2 MoaOkorinti 2:4 - Ohwihwim Olehe

⁴ Ame e ta gimi akpa la esõ-etpiayi, ta la eso la e bli ta la amanyi nzenze ayi okyku o da eso e tpi gimi ayi mbo, ambo ame e kpo lo okyku o da gimi e yi eka ba ame e klo gimi pyeŋ nzenze.

2 MoaOkorinti 2:4 ပူးပေါင်းရင်းမြစ်များ

2 MoaOkorinti 7:12

Okyku eka he, eka ba ame e ta gimi akpa he, ame e ta lo okyku akpu ba arekyeŋ a ta angyiŋ mbo. Ambo ame e ta akpa he lo okyku o tsa gimi zhezheŋ egi ayi ba Ahogbrẽ, eka bimi e wo la oklo ogyugyuŋ ba adlidzidzi okyku gi.

MoaEfilibi 3:18

Ame e sheŋ e lu ohe lo e da gimi engyi oshushku bgu, nga ame e sa e shĩ gimi e shri lo e ta ma-ma ta la amanyi ayi angyiŋ ohuhuhi. Moare nzenze ba odzudzu mo o da mo a dzu moafpu ba eku ba Ekristi egŋe aki a wo ma.

2 MoaOkorinti 12:15

Ame é gno oraŋ okyku o tpi ekployaŋ a mbo ba ame e wo la alo ma ayi ta la eso me a mbo, okyku o kpo o ghwo la gimi. Agimi e klo me hli okyku ba ame e klo gimi nzenze?

2 MoaOkorinti 11:2

Ame e wo la oklo nzenze eso me okyku gimi, eka ba Ahogbrẽ a mbo a wo la oklo nzenze eso baŋ okyku gimi. Agimi e wo eka eyi anwyeshe ba adlidzi ba ame e kpo eshra baŋ e zga arekyeŋ la a ri Ekristi.

2 MoaOkorinti 2:9

Okyku eka he ame e ta gimi akpa mi lo. Ame e klo o ka eka bimi e tspi osheshye ombambga lo. Nga ame e klo o yi agimi e la e kpaŋ onyenye me omba pyeŋ le, a gimi e la e kpaŋ lo mbo a mu!