2 Ebitru 3:1 - Ohwihwim Olehe

¹ Agimi akyemeazba! Akpa he a wo akpa ba oha angyiŋ ba ame e ta gimi. Akpekpa ahaha lo pyeŋ, ame e zga ngre okyku o dzu gimi eshri ayakplo he lo ibu o tne gimi aga la a wo adzi esõ bimi.

2 Ebitru 3:1 ပူးပေါင်းရင်းမြစ်များ

Amatiyu 5:8

Oraŋ o wo ma okyku moa la a wo la esõ pse, okyku eshi moa á ka Ahogbrẽ!

2 MoaOkorinti 13:2

Ame e klo e tsi moare la a kpo odlobi ayga e da gimi, ta la moahwõ pyeŋ. Ame e sheŋ e lu lo omba ba ame e ba e kpre gimi e ka odgo oha. Ambo ohuhuhi, ame é bla alo é lu, okyku eshi ame e wo ogyugyuŋ ka la gimi. Omba ba ame é bla é ba, arekyeŋ á gro oshrom lo mbo ku-ku.

1 Etimoti 5:22

Aŋo o kpo omvro okyku o shki abgo boŋ eshri ba areyaŋ a mbo la a klo o kpo otum Adigi-odne mbo. Nga o kpo odlobi eka moahwõ a la a kpo mbo, ambo o kpaŋ eshri boŋ kyekye.

2 Etimoti 1:6

Okyku eka he ame e dzu ŋo, o si abgo o zga gble ta la okpogbu boŋ o hwiŋ okro ba Ahogbrẽ omba ba ame e shki ŋo abgo eshri.

MoaIbrani 6:9

Nga eka ba agi e lu ka la gimi akyegiazba ba adlidzi eka he a mbo, agi e fu esõ eha okyku gimi mbo. Agi e yi ba agimi e wo la owlama la o wo odzi o gre pyeŋ okyku oshla ba agimi e hwiŋ.

1 Ebitru 1:22

Nga ohuhuhi, agimi e sheŋ e nyuŋ eshri bimi e ndza ozhẽ ba okpaŋ adlidzi, nga agimi e dzu la oklo ba adlidzi okyku moanigimi la a bmi ba adlidzi a mbo. Okyku eka he nga agimi e la e klo egimi la esõ bimi pyeŋ.

1 Ebitru 2:11

Agimi akyemeazba, ame e vẽ gimi, agimi la e wo moa-zhẽ pa la moarehwĩ la a som ayi okyku ewu angyiŋ obiŋ hi! Agimi e bmi ta la okoklo ba egʼba mbo. Okoklo ba egʼba o la o kyku ebzu ta la okoklo ba esõ ombamba pyeŋ.

2 Ebitru 3:14

Okyku eka he agimi akyemeazba, eka ba agimi e la e dzu e bli Onda mi lo, e zga ayi ngre okyku o da gimi e kye shasha la akpukyeŋ egi ayi ba Ahogbrẽ mbo, nga okyku o da gimi e dzu opyapyaŋ ka la ŋa.

2 Ebitru 3:17

Ambo agimi akyemeazba, agimi e sheŋ e yi lo bgu. Agimi e kʼpu, okyku o da akpukyeŋ ba moarehwĩ la a yi odaŋ mbo a ngʼba gimi a sku ozhẽ mbo, nga okyku o da gimi e zgi okro ba odzudum ba agimi e tspi ma he e gbu obiŋ mbo.

2 Ebitru 3:8

Agimi akyemeazba, agimi e gre esõ akplo akyekyeŋ he lo e ghre mbo ku-ku! Ekplokyeŋ la e wo ondundum egi ayi ba Adigi-odne agʼbaha ba olum onda okyeŋ ta la eyi ezbi e wo ma mbo. Moaha he lo a wo okyekyeŋ angyiŋ ka la ŋa.

Eyahuda 1:5

Ame e yi ba agimi e sheŋ e yi ekployaŋ a mbo eshri lo, ambo ame e klo e dzu gimi eka ba Adigi-odne a se moarehwĩ ba Esrayila a sku obiŋ ba Amasla. Ambo ambla nga, a jygi moarehwĩ la a bmi ba adlidzi mbo eshki mo.