2 Ebitru 2:4 - Ohwihwim Olehe

⁴ Okyku eshi Ahogbrẽ a ka a dzu moanwyeadga la a kpo odlobi a mbo a zga mbo ku-ku. Ambo a shri mo a shri a ygi enzheovo. Ahe lo, moa a ta mo aslika a ygi evbu, nga moa a dzu a bli Olum onda ba Ombgu lo.

2 Ebitru 2:4 ပူးပေါင်းရင်းမြစ်များ

Amatiyu 25:41

Areŋ á nyuŋ moa la a wo obgoehre baŋ a lu mi le, Agimi e kyoŋ e sku me. Ahogbrẽ a sheŋ a ta anyuabi a ygi gimi bgu. Moa á shri gimi á ygi ovo ba gbagbu-amo moa a kpo a zga Eshitaŋ, pa la moanwyeadga baŋ.

Amatiyu 8:29

Omba ba moa a ka Eyesu nga moa a ta enzi angyangyeŋ, a lu mi le, Aŋo Anwye Ahogbrẽ o klo eshi ka la gi? Aŋo o ba okyku o kpo gi ewu ayga o da omba lo o kpo?

Amarku 5:7

A ta enzi angyangyeŋ a lu mi le, Eyesu Anwye Ahogbrẽ ba esesla aŋo o klo eshi pa la me? Ame e vẽ ŋo eshko ba Ahogbrẽ, o wo boŋ o bmi le, o kyu me abgo.

Oluka 10:18

Eyesu a tno mo ma a lu mi le, Ame e ka Eshitaŋ a mbo e gile e zgi ongyeŋ e ba obiŋ hi eka ayimom ba angyum-ogbu.

Oluka 8:31

Egbgabi lo e vẽ Eyesu okyku o daŋ a kyku mo, a da mo a yi a gre enzhe la e wo mgbyimgbyimgbyiŋ mbo.

Eyohana 8:44

Agimi e wo moanwye ba adigimi Eshi-taŋ, nga agimi e klo e kpo ekplo ba adigimi lo a klo. Okũ oriori, a wo are la a bga ebga. A bmi ta la adlidzi ondakyeŋ mbo, okyku ba adlidzi a wo ka la ŋa mbo. Omba baŋ a la a sheŋ akpro le, a la a kpo ekplo baŋ a sheŋ a bga ta la alo angyiŋ, okyku eshi aŋa angyiŋ a wo asheŋakpro, nga aŋa angyiŋ a wo adaŋ ba akpro mvye.

MoaOroma 11:21

Agimi e ka, Ahogbrẽ a dzu moaEyahuda la a wo esĩ ba embgu lo a zga mbo. Eka bimi e ka, o wo ba agimi e kpo eka moa a mbo a kpo le, á dzu gimi á zga?

MoaOroma 8:32

Aŋa a nyom gi Anwye baŋ mbo, ambo a shri Anwye baŋ a di okyku gi mvye! A shri Anwye baŋ a da gi, okyku eka he á shri ekployaŋ a mbo á da gi mbo?

2 Ebitru 2:11

Moanwyeadga ba Ahogbrẽ la a wo la oshye ta la ekʼpo a gre moare la a nye onyenye ba akpro, moa a la a hrẽ mo egi ayi ba Adigi-odne mbo.

2 Ebitru 2:5

Ahogbrẽ a ka a dzu obiŋ ba ogbyi lo a zga mbo ku-ku. Ambo a da ami a ba a shki moarehwĩ la a wo abi obiŋ hi lo, nga a shla Onuhu la a su odlodzi, pa la moarehwĩ afoha ahwõ sha.

2 Ebitru 2:9

Okyku eka he, Adigi-odne a yi eka baŋ a se moarehwĩ ba Ahogbrẽ a sku ewu ba moa a wo ma. Nga a sa a yi eka baŋ á shri ewu á zga ma okyku moarehwĩ ba odlobi Olum onda ba Ombgu lo.

1 Eyohana 3:8

Areyaŋ a mbo la a shri eshri baŋ a zga okyku o kpo odlobi le, a wo arehwĩ ba Eshitaŋ angyiŋ. Okyku eshi a zga okũ oriori, odlobi o dzu atsoŋ eda la e gbyi angyiŋ ta la Eshitaŋ. Anwye Ahogbrẽ a ba okyku o jygi etum ba Eshitaŋ angyiŋ.

Eyahuda 1:13

Moarehwĩ he lo a wo eka ondzami ba anyuŋ-ondzu la o wlu ayi o gre eshri. Moa a la a kpo ayakplo ba ototno la a wo eka afumvu ototno ba ami ba anyuŋ-ondzu. Moa a wo la anzi ma mbo. Moa a wo eka ba éyi enzo la e la e dzi wayawaya. Ahogbrẽ a sla okro la o wo evbu mgbyimgbyimgbyiŋ angyiŋ a shri a zga ma okyku mo.

Eyahuda 1:6

Agimi e tne aga eshri ba moanwyeadga ba ongyeŋ la a tspi okro ba ekʼpo mo e ygi ma sha mbo. Ambo moa a dzu okro moa a dzu ma a zga. Ahogbrẽ a sheŋ a klu mo a ta evbu ba obiŋ hi eshyẽ. Okro lo o hwĩ evbu o gre eshri. Moa a ta mo aslika la a shye nzenze, nga moa a dzu a bli Onda ba moa á sõ mo ombgu dne a mo.

Otsotsa 20:10

Ambla he nga Areabi la a bile mo, moa a vu ŋa a shri a ta enzheovo la e shum la ovo ma nzenze. Moa a sheŋ a shri ebyi la e wo ebi lo ta la arehwĩ la a sheŋ akpro ma Ahogbrẽ angyiŋ a hom ŋa otum a shri a ndba a ygi enzheovo he lo. Nga ahe lo moa á kpo mo ewu la olulum ta la okyukyku gbagbu gbagbu-amo.