyiŋ odzudzu bimi, okyku eshi Oreŋ ba Ongyeŋ o wo osusku a mo!

Amatiyu 3:8

Agimi e kpo ayakplo la á ba a tsa bimi e sheŋ e nyiŋ odzudzu bimi.

Amatiyu 4:17

A zga omba he lo angyiŋ, Eyesu a zga esĩ ba o nyum oshpa baŋ. Aŋa a la a nyum oshpa a lu mi le, Agimi e ngʼba e sku odlobi bimi, okyku eshi, Oreŋ Ongyeŋ o wo osusku a mo!

Amatiyu 9:13

Agimi e yi e mbli ekplo ba Odlo Ahogbrẽ o lu e ka. Odlo Ahogbrẽ o lu mi le, Ame e klo oshriondba ba ebyi angyiŋ mbo, ambo ame e klo okpoghwo angyiŋ. Okyku eshi ame e ba okyku moaedlodzi angyiŋ mbo, ambo okyku moaedlobi.

Amarku 1:15

Eyesu a lu mi le, Omba lo o ba bgu, nga Oreŋ Ahogbrẽ o wo osusku a mo. Agimi e kyu odlobi abgo nga e yga Oshpaodzadzi he lo.

Amarku 1:3

Arekyeŋ a la a su osu akla a lu mi le, E nyuŋ ozhẽ Adigi-odne e kpo okyku ŋa, E kpo ozhẽ la o wo tsoŋ okyku o daŋ a dzi ma.

Oluka 11:32

Onda Ombgu, moarehwi ba Eninive, moa á tspi nga moa á shraŋ gimi okyku eshi moa a nyiŋ odzudzu mo omba ba Oyunana a nyum oshpa a ygi mo. E ka, ekplokyeŋ e wo ahe, e la e wo egbregbre e gre Oyunana!

Oluka 13:3

O mbo! Ame e lu e da gimi o wo bimi a mbo e nyiŋ odzudzu bimi mbo le, agimi mvye a mbo é kpu eka moa a kpu.

Oluka 13:5

O wo eka he angyiŋ mbo! Ame e lu e da gimi, o wo bimi e nyiŋ odzudzu bimi mbo le, agimi mvye a mbo é jygi eka moa a jygi.

Oluka 15:10

Ekakahelo angyiŋ, ame e lu e da gimi, moanwyeadga ba Ahogbrẽ a la a kpo ovye Ongyeŋ, o wo ba arekyeŋ la a tsu a bgu, a ba a ghwo obiŋ odlobi baŋ.

Oluka 15:7

Okyku eka he ame e lu e da gimi, moa á kpo ovye nzenze Ongyeŋ okyku are la a tsu a gbu, ambo a sa a ka a bmye, nga a ghwo obiŋ odlobi baŋ, á gre ovye moa á kpo okyku moare ekʼpoetronyi la atronyi la a ka a bmye mbo okyku o ghwo obiŋ.

Oluka 24:47

Nga la eshko baŋ moa á nyum oshpa okyku oghwobiŋ, ta la okyuabgombgu okyku moarehwi ba obiŋ hi pyeŋ. Moa a zga esĩ Orushalima.

Oluka 9:6

Moanwyeotum a kpo nga moa a gre esku andandandim, nga moa a la a nyum Oshpaodzadzi, nga moa a shaŋ moare la a no olo okroyaŋ a mbo.

Otum 11:18

Ambla ba Ebitru a lu eka he nga, moa a kyu abgo o shrom ŋa nga moa a hlu Ahogbrẽ eshko a lu mi le, Ahogbrẽ a hwile ozhẽ okyku o da moa la a wo moaEyahuda mbo a mbo a ghwo obiŋ nga a hwiŋ oshla!

Otum 2:38

Ebitru nga a tno mo ma a lu mi le, Areyaŋ a mbo eshki bimi a ghwo obiŋ odlobi baŋ, nga a da mo a kpo ŋa abaptisma eshko ba Eyesu Ekristi okyku o da mo a kyu ŋa abgo odlobi. Nga Ahogbrẽ á shri Ogbgaodzi á shri lo á daŋ ototno.

Otum 20:21

MoaEyahuda, pa la moa-Egrise, ame e shĩ mo osheshye ma moa a zhiŋ ogbu a dzu odlobi mo a zga nga a lu Ahogbrẽ ma, nga a bmi ba adlidzi ta la Adigi Eyesu.

Otum 26:20

Ame e zga esi otum lo Adamasku nga e sa e gbu Orushalima, nga ame e sa e gbu obiŋ ba Eyahuda, nga ame e sa e gbu pa la moa la a wo moaEyahuda mbo. Ame e la e nyum oshpa e lu mi ma moa a nyiŋ ozhẽ mo nga a zhiŋ a lu Ahogbrẽ ma. Nga a kpo ayakplo la á ba a tsa ba moa a zhiŋ adlidzi.

Otum 3:19

Agimi e ghwo obiŋ nga e ba egi ayi Ahogbrẽ, okyku o daŋ a kyu gimi abgo odlobi bimi,