Amarku 13:9 - Ohwihwim Olehe

⁹ Agimi e nyuŋ e ka, okyku eshi moare á vu gimi nga á shri gimi á yi aku ombgu. Moa á bga gimi akulu nga agimi é zgi egŋe Oshpaodzadzi me egi ayi moareŋ, ta la moanyuŋ-areŋ.

Amarku 13:9 ပူးပေါင်းရင်းမြစ်များ

Amatiyu 5:22

Ambo ohuhuhi ame e lu e da gimi, areyaŋ a mbo la a kpo olom ta la anáŋ, moa á sõ ŋa ombgu, nga areyaŋ a mbo la a bzi anáŋ ma Arehwĩ ba ototno, moa á shri ŋa á yi egi ayi moandakʼpo. Nga areyaŋ a mbo la a bzi anáŋ ma Adro ba ototno, a wo oyla baŋ á yi enzheovo.

Amarku 1:44

O gno, o lu o da arekyeŋ ku-ku mbo. Ambo o yi okro ba andakʼpo olu ba Ahogbrẽ okyku o daŋ a mbga ŋo a ka, nga o shri oshriondba ba ebyi eka ba Omusa a lu, o shri o di okyku o da areyaŋ a mbo a yi boŋ o shaŋ.

Amarku 13:5

Eyesu a shĩ mo a lu mi le, Agimi e nyuŋ e ka, e da arekyeŋ a bile gimi mbo.

Amarku 13:8

Obiŋ ó ta eko ta la obiŋ, oreŋ ó ta eko ta la oreŋ. Obiŋ ó suŋ ayaŋ a mbo nga embyle é kpo. Akplo he lo á vu olo eka ewu ba ashe a kpo omba baŋ a mbre.

Amarku 6:11

Osku bimi e gbu ma, o wo moa a yga gimi mbo le, agimi e dzu mo e zga, nga e ndza abgo bimi nga e yi egimi. Alo ó tsa mo.

Oluka 9:5

Okroyaŋ a mbo ba moa a yga gimi la ovyevye mbo, agimi e zhiŋ ogbu e dzu mo e zga, nga e ndza abgo bimi e sku mo okyku o suŋ mo egʼba.

Eyohana 15:20

Agimi e tne e ka, eka ba ame e lu ka la gimi ba awaghrẽ a wo anyuanyuŋ a gre adaŋ-odne mbo. O wo ba moa a kpo me ewu le, moa á kpo gimi a mbo ewu. O wo ba moa a bmi ta la odlo me le, moa á bmi ta la odlo bimi a mbo ko-ko.

Eyohana 16:2

Moa á se gimi á sku eshki mo. Nga omba ó yi ó ba ba areyaŋ a mbo la a bga gimi, baŋ á ba a ka ma aŋa a kpo lo okyku Ahogbrẽ angyiŋ.

Otum 21:11

A ba okro bi nga a ngla ashye akpa ba Oblus a bʼbu adga baŋ ta la abgo baŋ nga a lu mi le, Ogbgaodzi o lu mi ma are ashye akpa hi, ma moaEyahuda Orushalima á vu ŋa á bʼbu eka he nga moa á shri ŋa á da moa la a wo moaEyahuda mbo.

Otum 7:54

Omba ba moandakʼpo la a sõ ombgu a gno odlo ba Estifanu a lu nga, eso e tpi mo ayi, nga moa a taŋ azhga eshri baŋ.

Otum 9:16

Nga, ame é tsa ŋa ewu baŋ á ba a kpo okyku me.

MoaEfilibi 1:29

E ka, moa a hwile gimi ozhẽ okyku o kpo otum okyku Ekristi, ohi lo o wo okro obmi ba adlidzi ka la ŋa sha mbo, o wo okro ba okpoewu okyku Ekristi bubgu.

2 MoaEtasolonika 1:5

Ohe lo angyiŋ o wo otsotsa ba ombgu ba odlodzi ba Ahogbrẽ. Nga eshri ohe lo, aŋa á da gimi é tse ma okyku o da gimi e hwiŋ Oreŋ baŋ ba agimi e kpo ewu okyku lo.

2 Eyohana 1:8

Agimi e nyuŋ eshri bimi e ka okyku o da gimi e gbaŋ ekplo ba agi e kpo e gbu okyku o kpo o ghwo la gimi mbo, ambo okyku o da gimi e hwiŋ egbre bimi fkatka.

Otsotsa 1:9

Ame angyiŋ e wo Eyohana anigimi. Nga ibu okŋeogba ta la Eyesu angyiŋ, ame e pu ka la gimi ewu ba agimi e kpo, nga ame e sa e pu ka la gimi Oreŋ baŋ ta la ota esõ akpyli. Moa a shri me a gre a yi a ta anwye-obiŋ ba moa a bzi lo ma Abatmo okyku ba ame e nyum oshpa ba odlo ba Ahogbrẽ ta la adlidzi ba Ekristi a tsa.

Otsotsa 2:10

Ambo o da ewu boŋ ó ba o kpo, e kpo ŋo eyli mbo ku-ku. O ngli atuŋ o gno! Eshitaŋ é shri moabze eshki bimi é ygi aku okyku o daŋ a mbga gimi a ka. Agimi é kpo ewu okyku elum okʼpo. Aŋo o kpo adlidzi ma-me o tsa onda boŋ o kpu. Ambla he nga, ame é shri anyuŋ egbre ba esõ é shri é doŋ.

Otsotsa 2:13

A lu mi le, Ame e yi okro boŋ o dzu ma. Ibu he lo angyiŋ, emgbakyiŋ oreŋ ba Eshitaŋ e wo ma. Aŋo o kpo adlidzi pa la me, nga o ndba obmi ba adlidzi boŋ o bmi pa la me o ta a bi mbo omba ba moa a bga Antipa okro ba Eshitaŋ e dzu ma. Antipa a wo are la a zgi egŋe me la adlidzi angyiŋ.