Amarku 3:18 - Ohwihwim Olehe

¹⁸ Andru, ta la Efilibu, ta la Abatalamawu, ta la Amatiyu, ta la Otoma, ta la Eyakubu anwye Alafus, ta la Atadas, ta la Esima anwye obiŋ.

Amarku 3:18 ပူးပေါင်းရင်းမြစ်များ

Amatiyu 13:55

Aŋa angyiŋ a wo anwyealom la a tsẽ amgbla mbo? Emeri angyiŋ a wo anaŋ mbo? Nga Eyakubu, ta la Oyusufu, ta la Esima, ta la Eyahuda, moahi lo angyiŋ a wo moanáŋ mbo?

Amatiyu 9:9

Eyesu a kso a sku okro he lo. Omba baŋ a la a bre a yi nga, aŋa a ka alomakyeŋ la a yga ewaŋ, aŋa a ri Amatiyu. A wo aku ba oyga ewaŋ. Eyesu a nyuŋ Amatiyu a lu mi le, Aŋo o lu me ma. Amatiyu a kso nga, a lu Eyesu ma.

Amarku 2:14

Omba baŋ a yi nga, a ka alom la a yga ewaŋ ba eshko baŋ e ri Eliwu, a wo anwye Alafus, a dzu aku moa a yga ewaŋ. Eyesu a nyuŋ ŋa a lu mi le, O lu me ma. Eliwu a kso nga a lu ŋa ma.

Amarku 3:17

ta la Eyakubu, ta la Eyohana moanwye Azabadi. Eyesu a bzi mo Obonigis. O dzu Moanwye la a wo eka Angyum Ogbu.

Amarku 3:19

Ta la Eyahuda Eskariyoti la a yla Eyesu.

Amarku 6:3

Aŋa angyiŋ a wo anwye la a sẽ amgbla, anwye Emeri angyiŋ mbo? Moanáŋ angyiŋ a wo Eyakubu, ta la Ojosi, ta la Eyahuda, ta la Esima mbo? Moanáŋ-alashle a wo ahe ka la gi mbo? Okyku eka he moare ba osku ba Anazarata a tla Eyesu.

Eyohana 1:40

Akyeŋ eshki moaha la a gno ekplo ba Eyohana a lu, nga moa a lu Eyesu ma, eshko baŋ e ri Andru. A wo anáŋ Esima Ebitru.

Eyohana 11:16

Otoma la a wo Ahli a nyuŋ moanwyeotum la a kpo otum ka la ŋa a lu mi le, Agimi e da gi pyeŋ e yi ta la Andakʼpo, okyku o da gi e kpu otsotse ka la ŋa!

Eyohana 14:22

Eyahuda, ahi lo angyiŋ a wo Eyahuda Eskariyoti mbo, a nyuŋ Eyesu a lu mi le, Adigi-odne, okyku eshi aŋo ó ba o hwile eshyẽ boŋ ó da gi angyiŋ e ka, okyku eshi aŋo ó hwile lo ó da obiŋ hi angyiŋ o ka mbo?

Eyohana 21:2

Esima Ebitru ta la Otoma ba eshko baŋ ehwõ e ri Ahli, ta la Enataniyelu, ahi lo a zgi Akana obiŋ ba Egalili, ta la moanwye ba Azabadi, ta la moanwyeotumakyeŋ aha ba Eyesu a wo pa la mo.

Otum 1:13

Moa a bla a gre Orushalima a khwo nga, moa a bla a gre aku moa a pla emo a shki ma. Ebitru ta la Eyohana, ta la Eyakubu, ta la Andru, ta la Efilibu, ta la Otoma, ta la Abatalamawu, ta la Amatiyu, ta la Eyakubu anwye Alafus, ta la Esima anwye obiŋ, ta la Eyahuda anwye Eyakubu.

Otum 15:13

Ambla moa a lu odlo a khwo nga, Eyakubu a kso a lu odlo a lu mi le, Agimi anáŋ e ngli e gno!

Otum 21:18

Onda oha nga Oblus a gre ka la gi okyku o ka Eyakubu pa la moandakʼpo ba Eklisiya la a wo ma.

1 MoaOkorinti 15:7

Ambla he nga a da Eyakubu a ka ŋa, ambla he nga a da moa la a nyum oshpa pyeŋ a ka ŋa.

1 MoaOkorinti 9:5

Ame e wo la ozhẽ ma ba ame e kpo eka ba moahwõ la a nyum oshpa a kpo mbo? Nga ame e wo la ozhẽ ma ba ame e sko ashe la a bmi ba adlidzi ta la eme odzi he lo eka ba moanáŋ ba Adigi-odne, ta la Ebitru, moa a kpo mbo?

MoaEgalasiya 1:19

Ame e ka arekyeŋ eshki moa la a nyum oshpa lo mbo o wo le Eyakubu anáŋ Adigi-odne sha.

MoaEgalasiya 2:9

Eyakubu ta la Ebitru, ta la Eyohana, moahi lo a wo eka moandakʼpo, moa a ka a bmye ba Ahogbrẽ angyiŋ a shri otum he lo a shri a da me. Okyku eka he nga moa a wa obgo ta la Abarnaba pa la me a mbo. Okyku bi e wo moa la a kpo otum otsotse, agi e bmi ba agi é ba e kpo otum pa la moa la a wo moaEyahuda mbo, nga ba moa á ra á kpo otum pa la moaEyahuda.

Eyakubu 1:1

Akpa he lo a zgi abgo ba Eyakubu awahgrẽ ba Ahogbrẽ ta la Adigi-odne Eyesu Ekristi. Ame e shko moarehwĩ pyeŋ ba Ahogbrẽ, la moa a som ayi a gre okroyaŋ a mbo obiŋ hi.

Eyahuda 1:1

Akpa he lo a zgi abgo ba Eyahuda awaghrẽ ba Eyesu Ekristi. Eyahuda angyiŋ a wo anáŋ Eyakubu. Akpa he lo a wo okyku moarehwĩ ba Ahogbrẽ a bzi mo, moa la a dzu odzudzu mo ibu oklo ba Ahogbrẽ la a wo Ada, nga ba Eyesu Ekristi a la a kpaŋ mo.