2 Ebitru 3:17 - Ohwihwim Olehe

¹⁷ Ambo agimi akyemeazba, agimi e sheŋ e yi lo bgu. Agimi e kʼpu, okyku o da akpukyeŋ ba moarehwĩ la a yi odaŋ mbo a ngʼba gimi a sku ozhẽ mbo, nga okyku o da gimi e zgi okro ba odzudum ba agimi e tspi ma he e gbu obiŋ mbo.

2 Ebitru 3:17 ပူးပေါင်းရင်းမြစ်များ

Amatiyu 16:11

Okyku eshi angyiŋ agimi e sko odlo ba ame e lu ka la gimi hi, e shri e zga eshri agbrotsa? Agimi e nyuŋ e kpo-kpo ta la eyist moaEfarisi, pa la moaEsaduki!

Amatiyu 16:6

Eyesu a nyuŋ mo a lu mi le, Agimi e nyuŋ e kpo-kpo ta la eyist moaEfarisi, pa la moaEsaduki.

Amatiyu 7:15

Agimi e nyuŋ e kpo-kpo pa la moarehwĩ la a la a sheŋ akpro, ma Ahogbrẽ angyiŋ a hom mo otum. Moa á ba okro bimi la akpa ba ekylu egi edzi, ambo moa a wo ebuakam angyiŋ egi eshyẽ.

Eyohana 16:4

Ame e lu he lo e da gimi okyku omba ba moa a kpo gimi edgu ayakplo he lo, o da gimi e tne aga e fu ma. Ame e lu odlo he lo e da gimi oriori mbo okyku ba ame e yi e wo ka la gimi.

Otum 2:42

Moa a dzu pa la moa la a nyum oshpa okyku o da mo a nye mo odlo Ahogbrẽ. Moa a la a ri ekpom otsotse nga moa a la a ri algo nga a la a fa olu otsotse.

MoaOroma 16:18

Okyku eshi moa la a kpo eka he lo, moa a la a lu Ekristi Adigi-odne angyiŋ e ma mbo, ambo moa a lu eshri emo angyiŋ. Moa a la a lu arareŋ odlo nga moa a la a bile moarehwi la a wo la adlidzi ma.

1 MoaOkorinti 10:12

Are la a ka eka baŋ a tspi shasha, a nyuŋ eshri baŋ a zga, okyku o daŋ a tsu a gbu mbo.

1 MoaOkorinti 15:58

Okyku eka he agimi anáŋ, e tspi osheshye kye, nga e kpo otum bimi ombamba pyeŋ okyku Adigi-odne. Agimi a mbo e sheŋ e yi ba otumyaŋ a mbo bimi e kpo ozhẽ ba Adigi-odne, ba alo o wo otum ba ototno mbo.

2 MoaOkorinti 11:3

Ame e wo la eyli okyku ba aga eso bimi á zhiŋ á dzu la eshre, nga ba agimi é kyu oklo la o bli abgo. O wo o ba adlidzi angyiŋ okyku Ekristi. Ekakahelo a mi emabi e bile Ahawawu la eda ba akpro.

MoaEgalasiya 5:4

Agimi are la e klo ba opyapyaŋ o dzu agʼbaha bimi ta la Ahogbrẽ ozhẽ ba okpaŋodaŋ, e ngʼba egimi e sku Ekristi angyiŋ. Agimi e wo abgo ba okpoghwo ba Ahogbrẽ mbo ku-ku.

MoAfisu 4:14

Omba he lo nga agi é dzu eka moanwye ba ogbga ba onyenye ba moarehwĩ la a la a bile moare angyiŋ o la o kaŋ mo ayi wayawaya nga mbo. Onyenye he lo o la o da moare a la a ta akpu okyku edgu eda ebi ba obile ba moa a la a kpo.

MoaEfilibi 3:2

E nyuŋ e ka okyku moare la a la a kpo ayakplobi. Moa a wo ebu, moa angyiŋ a wo moare-hwĩ la a la a zga omgbybi okyku o tska egʼba.

MoaOkolosi 2:5

Egʼba me e wo ka la gimi mbo, ambo esõ me e wo ka la gimi. Ame nga e wo la ovye ma okyku eka ba agimi e tspi otsotse la osheshye ibu obmi ba adlidzi bimi okro ba Ekristi.

MoaOkolosi 2:8

Agimi nga e la e nyuŋ e kpo-kpo okyku o da arekyeŋ a vu gimi a ghwo ewu okyku okaobmye ba arehwĩ ta la obile ba ototno mbo. Okũ ohe lo o wo ibu onyenye ba moarehwĩ a la a dzu o nyiŋ lo abgo ototno angyiŋ, ta la egbga ba obiŋ hi la e ri ekʼpo. Okũ lo o wo okro ba Ekristi angyiŋ mbo.

2 Etimoti 4:15

Aŋo a mbo, o nyuŋ o kpo-kpo ka la ŋa, okyku eshi a bmi ta la oshpa bi e la e nyum mbo ku-ku.

MoaIbrani 3:14

Okyku eshi agi pyeŋ e pu ta la Ekristi, o wo ba agi e kom oyioyi bi la osheshye ba agi e zga esĩ la alo ma-me o tsa amom-abgo.

1 Ebitru 5:9

Agimi e tspi osheshye ta la obmi ba adlidzi bimi, nga e tla ŋa la osheshye. Okyku eshi agimi a mbo e yi eka ba moahwõ la a bmi ba adlidzi eka bimi hi, obiŋ hi pyeŋ, ba moa a la a kpo edgu ewu he lo.

2 Ebitru 2:7

Aŋa angyiŋ a shla Olotu la a wo arehwĩ ba odlodzi. Ambo edgu odzudzu ba eshre ba moarehwĩ la a yi odaŋ mbo e kpo ŋa ewu nzenze.

2 Ebitru 3:1

Agimi akyemeazba! Akpa he a wo akpa ba oha angyiŋ ba ame e ta gimi. Akpekpa ahaha lo pyeŋ, ame e zga ngre okyku o dzu gimi eshri ayakplo he lo ibu o tne gimi aga la a wo adzi esõ bimi.

Otsotsa 2:5

O ka, aŋo o tsi o gbu ogyugyuŋ nzenze! O raŋ o gre boŋ o ngʼba o sku edlobi boŋ nga o kpo ayakplo eka boŋ o kpo okũ oriori. Ame é ba okro boŋ nga é sko emgbakha ovo ba azurfa lo, o wo boŋ o ngʼba o sku edlobi boŋ mbo le.