Amarku 2:20 - Ohwihwim Olehe

²⁰ Omba ó yi ó ba, ba moa á ba a sko anwyealom anwyeshe a sku mo. Omba mi lo angyiŋ moa á hwiŋ algo oruri nga mbo.

Amarku 2:20 ပူးပေါင်းရင်းမြစ်များ

Amatiyu 26:31

Ambla he nga Eyesu a nyuŋ moanwyeotum baŋ a lu mi le, Okyukyku hi, agimi mvye é knye é dzu me é zga okyku eshi moa a ta Akpa ba Ahogbrẽ a lu mi le, Ahogbrẽ á bga are la a kpaŋ ékylu nga ékylu lo é som ayi.

Amatiyu 9:15

Eyesu a tno mo ma a lu mi le, Eka bimi e ka, o wo odzi ba moazhẽ a nyom eshri algo omba ba moa a kpo abgo anwyeshe? Alo o kpo o bgu mbo! Ambo omba ó yi ó ba, ba moa á ba a sko anwyealom anwyeshe á sku mo. Omba he lo nga moa á nyom eshri algo.

Amarku 2:19

Eyesu a tno ma a lu mi le, E ka bimi e ka, o wo odzi ba moazhẽ a nyom eshri algo omba moa a kpo abgo anwyeshe? O kpo o gbu moazhẽ a nyom eshri algo mbo, o wo ba anwyealom anwyeshe a wo ma pa la mo.

Amarku 2:21

Arekyeŋ a la a shri oknye ohe a shum ewyle oknye ogbyi mbo. O wo baŋ a shum oknye ogbyi la oknye ohe le, ó da ewyle lo é hwile é ta ma-ma angyiŋ.

Oluka 17:22

Ambla he nga a nyuŋ moanwyeotum baŋ a lu mi le, Omba o yi ó ba, ba agimi é ba e klo o ka olum okyeŋ eshki ba omba ba Anwye Arehwĩ, ambo agimi é ka lo mbo.

Oluka 5:35

Ambo omba ó yi ó ba ba moa á ba a sko anwyealom he lo. Omba he lo, moa á hwiŋ algo oruri mbo.

Eyohana 12:8

Moaekŋe a wo ka la gimi ombamba pyeŋ, ambo ame é wo ka la gimi ombamba pyeŋ mbo.

Eyohana 13:33

Agimi anwye me, ame é dzu ka la gimi nzenze nga mbo. Agimi é klo me. Ame e lu ekplo ba ame e lu pa la moaEyahuda angyiŋ ka la gimi ohuhuhi. Agimi e yi okro ba ame e yi lo e gbu mbo.

Eyohana 16:28

Ame e zgi okro Ahogbrẽ angyiŋ e ba obiŋ hi, nga ohuhuhi ame é dzu obiŋ hi é zga nga é bla é yi okro ba Ada.

Eyohana 16:7

Ame e lu adlidzi angyiŋ e da gimi, o raŋ o gre ba ame e yi, okyku eshi o wo ba ame e gre mbo le, agimi é hwiŋ Okpoghwo lo mbo. O wo ba ame e gre le, ame é daŋ a ba.

Eyohana 17:11

O ka, ame é ba okro boŋ a mo. Ame é dzu obiŋ hi nga mbo, ambo moa á ra á dzu obiŋ hi. Ada ba esesla! O kpaŋ mo la ekʼpo ba eshko boŋ, eshko boŋ o shri o da me, okyku o da mo a dzu okyekyeŋ eka boŋ pa la me e wo okye-kyeŋ.

Eyohana 17:13

Ohuhuhi ame e ba okro boŋ. Ame e lu odlo he obiŋ hi okyku o da mo a wo la ovye me eso mo, okyku o da mo a wo la alo ma nzenze.

Eyohana 3:29

Anwyeshe a wo okyku anwyealom angyiŋ. Akyeŋazba anwyealom lo a la a tspi a gno ogno sha. A gno oraŋ omba baŋ a gno enzi ba anwyealom. Ame e gno oraŋ nzenze okyku eka he lo angyiŋ.

Otum 1:9

Ambla baŋ a lu eka he a khwo nga, moa a sko ŋa a gre Ongyeŋ. Moa la a nyum oshpa a la a ka ŋa dzo omba baŋ a yi, ambo moa a dzu nga moa a ka etabro e ba e shki ŋa.

Otum 14:23

MoaEmisiya ayaŋ a mbo moa a sla moandakʼpo okyku lo. Moa a fa olu, nga moa a nyom eshri mo algo. Moa a shri mo a ndba Ahogbrẽ moa a bmi ba adlidzi ka la ŋa.

Otum 3:21

O dzu omgbybi baŋ a dzu Ongyeŋ ayga o tsa baŋ a nyiŋ ekployaŋ a mbo, eka ba Ahogbrẽ a lu a da moarehwi baŋ a hom otum ogbyigbyi.

1 MoaOkorinti 7:5

Okyku eka he agimi e nyom egimi ekplo he lo mbo, ambo o wo bimi e klo e tspi omba ple okyku o fa olu angyiŋ le, o wo akplokyeŋ mbo. Ambla he nga, agimi e nyom egimi ekplo he lo nga mbo, okyku o da obile ba Eshitaŋ o bile gimi omba ba agimi e ghwo eso e gbu mbo, mbo.

2 MoaOkorinti 11:2

Ame e wo la oklo nzenze eso me okyku gimi, eka ba Ahogbrẽ a mbo a wo la oklo nzenze eso baŋ okyku gimi. Agimi e wo eka eyi anwyeshe ba adlidzi ba ame e kpo eshra baŋ e zga arekyeŋ la a ri Ekristi.

2 MoaOkorinti 11:27

Otum ta la ewu o wo ma. Engyi oshushku ame e ndze enu mbo. Embyle ta la oŋo o bga me. Ame e hwiŋ algo mbo ta la okro odzuma mbo, ta la aknye la a tse me ma mbo engyi oshushku.

2 MoaOkorinti 6:5

Moa a taŋ gi andzu. Moa a vu gi a ygi aku, nga moa a klo odlo ka la gi. Moa a da gi e kpo otum la o gre gi eshri, nga agi e hwiŋ algori mbo, nga agi e ka e ndze enu mbo.

Otsotsa 19:7

Agimi e da gi e kpo ovye nga e vye. Agimi e da gi e hlu ŋa eshko okyku ekʼpo baŋ! Okyku eshi omba ba o bʼbu eble ba Anwye Ekylu o kpo bgu. Nga anwyeshe baŋ a sheŋ a nyuŋ eŋa a vu abgo.

Otsotsa 21:9

Akyeŋ eshki moanwyeadga afoha la a wo la atku afoha, la a bli la elolo efoha ba amom-abgo lo, a ba okro me nga a lu mi le, O ba o da me e tsa ŋo Anwyeshe lo. Aŋa angyiŋ a wo ashe ba Anwye Ekylu.