2 MoaOkorinti 7:8 - Ohwihwim Olehe

⁸ O wo ba akpa ba ame e ta gimi mi a tpi gimi eso ayi le, ame é kpo eshi a mo? Ame e sheŋ lo e ta bgu. Ame e kpo e gbu e mbi ba ame e da odlo lo o vu me olo, omba ba ame e ka ba akpa lo a tpi gimi eso ayi okyku omba fi.

2 MoaOkorinti 7:8 ပူးပေါင်းရင်းမြစ်များ

Eyohana 16:6

Ohuhuhi okyku ba ame e lu e da gimi e khwo nga, eso e tpi gimi ayi.

Eyohana 21:17

Eyesu a sa a zhĩ ŋa odgo otra a lu mi le, Esima, aŋo anwye Eyohana, aŋo o klo me? Alo o kpo Ebitru ewu eso okyku ba Eyesu a zhĩ ŋa odgo otra a lu mi le, Aŋo o klo me? Ebitru a tno ŋa ma a lu mi le, Adigi-odne, aŋo o yi ekployaŋ a mbo, aŋo o yi ba ame e klo ŋo! Eyesu a nyuŋ ŋa a lu mi le, O kpaŋ ékylu me.

2 MoaOkorinti 7:11

Agimi e ka eka ba Ahogbrẽ a kpo otum ta la esõ-etpiayi bimi he lo. O shri ozgagble angyiŋ o shri o da gimi nzenze, nga alo o shri ekhwo o da gimi nzenze, okyku o tsa ba agimi e wo la ombgu eshri bimi mbo! Nga eso e vre gimi nga agimi e wo la eyli, ta la okayiozhẽ, ta la ozgayi, ta la okoklo ba eso ekyekyeŋ okyku o nye areyaŋ a mbo la a ta akpu eda! Agimi e tsa eshri bimi zhezheŋ ba agimi e wo la akpu odlo he lo ku-ku mbo.

2 MoaOkorinti 7:12

Okyku eka he, eka ba ame e ta gimi akpa he, ame e ta lo okyku akpu ba arekyeŋ a ta angyiŋ mbo. Ambo ame e ta akpa he lo okyku o tsa gimi zhezheŋ egi ayi ba Ahogbrẽ, eka bimi e wo la oklo ogyugyuŋ ba adlidzidzi okyku gi.

2 MoaOkorinti 7:6

Ambo Ahogbrẽ la a la a gbu moare ba eso e tpi mo ayi obiŋ, aŋa angyiŋ a gbu gi eso obiŋ omba ba Etitu a ba.

2 MoaOkorinti 7:7

Oba-ba baŋ he lo sha angyiŋ o gbu gi eso obiŋ mbo, ambo oshpa ayakplo baŋ a shri a ba eka bimi e gbu ŋa eso obiŋ, o gbu gi eso obiŋ a mbo ko-ko. Aŋa a lu a da gi eka bimi e klo e ka me e gre eshri. Nga a sa a lu eka ba agimi e gno oraŋ ku-ku mbo. Nga a lu odlo eka bimi e wo la eso ekyekyeŋ okyku o tspi osheshye okyku me. Ame e wo la ovye ma ohuhuhi e gre ba ayga a mo.

2 MoaOkorinti 7:9

Ambo ohuhuhi ame e wo la ovye ma. Ame e wo la ovye ma okyku ba ame e tpi gimi eso ayi angyiŋ mbo, ambo okyku ba esõ-etpiayi he lo e nyiŋ odzudzu bimi. Ahogbrẽ a kpo otum ta la esõ-etpiayi lo, okyku eka he, agi e shri otsigbukyeŋ angyiŋ e shri e kom gimi mbo.

Otsotsa 3:19

Ame e la e nye, nga e la e kpo moare ba ame e klo ewu. O nyuŋ o kpo-kpo nga o ngʼba o sku edlobi boŋ.