Amarku 4:24 - Ohwihwim Olehe

²⁴ Nga a sa a nyuŋ moare a lu mi le, E nyuŋ e kpo-kpo ta la akplo bimi e gno, la odaŋ bimi e la e sõ moare ombgu, la alo Ahogbrẽ á ba a sõ gimi ombgu. Ombgu bimi ó sa ó lbi ó gre o mo a mbo nganga.

Amarku 4:24 ပူးပေါင်းရင်းမြစ်များ

Amatiyu 7:2

Okyku eshi Ahogbrẽ a mbo, á sõ ŋo ombgu ozhẽ okyekyeŋ eka boŋ o la o sõ moahwõ ombgu, nga aŋa á kpo otum la edgu odaŋ boŋ o la o kpo otum ta la lo.

Amarku 9:7

Etabro e gile e ba eshri akũ lo nga e shki mo mvye, nga enzi e zgi ma e lu mi le, E ka Anwye Esesla me ba esõ me e gno oraŋ ka la ŋa nzenze angyiŋ a wo ahi lo. Agimi e ngli e gno odlo baŋ.

Oluka 8:18

Okyku eka he agimi e nyuŋ e kpo-kpo la ayakplo bimi e gno. Okyku eshi are la a wo ekplokyeŋ ma le, moa á shri á ta ŋa ma. Ambo are la a wo emakyeŋ ma mbo le, moa á ngʼga ela fi baŋ a wo la alo ma a mbo á sku ŋa.

Eyohana 10:16

Ékylukyeŋ e wo ma, e la e wo e me ambo moa a wo oso he lo mbo. O dzu omgbybi ba ame e yi e shri mo a mbo e ba. Moa á ngli atuŋ á gno enzi me. Moa á ba a dzu eshki ékylu ekyekyeŋ abgo are la a kpaŋ akyekyeŋ.

Eyohana 10:27

Ékylu me e la e ngli atuŋ e gno enzi me, ame e yi mo nga moa a la a lu me ma.

Eyohana 5:25

Ame e lu adlidzi e da gimi, omba o yi ó ba, o sheŋ o ba bgu, ba moa la a sheŋ a kpu á ba a gno enzi ba Anwye Ahogbrẽ. Moa la a gno lo nga moa á hwiŋ eso.

Otum 17:11

Moare ahe lo a yga mo la ovyevye a gre eka moa a yga mo osku ba Etasolonika. Moare a ngli a gno oshpa lo adzadzi. Okyku eka he, elulum moa a klo aga Akpekpa ba Ahogbrẽ okyku o da mo a ka adlidzi ba odlo ba Oblus a la a lu.

2 MoaOkorinti 9:6

Agimi e tne aga e ka. Are la a fu anzho ple sha agbi baŋ le, á hwiŋ algo ple sha, ambo are la a fu anzho nzenze agbi baŋ le, á hwiŋ algo nzenze angyiŋ agbi baŋ.

MoaIbrani 2:1

Okyku eka he lo angyiŋ o raŋ o gre ba agi e kom osheshye ta la oshpa ba adlidzi ba agi e gno, okyku o da gi e ta ozhẽ akpu mbo.

1 Ebitru 2:2

Agimi e dzu eka moanwye able ba moa a mbre mo ehehe. Omba-mba pyeŋ agimi e la e kpo ekhwo okyku orga abme ba esõ la a wo tsetsetseŋ, okyku o da gimi e wa nga e hlu nga e hwiŋ oshla,

1 Eyohana 4:1

Agimi akyemeazba, agimi e bmi e da arekyeŋ la a lu ma aŋa a wo la Ogbgaodzi ma mbo. Ambo agimi e mbga mo e ka okyku o da gimi e yi o wo ba ogbga lo o wo Ogbga ba Ahogbrẽ angyiŋ. Okyku eshi moarehwĩ la a la a sheŋ akpro ma Ahogbrẽ angyiŋ a hom mo otum moa a ngla a bli okro a gre eshri.