2 Ebitru 3:11 - Ohwihwim Olehe

¹¹ Eka ba moa á ba a jygi ekployaŋ a mbo ozhẽ he lo, o raŋ o gre ba agi e dzu moarehwĩ ba edguyaŋ angyiŋ? O raŋ ba agimi e shri eshri bimi e da Ahogbrẽ ogbukyekyeŋ,

2 Ebitru 3:11 ပူးပေါင်းရင်းမြစ်များ

Amatiyu 8:27

Areyaŋ a mbo a ka egbregbre. Nga moa a lu mi le, Eyesu a wo eshi edgu arehwĩ hi lo nga ba ogbga, ta la ondzami a mbo a gno ŋa!

MoaOroma 13:11

O raŋ o gre bimi e kpo eka he lo, okyku eshi agimi e sheŋ e yi omba lo. O raŋ o gre bimi e vro enu ohuhuhi, okyku eshi omba ba agi é ba e hwiŋ oshla o wo osusku a mo. Alo o gyuŋ eka ba omba ba agi e zga esĩ e bmi ba adlidzi mbo.

MoaOroma 13:12

Okyukyku o kpo okhwokhwo a mo, ayi nga a kpo okrokre a mo. O raŋ o gre bi e kyu ayakplobi ba evbu bi e la e kpo abgo. O raŋ o gre bi e tslo anzho eko nga e ta eko ayimom.

2 MoaOkorinti 1:12

Agi e wo la onyomegʼba ma okyku eshi enzi ba eso bi e tsa gi zhezheŋ ba esĩ ba odzudzu bi obiŋ hi ta la ekpom bi ka la gimi, e wo ibu ba ohwilesõ ta la adlidzi ba Ahogbrẽ a shri a di angyiŋ. Nga ohe lo o wo la okaobmye ba arehwĩ angyiŋ mbo, ambo alo o wo ibu ekʼpo ba okpoghwo ba Ahogbrẽ angyiŋ.

MoaEfilibi 1:27

Ohuhuhi nga ekplo la e raŋ e gre, o raŋ o gre ba edgu odzudzu bimi o wo eka ba edgu odzudzu ba Oshpaodzadzi ba Ekristi o klo. Okyku o wo ba ame e kpo e gbu e ba e ka gimi mbo a mbo, ame e klo o gno eka bimi e tspi gaŋ ta la ayaŋ akyakyeŋ, nga e la e ta eko otsotse la aga akyakyeŋ sha okyku obmi ba adlidzi ba Oshpaodzadzi he lo.

MoaEfilibi 3:20

Agi nga agi e wo moarehwĩ ba Ongyeŋ. Nga agi e la e ka ayi ozhẽ okyku o da Areoshla bi a zgi Ongyeŋ a ba. Aŋa angyiŋ a wo Adigi-odne Eyesu Ekristi.

1 MoaEtasolonika 1:5

Okyku eshi agi e shri Oshpaodzadzi he lo e ba e kom gimi la anyu sha mbo, ambo agi e shri lo la ekʼpo, ta la Ogbgaodzi, ta la obibmi ba adlidzi ba oshpa lo bubgu. Agimi e yi eka ba agi e dzu omba ba agi e wo ka la gimi. Alo o wo okyku o kpo o ghwo la gimi angyiŋ.

1 Etimoti 3:16

Arekyeŋ a kpo a gbu baŋ a dzu evom ta la anyuŋ eshyẽ ba ozhẽ bi mbo ku-ku! Aŋa a ba la egʼba arehwĩ, Ogbgaodzi nga o tsa baŋ a wo la adlidzi, Moanwyeadga ba Ahogbrẽ a mbo a ka ŋa. Moare ahwõ a su osu baŋ a ygi obiŋ hi pyeŋ. Nga moa a bmi ba adlidzi ka la ŋa obiŋ hi lo, Ambla he nga Ahogbrẽ a sko ŋa a gre Ongyeŋ.

1 Etimoti 4:12

O da arekyeŋ a dzĩ ŋo okyku boŋ o yi o wo ola anwye mbo. Ambo o dzu eka egŋe angyiŋ okyku moa la a bmi ba adlidzi. Aŋo o tsa mo ekployaŋ a mbo ibu odlo boŋ o lu ta la okyekye boŋ, ta la oklo boŋ, ta la obmi ba adlidzi boŋ, ta la adlidzi boŋ.

1 Etimoti 6:11

Ambo aŋo, arehwĩ ba Ahogbrẽ, o ngʼba o sku edgu ayakplo he lo pyeŋ. O zga ayi ngre okyku o kpo odlodzi, nga o tspi ozhẽ ba Ahogbrẽ la adlidzi ta la obmi ba adlidzi, ta la oklo, nga o kpo oheheŋ, nga o dzu la esõ ble ekployaŋ a mbo.

1 Etimoti 6:3

Areyaŋ a mbo la a la a nye ekplokyeŋ ondundum nga a bmi ta la odlo ba adlidzi ba Adigi-odne Eyesu Ekristi mbo, ta la onyenye ba ozhẽ bi mbo le,

1 Etimoti 6:6

Ambo, ozhẽ ba Ahogbrẽ o da are a gbu angyiŋ nzenze o wo baŋ a la a vye ta la ekplo baŋ a wo la alo ma.

MoaIbrani 13:5

Agimi e da oklo ba amgbaŋ o kpo ekʼpo ka la gimi mbo. Ambo agimi e la e kpo oheheŋ ta la ekplo ba agimi e wo la alo ma. Okyku eshi Ahogbrẽ a lu mi le, Ame é dzu gimi é zga ku-ku mbo nga ame é ndba gimi é ta ku-ku mbo.

Eyakubu 1:24

Aŋa a ka eŋa eka baŋ a wo a khwo nga a zhiŋ ogbu a gre eŋa. Ambla fi nga a gre esõ a ghre eka baŋ a wo.

Eyakubu 3:13

Arekyeŋ la a wo la okaobmye nga baŋ a yi ayakplo a wo eshki bimi? O raŋ o gre baŋ a tsa oyioyi baŋ ozhẽ ba odzudzu baŋ la o wo odzadzi, ta la otum odzadzi baŋ a la a kpo la opresõ-obiŋ ta la okaobmye.

1 Ebitru 1:15

Ambo agimi e dzu la esesla ekployaŋ a mbo ba agimi e la e kpo, eka ba Ahogbrẽ la a bzi gimi a mbo a wo la esesla.

1 Ebitru 2:12

O raŋ o gre ba odzudzu bimi egi ayi moaevbu o wo shasha nzenze, okyku o da mo a tne aga edgu otum la o wo shasha ba agimi e kpo, omba ba moa a la a hrẽ gimi, ma agimi e la e kpo otum la o wo shasha mbo. Nga okyku o da mo a hlu Ahogbrẽ eshko Onda baŋ á ba.

2 Ebitru 1:3

Ekʼpo baŋ ba Ahogbrẽ e shri ekployaŋ a mbo ba agi e klo okyku o da gi e dzu la odzudzu la o raŋ Ahogbrẽ esõ, ozhẽ oyioyi ba agi e yi ŋa la a bzi gi okyku o da gi e pu esesla baŋ ta la odzi baŋ.

2 Ebitru 1:6

Nga okyku o da oyioyi boŋ o ta ma la onyuŋ-eshrizga. Nga okyku o da ovueŋoghwo boŋ o sa o ta ma la oghwo-esõ. Nga okyku o da oghwo-esõ boŋ o sa o ta ma odzudzu la o raŋ Ahogbrẽ esõ.

2 Ebitru 3:10

Olum Onda ba Adigi-odne ó gnyu ognyu eka ba asi a la a gnyu ognyu. Onda mi lo ongyeŋ pyeŋ ó blu eka akyuŋ la a zhle. Nga ayakplo la a wo ongyeŋ moa á yla lo la ovo la o vu olo. Nga obiŋ hi ta la ekployaŋ a mbo la e wo ma é dom ya.

2 Ebitru 3:12

omba ba agimi e la e dzu e bli Olum ba Ahogbrẽ he lo, agimi e zga ayi ngre okyku o da lo o ba shoshoŋ. Olum onda he lo angyiŋ, ongyeŋ pyeŋ ó ri ovo, nga moa á jygi lo. Nga moa á yla ekployaŋ a mbo la e wo ongyeŋ la ovo.