Amarku 1:11 - Ohwihwim Olehe

¹¹ A gno enzi e zgi Ongyeŋ e lu mi le, Eyesu aŋo o wo anwye esõ me angyiŋ, ame e gno oraŋ ka la ŋo e gre eshri.

Amarku 1:11 ပူးပေါင်းရင်းမြစ်များ

Amatiyu 12:18

Anwye-odne me angyiŋ a wo ahi, aŋa ame e sla ŋa. Aŋa angyiŋ ame e la e klo ŋa, Nga ame e gno oraŋ ka la ŋa e gre eshri. Ame é bli ŋa la Ogbgaodzi me. Aŋa nga á su odlo me, á ygi moare pyeŋ.

Amatiyu 17:5

Omba baŋ a kpla egba eka he lo nga, etabro la e shka ayi leleleŋ e gile eshri mo, nga enzi e zgi ma e lu mi le, Anwye ba esesla ba ame a gno oraŋ ka la ŋa e gre eshri angyiŋ, a wo ahi lo. Agimi e ngli atuŋ e gno odlo baŋ!

Amatiyu 3:17

Ambla he nga, enzi e zgi Ongyeŋ e ba e lu mi le, Anwye me ba esesla angyiŋ a wo ahi. Esõ me e la e gno oraŋ ka la ŋa e gre eshri.

Amarku 1:10

Ambla ba Eyesu a zgi ami nga, a ka Ongyeŋ o hwile, nga Ogbgaodzi eka aklungu o gile o ba eshri baŋ.

Amarku 9:7

Etabro e gile e ba eshri akũ lo nga e shki mo mvye, nga enzi e zgi ma e lu mi le, E ka Anwye Esesla me ba esõ me e gno oraŋ ka la ŋa nzenze angyiŋ a wo ahi lo. Agimi e ngli e gno odlo baŋ.

Oluka 3:22

Ogbgaodzi eka aklungu, o gile o tspi eshri baŋ. Enzi e gile e zgi ongyeŋ e ba e lu mi le, Aŋo angyiŋ o wo Anwye me ba eso me. Ame e la e gno oraŋ ka la ŋo nzenze.

Oluka 9:35

Enzi e zgi ongyeŋ e ba e lu mi le, Ahi lo angyiŋ a wo Anwye me ba ame e sla. Agimi e ngli atuŋ e gno odlo baŋ!

Eyohana 1:34

Eyohana a sa a lu mi le, Ame e ka lo, ame e sa e lu e da gimi, adlidzi, aŋa a wo Anwye Ahogbrẽ angyiŋ.

Eyohana 3:16

Ahogbrẽ a klo moarehwi ba obiŋ hi ma-me, nga a shri Anwye baŋ akyakyeŋ a shri a di, okyku o da areyaŋ a mbo la a bmi ba adlidzi ka la ŋa a yla mbo, ambo a hwiŋ eso ba gbagbu-amo.

Eyohana 5:37

Ada la a hom me otum nga a ia a lu odlo eshri me. Agimi e gno enzi baŋ ondakyeŋ e ka mbo, nga agimi e ka ŋa ondakyeŋ e ka mbo.

Eyohana 6:69

Agi e bmi ba adlidzi nga e ka e bmye ba aŋo angyiŋ o wo ba Esesla Akyakyeŋ ba Ahogbrẽ.

MoaOroma 1:4

Ambo ibu odzudzu baŋ ba Ahogbrẽ ba esesla, moa a tsa baŋ a wo Anwye Ahogbrẽ, la ekʼpo egagre, okyku ba moa a daŋ a kso ongybi.

MoaOkolosi 1:13

Okyku eshi aŋa angyiŋ a se gimi a sku oreŋ ba evbu, nga a shri gimi a ba oreŋ ba Anwye baŋ ba esõ baŋ.