Amarku 4:11 - Ohwihwim Olehe

¹¹ Eyesu a tno mo ma a lu mi le, Ahogbrẽ a tsa gimi eshyẽ ba Oreŋ baŋ. Ambo moahwõ la a wo egi edzi moa a gno ekployaŋ a mbo la egŋe angyiŋ,

Amarku 4:11 ပူးပေါင်းရင်းမြစ်များ

Amatiyu 11:25

Omba he lo nga Eyesu a lu mi le, Adugu, Adigi-odne la a ri Oreŋ Ongyeŋ ta la obiŋ hi! Ame e vye la ŋo okyku boŋ o tsa moare la a yi ekplokyeŋ mbo, eshyẽ ba odlo boŋ, nga o ra moa la a wo okaobmye la o wo ogyugyuŋ, pa la moa la a yi engla nzenze o zga.

Amatiyu 13:16

Eyesu a lu mi le, Agimi e raŋ eshri e gre eshri! Okyku eshi agimi e la e ka la ayi bimi, nga e gno la atuŋ bimi.

Amatiyu 16:17

Eyesu a nyuŋ Ebitru a lu mi le, Aŋo Esima, anwye Eyohana, oraŋ o wo ma okyku ŋo nzenze. O ka, arehwĩ angyiŋ a tsa ŋo adlidzi hi lo mbo, ambo Adugu la a wo Ongyeŋ angyiŋ a tsa ŋo alo.

Amarku 3:23

Eyesu a bzi moare nga a ta egŋe andandandim ta la mo a zhĩ mo a lu mi le, Eshitaŋ e kpo anyu e se Eshitaŋ?

Amarku 4:10

Omba ba eshki e som ayi, moabze la a gno onyenye ba Eyesu ta la moanwyeotum baŋ otsko, a ba okyku o da Eyesu a hwile egŋe baŋ a nye moare pim a da mo a ka.

Amarku 4:2

Eyesu a nye mo la egŋe nzenze. Onyenye baŋ a nyuŋ mo a lu mi le,

Oluka 8:10

Eyesu a tno mo ma a lu mi le, Oyioyi ba Oreŋ Ahogbrẽ, moa a hwile lo okyku o da gimi e ka lo e bmye, ambo moa a nye moahwõ la egŋe angyiŋ. Okyku eshi ibu o ka oka a da mo a ka mbo, nga ibu o gno ogno moa a ka a bmye mbo.

1 MoaOkorinti 4:7

Ayi angyiŋ a kpo ŋo a doŋ o wo la anyuanyuŋ o gre moahwõ? Ahogbrẽ angyiŋ a shri ekployaŋ a mbo boŋ o wo la alo ma a shri a doŋ mbo? Okyku eka he, okyku eshi aŋo o nyom egʼba eka ba moa a shri ayakplo he lo a shri a doŋ ototno angyiŋ mbo?

2 MoaOkorinti 4:6

Ahogbrẽ la a lu mi le, Ayimom lo á zgi evbu angyiŋ á ba a tra! Aŋa angyiŋ a da ayimom baŋ a tra eso bi, okyku o da gi e hwiŋ ayimom ba oyioyi ba esesla ba Ahogbrẽ la a shka ayi eyayi ba Ekristi.

MoAfisu 1:9

Ahogbrẽ a kpo ekplo baŋ a sheŋ a shri a zga esõ baŋ angyiŋ. A hwile gi ekplo baŋ a hwim a ghre ma baŋ á ba a bli lo ozhẽ ba Ekristi.

MoaOkolosi 4:5

E nyuŋ e kpo-kpo pa la moare la a bmi ba adlidzi mbo. Agimi e kpo otum adzadzi ta la anvaŋyaŋ a mbo ba agimi e hwiŋ,

1 MoaEtasolonika 4:12

Ozhẽ he angyiŋ moare la a bmi ba adlidzi mbo á ba a ka gimi la olbi. Nga agimi é ka ayi abgo ba arekyeŋ okyku ekplokyeŋ ba agimi e klo mbo.

1 Etimoti 3:7

O raŋ o gre baŋ a wo are ba moare la a wo Eklisiya mbo a ka ŋa la olbi, okyku o da mo a ta ŋa anzi nga a daŋ a tsi a gbu amgbaŋ ba Eshitaŋ mbo.

1 Eyohana 5:20

Agi e yi ba Anwye ba Ahogbrẽ a ba nga a shri okaobmye a da gi okyku o da gi e ka Ahogbrẽ ba adlidzi e bmye. Odzudzu bi pyeŋ o wo ta la Ahogbrẽ ba adlidzi okro ba Anwye baŋ Eyesu Ekristi. Aŋa angyiŋ a wo Ahogbrẽ ba adlidzi, nga esõ he lo angyiŋ e wo esõ ba gbagbu-amo.