Amarku 4:20 - Ohwihwim Olehe

²⁰ Ambo moahwõ a wo eka ba eyi moa a fu obiŋ la o wo erim ma. Moahi lo a gno odlo Ahogbrẽ, nga moa a yga lo, nga moa a kpo ashri. Ashriabze a wo eyi ekʼpoetra, abze a kpo eyi ekʼpoefĩ, nga abze a kpo eyi endgaekyeŋ.

Amarku 4:20 ပူးပေါင်းရင်းမြစ်များ

Amatiyu 13:23

Eyi la e gro e gbu obiŋ la o wo odzadzi, e dzu eka moare la a gno odlo lo nga a ka lo a bmye, nga a kpo ashri. Ashriabze a kpo eyi endgaekyeŋ, abze a kpo eyi ekʼpoefĩ, nga abze a kpo eyi ekʼpoetra.

Amatiyu 13:8

Ambo eyiebze la e gro e gbu obiŋ odzi, alo e hlu nga, e kpo ashri adzadzi. Ashriabze a kpo eyi endgaekyeŋ, abze a kpo eyi ekʼpoefĩ abze nga a kpo eyi ekʼpoetra.

Amarku 4:8

Eyiebze e gro e gbu obiŋ odzi nga e zgi, nga e hlu e kpo ashri adzadzi. Ashriabze a kpo eyi ekʼpoetra, abze a kpo ekʼpoefĩ nga abze a kpo eyi endgaekyeŋ.

Oluka 8:15

Eyi la e gbu obiŋ la o wo odzadzi, e dzu eka moa la a yga odlo nga a tspi osheshye ta la alo eso mo, nga moa a la a kpaŋ lo, ta la ovu-esõ e ta akpyli ma-me nga, moa a kpo owlama.

Eyohana 15:16

Agimi angyiŋ e sla me mbo, ame angyiŋ e sla gimi. Ame e hom gimi otum okyku o da gimi e yi e fu agbro nzenze. Agbro edgu he lo, á tpi ayi mbo. Ada á shri ekployaŋ a mbo bimi e vẽ eshko me á shri á da gimi.

Eyohana 15:2

Aŋa a la a kplu ombguyaŋ a mbo la o wo o me o wo ba alo o fu agbro mbo, nga a la a hli ombguyaŋ a mbo la o la o fu agbro, okyku o da lo o fu agbro o ta ma-ma.

MoaOroma 7:4

Agimi anáŋ, alo a mbo o wo ekakahelo angyiŋ ta la egimi. Eka ba odaŋ o wo, agimi a mbo e sheŋ e kpu bgu, okyku eshi agimi e wo eka ogʼba ba egʼba ba Eyesu angyiŋ. Nga ohuhuhi agimi e wo moare ba are ba moa a kso ŋa ongybi okyku o da gi e kpo ayakplo la a wo shasha okyku Ahogbrẽ.

MoaEfilibi 1:11

Odzudzu bimi nga ó bli la edgu eda ba adlidzi ba Eyesu Ekristi sha ababgo baŋ a kpo a kpo a gbu baŋ a shri a da gimi, okyku ekekʼpo ta la ohlue-shko ba Ahogbrẽ.

MoaOkolosi 1:10

O wo eka he, agimi é kpo é gbu ba agimi é dzu la edgu odzudzu ba Adigi-odne a klo, nga agimi é kpo é gbu ba o kpo ekployaŋ a mbo ombamba pyeŋ, okyku o raŋ ŋa esõ. Odzudzu bimi nga ó wo la owlama okyku edgu otumyaŋ a mbo la o wo odzi ba agimi e kpo. Nga agimi é hlu la oyioyi eshri ba Ahogbrẽ.

1 MoaEtasolonika 4:1

Agimi anáŋ, ekplo ba amom-abgo ekpyemgbyeŋ nga, agi e nye gimi edgu odzudzu la o raŋ Ahogbrẽ esõ, okyku o da Ahogbrẽ a gno oraŋ ka la gimi. Ambo agimi e dzu eka he lo angyiŋ. Nga ohuhuhi, agi e vẽ nga e shĩ gimi eshko ba Adigi-odne Eyesu okyku o da gimi e kpo otum la o gre eka he.

2 Ebitru 1:8

Edgu ayakplo he lo angyiŋ a raŋ a gre ba agimi e wo la alo ma. Nga o wo ba agimi e wo la alo ma nzenze le, moa á da gimi e wo la oshye ta la okpogbu ibu ba oyioyi ba agimi é yi Adigi-odne Eyesu Ekristi.