2 Ebitru 3:2 - Ohwihwim Olehe

² Ame e klo bimi e tne aga odlo ba moarehwĩ ba esesla ba Ahogbrẽ a hom mo otum ogbyigbyi a lu. Nga okyku o da gimi e tne aga odaŋ la o zgi okro ba Adigi-odne ta la Areoshla bi. Odaŋ he lo, moarehwĩ bimi la a nyum oshpa angyiŋ a shri lo a shri a ba.

2 Ebitru 3:2 ပူးပေါင်းရင်းမြစ်များ

Oluka 1:70

Ogbyigbyi Ahogbrẽ a da moarehwi ba esesla ban a hom otum a lu eka he lo.

Oluka 24:27

Eyesu a lu ekployaŋ a mbo moa a ta Akpa ba Ahogbrẽ eshri baŋ a da mo. A zga esĩ ta la Akpekpa ba Omusa a ta, nga a gre akpekpa pyeŋ moarehwi ba Ahogbrẽ a hom mo otum a ta.

Oluka 24:44

Ambla he nga, a nyuŋ mo a lu mi le, Ame e lu edgu ayakplo he angyiŋ e da gimi omba ba ame e yi e wo ka la gimi. Ekployaŋ a mbo ba moa a ta eshri me odaŋ ba Omusa, ta la akpekpa moarehwi ba Ahogbrẽ a hom mo otum, ta la Akpa ba Ohlueshko, o dzu omgbybi ba alo é bli.

Otum 10:43

Moarehwi ba Ahogbrẽ a hom otum vye a lu eshri baŋ a lu mi ma areyaŋ a mbo la a bmi ba adlidzi ka la ŋa, moa a kyu ŋa abgo odlobi baŋ okro ekʼpo ba eshko baŋ.

Otum 28:23

Moa a sla onda ta la Oblus, nga moare nzenze a ba okro Oblus onda lo. A zga endigiŋ ma-me okyukyku Oblus a la a tsa mo, nga a nyum oshpa eshri Oreŋ ba Ahogbrẽ a da mo. A zga gble okyku o da mo a yga odlo Eyesu. A fa ayakplo ba odaŋ ba Omusa, ta la ayakplo ba akpekpa moarehwi ba Ahogbrẽ a hom mo otum.

Otum 3:18

Ogbyigbyi, moarehwi ba Ahogbrẽ a hom otum a lu mi ma Emisiya á kpo ewu. Ahogbrẽ nga a bli odlo lo.

Otum 3:21

O dzu omgbybi baŋ a dzu Ongyeŋ ayga o tsa baŋ a nyiŋ ekployaŋ a mbo, eka ba Ahogbrẽ a lu a da moarehwi baŋ a hom otum ogbyigbyi.

MoaEgalasiya 6:2

O raŋ o gre ba agimi e la e sko oshri bimi e ghwo egimi. Ozhẽ he lo angyiŋ agimi é ba e kpaŋ odaŋ ba Ekristi.

MoAfisu 2:20

Agimi a mbo, moa a mbdzi gimi okũ ba moare la a nyum oshpa, pa la moarehwĩ ba Ahogbrẽ a hom mo otum, a mbdzi. Eyesu eshrishri eŋa angyiŋ a wo ezhim ba emvygi lo.

MoAfisu 3:5

Ayga moa a hwile eshyẽ he lo a da moare a ka mbo. Ambo, ohuhuhi Ahogbrẽ a hwile moa la a nyum oshpa ta la moarehwĩ ba Ahogbrẽ a hom mo otum eshyẽ he lo ozhẽ ba Ogbgaodzi.

1 Etimoti 6:14

Ame e lu e doŋ, o kpaŋ odaŋ lo okyekye, nga o da akpu a dzu ma mbo, ma-me o tsa onda ba Adigi-odne Eyesu Ekristi á ba a ba.

2 Ebitru 2:21

O raŋ o gre e mbi ba moa a dzu efĩ ozhẽ ba odlodzi o gre ba moa a yi lo a khwo nga, a sa a dzu ozhẽ ba odaŋ ba esesla ba moa a shri a da mo a zga!

2 Ebitru 3:15

Agimi e ka oheheŋ ba Adigi-odne a shri a da gimi okyku o da gimi e hwiŋ ozhẽ ba o hwiŋ oshla, eka ba anigi la a ri Oblus a sheŋ a ta gimi akpa la okaobmye ba Ahogbrẽ a shri a daŋ.

2 Ebitru 3:16

A kpo eka he lo angyiŋ akpekpa pyeŋ baŋ a ta odlo he lo ma. Ayakplo abze a wo ewu akpekpa baŋ lo, nga moare la a wo la evbueshri, pa la moare la a wo kyekye mbo, moa a la a zhiŋ lo la egegŋe ototno, eka ba moa a la a kpo ta la oshpayakplo nzenze Akpa ba Ahogbrẽ, nga moa a tpi emo ayi.

1 Eyohana 4:6

Ambo agi e wo moarehwĩ ba Ahogbrẽ angyiŋ. Areyaŋ a mbo la a yi Ahogbrẽ a la a ngli atuŋ a gno odlo bi. Nga areyaŋ a mbo la a wo arehwĩ ba Ahogbrẽ angyiŋ mbo le, a la a ngli atuŋ a gno odlo bi mbo. Ozhẽ he lo sha angyiŋ, agi e kpo e gbu ba agi e gʼba Ogbga ba adlidzi ta la ogbga ba akpro.

Eyahuda 1:17

Ambo agimi akyemeazba e ka! Agimi e dzu ayakplo ba moarehwĩ la a nyum oshpa ba Adigi-odne Eyesu Ekristi a lu a da gimi ayga.

Otsotsa 19:10

Ame e kŋe e shki obiŋ egi ayi baŋ okyku o hlu ŋa eshko, ambo a lu mi le, O kpo eka he mbo! Ame a mbo e wo awaghrẽ eka boŋ pa la moanóŋ pyeŋ la a kpaŋ adlidzi ba Eyesu a tsa lo zhezheŋ. Aŋo o hlu Ahogbrẽ angyiŋ eshko! Okyku eshi adlidzi ba Eyesu a ra lo a tspa zhezheŋ angyiŋ a shĩ esõ moarehwĩ ba Ahogbrẽ a hom mo otum.