2 Ebitru 3:10 - Ohwihwim Olehe

¹⁰ Olum Onda ba Adigi-odne ó gnyu ognyu eka ba asi a la a gnyu ognyu. Onda mi lo ongyeŋ pyeŋ ó blu eka akyuŋ la a zhle. Nga ayakplo la a wo ongyeŋ moa á yla lo la ovo la o vu olo. Nga obiŋ hi ta la ekployaŋ a mbo la e wo ma é dom ya.

2 Ebitru 3:10 ပူးပေါင်းရင်းမြစ်များ

Amatiyu 24:35

Ongyeŋ ta la obiŋ ó bre o yi, ambo odlo me ó bre o yi mbo ku-ku.

Amarku 13:31

Ongyeŋ, ta la obiŋ hi, ó bre ó yi, ambo odlo me ó bre ó yi ku-ku mbo.

Oluka 12:39

Agimi e tne aga ekplo he lo e ka! O wo ba are-odne a yi omba ba asi á ba a ba á fu odne baŋ le, aŋa á da asi a ba a gom odne baŋ tsitsi a mbo mbo.

MoaOroma 8:20

Ekployaŋ a mbo e mbi, e dzu é ba e jygi, moa angyiŋ a klo eka he lo mbo, ambo Ahogbrẽ angyiŋ a klo. Ambo moare a la a ka ayi ozhẽ.

1 MoaOkorinti 1:8

Aŋa nga á kpaŋ gimi osheshye ma-me a mo, okyku o da mo a hwiŋ akpukyeŋ okro bimi mbo, onda ba Adigi-odne Eyesu Ekristi á ba a ba.

1 MoaOkorinti 5:5

O raŋ o gre bimi e se are he lo eshki, okyku o da Eshitaŋ e kpo ŋa ewu egʼba, okyku o da mo a shla eso baŋ olum Onda ba Adigi-odne.

2 MoaOkorinti 1:14

ayakplo bimi e ka lo e bmye e bli mbo ohuhuhi, nga Onda ba Adigi-odne Eyesu le, agimi é vye la gi eka bi a mbo é vye la gimi.

1 MoaEtasolonika 5:2

Okyku eshi agimi a mbo ababgo bimi e yi zhezheŋ ba olum Onda ba Adigi-odne ó ba o ba eka ba asi a la a ba okyukyku angyiŋ.

1 MoaEtasolonika 5:4

Ambo agimi anáŋ, agimi e wo evbu angyiŋ mbo, okyku eka he agimi e da Olum lo o gnyu gimi ognyu eka ba asi a la a gnyu moare mbo.

2 Ebitru 3:11

Eka ba moa á ba a jygi ekployaŋ a mbo ozhẽ he lo, o raŋ o gre ba agi e dzu moarehwĩ ba edguyaŋ angyiŋ? O raŋ ba agimi e shri eshri bimi e da Ahogbrẽ ogbukyekyeŋ,

2 Ebitru 3:12

omba ba agimi e la e dzu e bli Olum ba Ahogbrẽ he lo, agimi e zga ayi ngre okyku o da lo o ba shoshoŋ. Olum onda he lo angyiŋ, ongyeŋ pyeŋ ó ri ovo, nga moa á jygi lo. Nga moa á yla ekployaŋ a mbo la e wo ongyeŋ la ovo.

2 Ebitru 3:7

Ambo ongyeŋ pyeŋ ta la obiŋ hi la o wo ma ohuhuhi, odlo he lo angyiŋ ó shri lo ó zga ma, okyku o da mo a jygi lo la ovo. Moa a shri lo pyeŋ a zga ma á bli onda ba moa á sõ moarehwĩ ba odlobi ombgu nga á jygi mo.

Eyahuda 1:6

Agimi e tne aga eshri ba moanwyeadga ba ongyeŋ la a tspi okro ba ekʼpo mo e ygi ma sha mbo. Ambo moa a dzu okro moa a dzu ma a zga. Ahogbrẽ a sheŋ a klu mo a ta evbu ba obiŋ hi eshyẽ. Okro lo o hwĩ evbu o gre eshri. Moa a ta mo aslika la a shye nzenze, nga moa a dzu a bli Onda ba moa á sõ mo ombgu dne a mo.

Otsotsa 16:15

Agimi e ngli atuŋ e gno! Ame é ba eka ba asi angyiŋ! Are la a la a dzu a kʼpu, nga a la a nyuŋ aknye baŋ a la a kpaŋ á gno oraŋ! Aŋa nga á dzi wayawaya la ososo mbo, nga á gbu anzi eshki mbo!

Otsotsa 20:11

Ambla he nga ame e ka anyuŋ emgbakyiŋ ba oreŋ ekyle ta la are la a dzu ma. Obiŋ hi ta la ongyeŋ moa a knye a sku ŋa, nga moa a ka mo ku-ku nga mbo.

Otsotsa 21:1

Ambla he nga ame e ka ongyeŋ ohe ta la obiŋ ohe. Ongyeŋ ba ori ta la obiŋ ba ori o dam, nga anyuŋ-ondzu a mbo a blu.

Otsotsa 3:3

Aŋo o tne o ka ekplo ba moa a nye ŋo, ta la eka boŋ o gno lo. O raŋ o gre boŋ o kpaŋ lo nga o ngʼba o sku edlobi boŋ. O wo boŋ o vro enu mbo, ame é ba e gnyu ŋo eka ba asi. Aŋo ó yi omba ba ame é ba e ba ma mbo ku-ku.

Otsotsa 6:14

Ahrẽ nga a blu eka ba anyuŋ ogbga ogbu o bʼba aku o ta ayimom hu. Nga akũyaŋ a mbo ta la anwye-obiŋyaŋ a mbo, moa a gʼbu a sku okro ba moa a wo ma.