2 Ebitru 2:2 - Ohwihwim Olehe

² Ambo ekakahelo a mbo, moare nzenze á dzu mo ezhẽ ba eshre nga okyku edgu ayakplo ba moa a la a kpo, moare á tsa Ozhẽ ba adlidzi atsa.

2 Ebitru 2:2 ပူးပေါင်းရင်းမြစ်များ

Amatiyu 22:16

Ambla he nga, moa a da moanwyeotum mo, pa la moa la a lu Ehirudu ma a gre okro Eyesu. Moa a zhĩ ŋa a lu mi le, Andakʼpo, agi e yi boŋ o wo are ba adlidzi angyiŋ, o la o nye moare adlidzi eshri odlo ba Ahogbrẽ. Nga aŋo o la o kpo eyli ayakplo ba moare a tne eshri lo mbo.

Amatiyu 24:24

Okyku eshi omba he lo moaEmisiya ba akpro pa la moarehwĩ la a ba a sheŋ akpro ma Ahogbrẽ angyiŋ a hom mo otum, moa á ba. Moa á kpo anyuŋ ayakplo la á ba a tsa ta la ayakplo ba egbregbre okyku o bile moarehwĩ ba Ahogbrẽ a sla, o wo moa a kpo a gbu le.

Amatiyu 7:14

Ozhẽ la o sõ o gre okro ba esõ, o fye kpate, nga o wo ewu o sosõ. Moare fi sha a la a sõ lo.

Amarku 12:14

Moa a ba okro baŋ a khwo nga, moa a zhĩ ŋa a lu mi le, Andakʼpo, agi e yi aŋo o wo are la a lu adlidzi angyiŋ. Aŋo o kpo eyli arekyeŋ mbo, nga aŋo o la o nye odlo Ahogbrẽ ba adlidzi baŋ a shri a ba okyku moare. O lu o da gi, ozhẽ Odaŋ bi o wo odzi moa a hre ewaŋ a da Ekeza Anyuŋ-areŋ le, o wo odzi mbo?

Amarku 13:22

Emisiya ba akpro é zgi nzenze, pa la moarehwi la á ba a sheŋ akpro ma Ahogbrẽ a hom mo otum. Moahi lo á kpo ayakplo egbregbre okyku o bile moarehwi ba Ahogbrẽ a sla.

Eyohana 14:6

Eyesu a tno ŋa ma a lu mi le, Ame angyiŋ e wo ozhẽ, ame angyiŋ e wo adlidzi, nga ame angyiŋ e wo eso. Arekyeŋ a sõ okrokyeŋ a yi okro Ada a gbu mbo, o wo le a sõ okro me dne.

Otum 13:10

Aŋo o wo anwye Eshitaŋ angyiŋ! Aŋo o wo afpu ekployaŋ a mbo la e wo edzi. Aŋo o wo la obile ma o gre eshri, nga aŋo o la o zga ngre okyku o zhiŋ adlidzi ba odlo Ahogbrẽ o da lo a dzu akpro.

Otum 14:2

Ambo moaEyahuda la a bmi ba adlidzi mbo a ghwo moa la a wo moaEyahuda mbo elom atuŋ nga a da mo a klo odlo pa la moanáŋ

Otum 16:17

Anwyeshe he lo a la a lu Oblus ka la gi ma, nga a la a ta akhi a lu mi le, Moarehwi hi, moa a wo moawaghrẽ ba Ahogbrẽ la a wo esesla a gre mvye! Moa a la a nyum oshpa a tsa gimi eka bimi é ba e hwiŋ oshla!

Otum 18:26

A lu odlo osheshye anwyeakulu moaEyahuda. Omba moa Ebriskila ta la Akila a gno odlo baŋ nga, moa a shri ŋa a gre odne nga moa a sla odlo Ahogbrẽ adzadzi a daŋ a ka.

Otum 19:9

Ambo moakyeŋ a shye eshri a gre eshri, okyku eka he moa a bmi ba adlidzi mbo. Moa a lu odlobi eshri Ozhẽ ba Adigi-odne egi ayi ba eshki mvye. Okyku eka he nga, Oblus pa la moa la a bmi ba adlidzi moa a zhiŋ ogbu nga a dzu mo a zga. Aŋa a la a kla odlo elulum pa la moare aku engla ba Etiranu.

Otum 22:4

Ame e kpo moa la a sõ ozhẽ he lo ewu nga e bga mo. Ame e vu moarealom pa la moashe nga e shri mo e ygi aku.

Otum 24:14

Ame e bmi ta la odlo he egi ayi boŋ. Ame e lu Ahogbrẽ moadigi ma, nga ame e la e sõ Ozhẽ moa a la a lu mi ma alo o wo o ba akpro. Nga ame e bmi ta la ekployaŋ a mbo moa a ta odaŋ ba Omusa, ta la akpekpa moarehwi ba Ahogbrẽ a hom mo otum.

MoaOroma 2:24

Akpa ba Ahogbrẽ a lu mi ma okyku gimi Eyahuda angyiŋ, moa la a wo moaEyahuda mbo a la a lu odlo ototno eshri ba Ahogbrẽ.

1 Etimoti 5:14

Okyku eka he, ame e ka alo o raŋ o gre ba ashe-eshaku la a yi a ra ola a kyu eŋa eble, okyku o daŋ a mbre moanwye nga a kpaŋ odne mo, okyku o da moafpu gi a hwiŋ ozhẽ a la a lu odlo ototno eshri bi mbo.

Etitu 2:5

Nga okyku o da mo a nyuŋ eshri mo a zga nga a dzu kye, okyku o da mo a dzu moashe la a kpaŋ odne adzadzi, nga okyku o da mo a tsi odlo moalalom mo a ghwo ayi, okyku o da moare a lu odlo ba ototno eshri ba oshpa ba Ahogbrẽ mbo.

Etitu 2:8

Aŋo o kpo otum la amgboŋ odu la o wo shasha, okyku o da moafpu ŋo a hwiŋ ekplokyeŋ ba ototno okyku olu-lu eshri bi mbo, nga o da mo a gbu anzi.

1 Ebitru 2:12

O raŋ o gre ba odzudzu bimi egi ayi moaevbu o wo shasha nzenze, okyku o da mo a tne aga edgu otum la o wo shasha ba agimi e kpo, omba ba moa a la a hrẽ gimi, ma agimi e la e kpo otum la o wo shasha mbo. Nga okyku o da mo a hlu Ahogbrẽ eshko Onda baŋ á ba.

2 Ebitru 2:12

Ambo moare he lo moa a la a kpo ayakplo okoklo ba egʼba sha angyiŋ eka ba ébyi ba akla, ba moa a mbre mo okyku o da mo a vu mo nga a bga. Moa a la a dzĩ ayakplo ba moa a ka lo a bmye mbo. Moa á bga mo eka ba ébyi ba akla ototno.

2 Ebitru 2:15

Moa a sheŋ a dzu ozhẽ la o wo kye a zga, nga moa a ta akpu ozhẽ lo. Moa a zhiŋ a sõ ozhẽ ba Abalam anwye ba Obosoro. Aŋa a klo amgbaŋ baŋ moa a hwiŋ lo ozhẽ ba o kpo ayakplobi.

2 Ebitru 2:18

Moa a la a lu odlo la ega, nga moa a lu odlo ba ototno. Nga moa a tsa moare okoklo eshre ba egʼba okyku o bile moare la a zga ngre nga a zgi eshki ba moarehwĩ ba odzudzu mo o wo eka lo mbo.

2 Ebitru 2:21

O raŋ o gre e mbi ba moa a dzu efĩ ozhẽ ba odlodzi o gre ba moa a yi lo a khwo nga, a sa a dzu ozhẽ ba odaŋ ba esesla ba moa a shri a da mo a zga!

2 Ebitru 2:7

Aŋa angyiŋ a shla Olotu la a wo arehwĩ ba odlodzi. Ambo edgu odzudzu ba eshre ba moarehwĩ la a yi odaŋ mbo e kpo ŋa ewu nzenze.

Eyahuda 1:10

Ambo moarehwĩ he, moa a dzĩ ayakplo ba moa a ka lo a bmye mbo. Nga ayakplo ba moa a yi la esõ ba okoklo ba egʼba, a da mo a dzu eka ba ébyi akla, ayakplo he lo angyiŋ a jygi mo.

Eyahuda 1:15

okyku o daŋ a sõ moarehwĩ pyeŋ ombgu. Nga á vu moarehwĩ ba odlobi la a kpaŋ odlo ba Ahogbrẽ mbo ombgu, okyku ayakplobi ba moa a kpo, ta la ekployaŋ a mbo la e wo shasha mbo ba moa edgu moarehwĩ he lo a lu eshri ba Ahogbrẽ!

Eyahuda 1:4

Okyku eshi moarehwĩ la a wo a ba Ahogbrẽ mbo, moa a ta adga shu a ba a gre agʼbaha bi, nga arekyeŋ a yi mbo. Nga moa a la a zhiŋ odlo ba okpoghwo ba Ahogbrẽ la egégŋe, okyku o da mo a hwiŋ anvaŋ a kpo ayakplo ba eshre ba moa a la a kpo. Nga, moa a tla Eyesu Ekristi. Aŋa sha angyiŋ a wo Are ba agi e wo abgo baŋ, nga aŋa sha angyiŋ a wo Adigi-odne. Ogbyigbyi Akpa ba Ahogbrẽ a sheŋ a lu odlo eshri ba ombgu ba moa á sõ mo edgu moare he lo.

Eyahuda 1:7

Agimi e tne aga eshri ba Osodom ta la Ogomora, ta la esku la e wo osusku ta la lo. Moarehwĩ ba ekro he lo moa a kpo eka ba moanwyeadga ba egbga a kpo. Moa a ta ekpa nga moa a kpo ayakplo la a wo shasha mbo. Okyku eka he, ewu mo angyiŋ e dzu ovo ba gbagbu-amo. Nga alo o kpo okyku o sa o nye moahwõ pyeŋ.

Otsotsa 12:9

Moa a se anyuŋ emabi lo a sku Ongyeŋ! Aŋa angyiŋ a wo atsoŋ emabi egagre. Moa a bzi ŋa ma Areabi o mbo le Eshitaŋ, aŋa angyiŋ a la a bile obiŋ hi pyeŋ. Moa a shri ŋa pa la moanwyeadga baŋ pyeŋ a shri a ndba a ta obiŋ.

Otsotsa 13:14

Ambla he nga e bile moarehwĩ la a dzu obiŋ hi pyeŋ la ayakplo ba egbregbre. Moa a bmi okyku o daŋ a kpo ayakplo ba egbregbre he lo egi ayi ba ebyi la e wo ebi ba ori. Ebyi he lo e da moarehwĩ ba obiŋ hi pyeŋ a mbdzi ambgu okyku o hlu ebyi ba moa a ta lo etsa la e ngro eshri la akõ, nga ba alo e kpu mbo, eshko.

Otsotsa 13:8

Nga moarehwĩ pyeŋ ba obiŋ hi ba moa a ta eshko mo akpa ba esõ mbo omba ba moa a ka a kpo obiŋ hi a mbo a wo mbo, moa á hlu ŋa eshko. Akpa ba esõ he lo a wo akpa ba Anwye Ekylu ba moa a bga ŋa.