Amarku 2:17 - Ohwihwim Olehe

¹⁷ Eyesu a gno eka he nga a tno mo ma a lu mi le, Are la a wo oshye a la a yi aku agum mbo, o wo le are la a no dne. Ame e ba okyku o bzĩ moaedlodzi angyiŋ mbo, ambo okyku moaedlobi.

Amarku 2:17 ပူးပေါင်းရင်းမြစ်များ

Amatiyu 18:10

O raŋ o gre bimi e dzĩ akyeŋ eshki moanwye afifi hi lo mbo. Moanwyeadga ba Ahogbrẽ la a kʼpu mo moa a wo egi ayi Adugu la a wo Ongyeŋ ombamba pyeŋ. [

Oluka 15:10

Ekakahelo angyiŋ, ame e lu e da gimi, moanwyeadga ba Ahogbrẽ a la a kpo ovye Ongyeŋ, o wo ba arekyeŋ la a tsu a bgu, a ba a ghwo obiŋ odlobi baŋ.

Oluka 15:29

Anwye lo a tno adaŋ ma a lu mi le, Aŋo o ka, eyi eshushku ame e la e kpo ŋo otum eka awaghrẽ, nga ame e dzĩ ŋo ondakyeŋ ku-ku mbo. Aŋo o shri ekplokyeŋ o shri o da me o ka? Aŋo o shri anwye ebme a mbo o da me okyku o da me e kpo ovye pa la moakyemeazba mbo!

Oluka 15:7

Okyku eka he ame e lu e da gimi, moa á kpo ovye nzenze Ongyeŋ okyku are la a tsu a gbu, ambo a sa a ka a bmye, nga a ghwo obiŋ odlobi baŋ, á gre ovye moa á kpo okyku moare ekʼpoetronyi la atronyi la a ka a bmye mbo okyku o ghwo obiŋ.

Oluka 16:15

Eyesu a nyuŋ mo a lu mi le, Agimi e sko eshri bimi e zga eka moarehwi la a wo shasha egi ayi moarehwi, ambo Ahogbrẽ a yi edgu eso bimi. Ekplo ba moarehwi a sko lo a zga la anyuanyuŋ e wo ekplokyeŋ angyiŋ egi ayi Ahogbrẽ mbo.

Oluka 19:10

Eyesu a tno ma a lu mi le, Anwye Arehwĩ a ba okyku o klo nga o shla moaedlobi.

Eyohana 9:34

Moa a tno ŋa ma a lu mi le, Moa a mbre ŋo la odlobi, nga moa a vgi ŋo la odlobi. Aŋo o klo o nye gi? Nga moa a kyku ŋa a sku anwyeakulu lo.

Eyohana 9:40

MoaEfarisikyeŋ la a wo ma ka la ŋa a gno baŋ a lu eka he nga, moa a zhĩ ŋa a lu mi le, Aŋo o sko gi a mbo o zga moavgayi ko-ko?

Otum 20:21

MoaEyahuda, pa la moa-Egrise, ame e shĩ mo osheshye ma moa a zhiŋ ogbu a dzu odlobi mo a zga nga a lu Ahogbrẽ ma, nga a bmi ba adlidzi ta la Adigi Eyesu.

Otum 26:20

Ame e zga esi otum lo Adamasku nga e sa e gbu Orushalima, nga ame e sa e gbu obiŋ ba Eyahuda, nga ame e sa e gbu pa la moa la a wo moaEyahuda mbo. Ame e la e nyum oshpa e lu mi ma moa a nyiŋ ozhẽ mo nga a zhiŋ a lu Ahogbrẽ ma. Nga a kpo ayakplo la á ba a tsa ba moa a zhiŋ adlidzi.

Etitu 2:14

A shri eshri baŋ a di okyku gi, okyku o shla gi abgo odlobi pyeŋ nga okyku o zhiŋ gi o zga moarehwĩ la a wo kye. Moahi lo a wo a baŋ angyiŋ, nga moa a la a gno oraŋ o kpo ayakplo la a wo adzi.