2 Ebitru 3:15 - Ohwihwim Olehe

¹⁵ Agimi e ka oheheŋ ba Adigi-odne a shri a da gimi okyku o da gimi e hwiŋ ozhẽ ba o hwiŋ oshla, eka ba anigi la a ri Oblus a sheŋ a ta gimi akpa la okaobmye ba Ahogbrẽ a shri a daŋ.

2 Ebitru 3:15 ပူးပေါင်းရင်းမြစ်များ

Oluka 21:15

Okyku eshi omba he lo ame é shri edgu odlo bimi é ba e lu é da gimi. Nga ame é shri okaobmye é da gimi, nga moafpu gimi á kpo á gre gimi a gbu mbo, nga á tla odlo bimi a gbu mbo.

Otum 15:25

Okyku eka he agi e shki nga e sla moarekyeŋ nga e hom mo otum okro bimi. Moa a ba pa la moakyegiazba ba adlidzi, Abarnaba ta la Oblus.

Otum 7:10

Nga a kpaŋ ŋa ewu baŋ mvye. Omba ba Oyusufu a gre egi ayi Efirauna, anyuŋ-areŋ ba Amasla, Ahogbrẽ a shri odlodzi, ta la okaobmye a shri a da Oyusufu. Efirauna a da Oyusufu a dzu ogomna obiŋ ba Amasla mvye, ta la odne oreŋ.

Otum 9:17

Ahananiya a gre odne lo nga, a shri abgo baŋ a shki eshri Eshawlu nga a lu mi le, Anime Eshawlu, Adigi-odne Eyesu eshrishri eŋa angyiŋ a hom me otum. Aŋa angyiŋ aŋo o ka ozhẽ omba boŋ o ba ahe. Aŋa a hom me otum okyku o da me e hwile ŋo ayi, nga moa a bli ŋo la Ogbgaodzi.

MoaOroma 2:4

O dzu mbo, aŋo o la o dzĩ okpoghwo ogagre ba Ahogbrẽ, ta la eso ble-ble baŋ a wo la alo ma angyiŋ. Ambo adlidzi angyiŋ, Ahogbrẽ a la a ka ayiekŋe okyku eshi a klo boŋ o ghwo obiŋ!

1 MoaOkorinti 12:8

Ogbgaodzi o shri oshpa ba okaobmye o shri o da areabze, nga Ogbgaodzi he lo o shri oshpa ba oyioyi angyiŋ o shri o da areabze.

1 MoaOkorinti 2:13

Okyku eka he agi e la e lu odlo la okaobmye ba odlo ba arehwĩ a nye angyiŋ mbo, ambo la okaobmye ba Ogbgaodzi o nye, omba ba agi e la e wre ayakplo ba adlidzi ba Ogbgaodzi e ygi moarehwi la a wo la Ogbgaodzi ma.

1 MoaOkorinti 3:10

Ame e mbdzi aku eka are la a yi o mbdzi a gre eshri, okyku eshi ame e kpo otum ta la oyioyi ba Ahogbrẽ a shri a da me. Ame nga e ta ahwim lo, nga arekyeŋ a mbdzi anzoŋ lo. Ambo o raŋ o gre ba areyaŋ a mbo a nyuŋ a kpo-kpo eka baŋ a la a mbdzi lo.

MoAfisu 3:3

Ahogbrẽ nga a hwile ohwihwim baŋ a hwim a ghre, nga a da me e yi lo. Ame e ta engla ple sha angyiŋ eshri lo.

1 Etimoti 1:16

Ambo okyku ekplo he lo sha angyiŋ, Ahogbrẽ a ka me ayiekŋe, okyku o da moare a ka ota esõ akpyli ba Ekristi Eyesu okyku me la e wo la odlobi e gre moahwõ pyeŋ, okyku o da me e dzu egŋe egi ayi moarehwĩ pyeŋ la á ba a bmi ba adlidzi ka la ŋa, okyku o da mo a hwiŋ esõ ba gbagbu-amo.

Eyakubu 1:5

Ambo o wo ba arekyeŋ eshki bimi a gbaŋ la okaobmye le, o raŋ o gre baŋ a vẽ Ahogbrẽ. Aŋa á shri lo á shri á daŋ, okyku eshi Ahogbrẽ a la a shri ekployaŋ a mbo a shri a da areyaŋ a mbo la ovyevye ta la oklo.

Eyakubu 3:17

Ambo akplo ba ori, okaobmye la o zgi ongyeŋ angyiŋ o wo kye. Okaobmye lo o wo la opyapyaŋ ma, nga o wo ble-ble ta la ekpom, nga o wo la okayiekŋe nzenze, nga okaobmye lo o fu agbro ba otum la o wo odzi. Nga alo o wo la aga la a wo la evevom ma mbo, nga alo o kpo ayakplo la a wo abibli mbo.

1 Ebitru 3:20

Egbga he lo e wo egbga ba moarehwĩ la a sheŋ a shye eshri ta la Ahogbrẽ omba baŋ a la a dzu a bli, omba ba Onuhu a la a mbdzi amgblami. Moare ple sha a gre amgblami he lo. Moarehwĩ afote angyiŋ moa a gro okyku ami.

2 Ebitru 3:2

Ame e klo bimi e tne aga odlo ba moarehwĩ ba esesla ba Ahogbrẽ a hom mo otum ogbyigbyi a lu. Nga okyku o da gimi e tne aga odaŋ la o zgi okro ba Adigi-odne ta la Areoshla bi. Odaŋ he lo, moarehwĩ bimi la a nyum oshpa angyiŋ a shri lo a shri a ba.

2 Ebitru 3:9

Ahogbrẽ a la a ngingli angyiŋ ta la ekplo baŋ a sheŋ a hwim baŋ á ba a kpo mbo. Moakyeŋ a la a tne aga eka he. Ambo a la a kpo heheŋ ka la gimi okyku eshi a klo ba arekyeŋ a jygi mbo. Ambo a klo ba moare pyeŋ a zhiŋ ogbu á dzu odlobi ba moa a la a kpo á zga.