2 Ebitru 3:14 - Ohwihwim Olehe

¹⁴ Okyku eka he agimi akyemeazba, eka ba agimi e la e dzu e bli Onda mi lo, e zga ayi ngre okyku o da gimi e kye shasha la akpukyeŋ egi ayi ba Ahogbrẽ mbo, nga okyku o da gimi e dzu opyapyaŋ ka la ŋa.

2 Ebitru 3:14 ပူးပေါင်းရင်းမြစ်များ

Amatiyu 24:26

O mbo le, o wo moare a lu ka la gimi a lu mi le, E ka, aŋa a wo akla a mi, agimi e yi mbo. O mbo le, o wo moa a lu mi le, E ka, aŋa a ghre ahe, agimi e bmi ba adlidzi mbo.

Amatiyu 25:7

Moanwyeshe okʼpo lo a kso nga a ta ovo émgbuovo mo.

Oluka 12:43

Anwye-odne he lo á gno oraŋ á gre eshri o wo ba adaŋ-odne a ba odne a hwiŋ ŋa baŋ a la a kpo otum he lo!

Oluka 2:29

Ohuhuhi, aŋo Ahogbrẽ, o bli ohwihwim boŋ. O kyu awaghrẽ boŋ abgo, nga o daŋ a yi la eso opyapyaŋ.

1 MoaOkorinti 1:8

Aŋa nga á kpaŋ gimi osheshye ma-me a mo, okyku o da mo a hwiŋ akpukyeŋ okro bimi mbo, onda ba Adigi-odne Eyesu Ekristi á ba a ba.

1 MoaOkorinti 15:58

Okyku eka he agimi anáŋ, e tspi osheshye kye, nga e kpo otum bimi ombamba pyeŋ okyku Adigi-odne. Agimi a mbo e sheŋ e yi ba otumyaŋ a mbo bimi e kpo ozhẽ ba Adigi-odne, ba alo o wo otum ba ototno mbo.

MoaEfilibi 1:10

okyku o da gimi e kpo e gbu nga e sla ekplo la e wo edzi e gre pyeŋ. Nga onda Olum ba Ekristi, ayakplo ba eshre o mbo le ombgukyeŋ ó wo eshri bimi nga mbo.

MoaEfilibi 2:15

okyku o da gimi e wo la ombgu eshri bimi mbo, nga okyku o da gimi e dzu moa la a wo odlobikyeŋ ma mbo. Nga okyku o da gimi e dzu moarehwĩ ba Ahogbrẽ la e wo shasha la a dzu obiŋ hi la o wo kyekye mbo, pa la moarehwĩ la a wo ototno. O raŋ o gre ba agimi e la e shka ayi egi ayi mo eka ba eyi enzo e la e shka ayi ahrẽ,

MoaEfilibi 3:20

Agi nga agi e wo moarehwĩ ba Ongyeŋ. Nga agi e la e ka ayi ozhẽ okyku o da Areoshla bi a zgi Ongyeŋ a ba. Aŋa angyiŋ a wo Adigi-odne Eyesu Ekristi.

1 MoaEtasolonika 3:13

Ozhẽ he lo angyiŋ aŋa á da esõ bimi e tspi osheshye. Nga agimi é tspi la obiobli la esesla egi ayi ba Ahogbrẽ bi la a wo Adigi omba ba Adigi-odne Eyesu á ba pa la moarehwĩ baŋ.

1 MoaEtasolonika 5:23

Ahogbrẽ nga la a la a shri opyapyaŋ a shri a da gimi, aŋa á bmi á zhiŋ gimi á da gimi e dzu moarehwĩ baŋ ekpyemgbyeŋ nga á da odzudzu bimi pyeŋ, ta la esõ bimi, ta la ayaŋ ba esõ bimi, ta la egʼba bimi, é ngʼba é sku akpuyaŋ a mbo omba ba oba-ba ba Adigi-odne Eyesu Ekristi.

1 Etimoti 6:14

Ame e lu e doŋ, o kpaŋ odaŋ lo okyekye, nga o da akpu a dzu ma mbo, ma-me o tsa onda ba Adigi-odne Eyesu Ekristi á ba a ba.

MoaIbrani 9:28

Ozhẽ he lo angyiŋ moa a shri Ekristi a shri a ndba odgo okyeŋ okyku o daŋ a sko odlobi moarehwĩ nzenze. Aŋa á bla á ba odgo oha okyku o sko odlobi angyiŋ nga mbo, ambo okyku o shla moa la a la a dzu a bli ŋa angyiŋ a mo.

Eyakubu 1:27

E kpaŋ moanwye-ayieku pa la moashe-eshaku e sku ewu ba moa a la a kpo. Nga e da ayakplo ba obiŋ hi a tpi gimi ayi mbo, okyku eshi Ahogbrẽ la a wo Adigi, a sko ohe lo angyiŋ a zga oluŋama la a wo kye ta la adlidzi.

1 Ebitru 1:7

Okũ lo o wo okyku o da mo a yi ba obmi ba adlidzi bimi o wo o ba adlidzi angyiŋ. Azurfa a mbo, la a tpi ayi a gbu, moa a la a bre lo ovo. Okyku eka he nga obmi ba adlidzi bimi la o wo la owlama o gre azurfa, alo o dzu omgbybi ba moa a bre lo, okyku o da lo o ri edzi. Ambla he nga agimi é hwiŋ ohlueshko ta la anyuanyuŋ, ta la ekʼpo Onda ba moa á ba a tsa gimi Eyesu Ekristi.

2 Ebitru 3:1

Agimi akyemeazba! Akpa he a wo akpa ba oha angyiŋ ba ame e ta gimi. Akpekpa ahaha lo pyeŋ, ame e zga ngre okyku o dzu gimi eshri ayakplo he lo ibu o tne gimi aga la a wo adzi esõ bimi.

2 Ebitru 3:16

A kpo eka he lo angyiŋ akpekpa pyeŋ baŋ a ta odlo he lo ma. Ayakplo abze a wo ewu akpekpa baŋ lo, nga moare la a wo la evbueshri, pa la moare la a wo kyekye mbo, moa a la a zhiŋ lo la egegŋe ototno, eka ba moa a la a kpo ta la oshpayakplo nzenze Akpa ba Ahogbrẽ, nga moa a tpi emo ayi.

1 Eyohana 3:3

Areyaŋ a mbo la a wo edgu okayiozhẽ he lo okro ba Ekristi a la a nyuŋ eshri baŋ a zga kye, eka ba Ekristi a mbo a wo kye.