Omba baŋ a kpla egba eka he lo nga, etabro la e shka ayi leleleŋ e gile eshri mo, nga enzi e zgi ma e lu mi le, Anwye ba esesla ba ame a gno oraŋ ka la ŋa e gre eshri angyiŋ, a wo ahi lo. Agimi e ngli atuŋ e gno odlo baŋ!
Anwyeadga ba Ahogbrẽ a tno ma a lu mi le, Ogbgaodzi ó bli ŋo, nga ekʼpo ba Ahogbrẽ angyiŋ é ba e kpo otum ka la ŋo. Okyku eka he anwye ba esesla he lo, moa á bzi ŋa Anwye ba Ahogbrẽ.
Odlo o zhiŋ o dzu arehwĩ, nga o dzu ka la gi. Agi e ka ayimom ba esesla baŋ. O wo la okpoghwo, ta la adlidzi nzenze ma. Ayimom ba esesla baŋ he lo, aŋa anwye akya-kyeŋ ba Ahogbrẽ a yga lo ibu Adaŋ angyiŋ.
Moa a ta ayakplo hi okyku o da gimi e ka e bmye ba Eyesu angyiŋ a wo Emisiya, Anwye Ahogbrẽ, nga okyku o da gimi e hwiŋ eso eshko baŋ okro obmi ba adlidzi.
Ahogbrẽ a klo moarehwi ba obiŋ hi ma-me, nga a shri Anwye baŋ akyakyeŋ a shri a di, okyku o da areyaŋ a mbo la a bmi ba adlidzi ka la ŋa a yla mbo, ambo a hwiŋ eso ba gbagbu-amo.
Omba ba Eyesu a ba a wo mbo, Eyohana a nyum oshpa a ygi moare a lu mi le, Agimi e kyu ayakplobi bimi e la e kpo abgo okyku o da me e kpo gimi abaptisma.
Ekplo ba odaŋ o kpo o gbu mbo, okyku ba eda ba arehwĩ e wo lgelge, ambo Ahogbrẽ a kpo lo a gbu. A kyku odlobi odzudzu ba arehwĩ, ozhẽ baŋ a da Anwye baŋ a ba a sko emle ba arehwĩ, arehwĩ ba odlobi. A ba eka he okyku o daŋ a kyku odlobi angyiŋ.
