2 Ebitru 3:16 - Ohwihwim Olehe

¹⁶ A kpo eka he lo angyiŋ akpekpa pyeŋ baŋ a ta odlo he lo ma. Ayakplo abze a wo ewu akpekpa baŋ lo, nga moare la a wo la evbueshri, pa la moare la a wo kyekye mbo, moa a la a zhiŋ lo la egegŋe ototno, eka ba moa a la a kpo ta la oshpayakplo nzenze Akpa ba Ahogbrẽ, nga moa a tpi emo ayi.

2 Ebitru 3:16 ပူးပေါင်းရင်းမြစ်များ

Amatiyu 15:3

Eyesu a tno mo ma a lu mi le, Okyku eshi agimi e la e kpaŋ odaŋ ba Ahogbrẽ mbo, nga e kpaŋ onyenye ba eshri bimi?

Amatiyu 15:6

ma alo o wo akplokyeŋ angyiŋ baŋ a fa olbi a da adaŋ mbo. Agimi e la e kpo eka he angyiŋ nga e la e zhiŋ odlo Ahogbrẽ evom, nga e la e kpo otum ta la onyenye ba eshri bimi.

Amatiyu 22:29

Ambo Eyesu a tno mo ma a lu mi le, Agimi e lu odlo ototno e gre eshri! Agimi e lu eka he okyku bimi e ka Odlo Ahogbrẽ, ta la ekʼpo ba Ahogbrẽ e bmye mbo angyiŋ.

MoaEfilibi 3:19

Eygi mo e wo enzhe ba ovo angyiŋ. Okyku eshi ahogbrẽ mo angyiŋ a dzu okoklo ba egʼba. Moa a la a nyom egʼba ta la ayakplo e mbi ba alo o raŋ o gre ba moa a kpo anzi okyku lo. Nga moa a tne aga ayakplo ba obiŋ hi sha.

MoaIbrani 5:11

Odlo o wo ma nzenze ba agi é lu eshri odlo he lo, ambo o wo ewu ba o wre lo o da gimi, okyku eshi o wo ewu ba agimi e ka ayakplo e bmye shoshoŋ.

Eyakubu 1:8

okyku eshi aŋa a la a fu eha ekployaŋ a mbo baŋ a kpo.

1 Ebitru 1:1

Akpa he lo a zgi abgo ba Ebitru, are la a nyum oshpa ba Eyesu Ekristi. Akpa he lo a wo okyku moarehwĩ ba Ahogbrẽ a sla mo. Moa a som ayi okyku ewu, nga moa a gre a yi a dzu moazhẽ egʼba ebiŋ ba Obontu, ta la Egalasiya, ta la Akapadokiya, ta la Asiya, ta la Ebitaniya.

1 Ebitru 2:8

Odlo ba Ahogbrẽ o sa o lu mi le, Ezhim he lo angyiŋ é ba e da moarehwĩ a sheŋ evgo. Alo angyiŋ é ba e dzu onmwre la ó ba o da moare a tsu a gbu. Moa a sheŋ evgo okyku ba moa a bmi ba adlidzi ta la odlo lo mbo angyiŋ. Ohe lo angyiŋ o wo okoklo ba Ahogbrẽ okyku mo.

2 Ebitru 2:1

Moare la a sheŋ akpro ma Ahogbrẽ angyiŋ a hom mo otum, a zgi eshki moare ayga, ekakahelo angyiŋ, moare la a nye onyenye ba akpro á ba a zgi eshki bimi. Moa á nye onyenye la o wo oyla, ta la onyenye ba akpro nga, moa á dzu evom ba Adigi-odne la a shla mo, nga moa á jygi oshoshoŋ okyku lo.

2 Ebitru 2:14

Moa a la a klo o ka ekplokyeŋ ku-ku mbo, o wo le moashe ba eshre sha. Ogroayi mo okyku o kpo odlobi ó khwo mbo ku-ku. Moa a la a da moa la a wo oshye esõ mbo a gbu amgbaŋ. Moa a sheŋ a nye eda ba okayiogro esõ mo bgu. Moa a wo abgo ba ogbukyu ba Ahogbrẽ angyiŋ!

2 Ebitru 3:14

Okyku eka he agimi akyemeazba, eka ba agimi e la e dzu e bli Onda mi lo, e zga ayi ngre okyku o da gimi e kye shasha la akpukyeŋ egi ayi ba Ahogbrẽ mbo, nga okyku o da gimi e dzu opyapyaŋ ka la ŋa.

2 Ebitru 3:2

Ame e klo bimi e tne aga odlo ba moarehwĩ ba esesla ba Ahogbrẽ a hom mo otum ogbyigbyi a lu. Nga okyku o da gimi e tne aga odaŋ la o zgi okro ba Adigi-odne ta la Areoshla bi. Odaŋ he lo, moarehwĩ bimi la a nyum oshpa angyiŋ a shri lo a shri a ba.

Eyahuda 1:4

Okyku eshi moarehwĩ la a wo a ba Ahogbrẽ mbo, moa a ta adga shu a ba a gre agʼbaha bi, nga arekyeŋ a yi mbo. Nga moa a la a zhiŋ odlo ba okpoghwo ba Ahogbrẽ la egégŋe, okyku o da mo a hwiŋ anvaŋ a kpo ayakplo ba eshre ba moa a la a kpo. Nga, moa a tla Eyesu Ekristi. Aŋa sha angyiŋ a wo Are ba agi e wo abgo baŋ, nga aŋa sha angyiŋ a wo Adigi-odne. Ogbyigbyi Akpa ba Ahogbrẽ a sheŋ a lu odlo eshri ba ombgu ba moa á sõ mo edgu moare he lo.