2 Ebitru 2:18 - Ohwihwim Olehe

¹⁸ Moa a la a lu odlo la ega, nga moa a lu odlo ba ototno. Nga moa a tsa moare okoklo eshre ba egʼba okyku o bile moare la a zga ngre nga a zgi eshki ba moarehwĩ ba odzudzu mo o wo eka lo mbo.

2 Ebitru 2:18 ပူးပေါင်းရင်းမြစ်များ

Otum 2:40

Ebitru a nyum oshpa a ygi mo a khwo nga, a shĩ mo a lu mi le, Agimi e ghwo obiŋ okyku o da ewu moare á ba a kpo e tka gimi mbo!

Otum 8:9

Osku ba Asamariya lo, alomakyeŋ a wo ma, eshko baŋ e ri Esima. Alo a dga a dzu baŋ a zhiŋ moare eshri la agum baŋ a la a kpo. A sko eŋa a zga anyuŋ are angyiŋ osku he lo.

MoaOroma 13:13

O raŋ o gre bi e nyuŋ e dzu adzadzi, eka ba moarehwi la a yi ekplo moa a kpo. Agi e dzu eka moa la a wa ajige nga a kpo ayi mbo. Agi e dzu eka moa la a kpo eshre mbo. Agi e dzu eka moa la a kpo ayakplobi mbo. Agi e dzu eka moa la a klo ambgu nga a la a ta efpu ta la emo mbo.

MoAfisu 4:17

La eshko ba Adigi-odne angyiŋ ame e lu odlo he, nga ame e la e tspi gaŋ okyku lo. O dzu omgbybi ba agimi e dzu eka moaevbu ku-ku nga mbo. Aga mo a wo adzi ku-ku mbo.

2 MoaEtasolonika 2:4

Aŋa á tla ekployaŋ a mbo la e wo e ba Ahogbrẽ ta la ekployaŋ a mbo ba moa a la a hlu lo eshko. Aŋa á ka eŋa anyuanyuŋ a gre mo pyeŋ. Nga á yi á dzu Anyuŋ-akulu ba Ahogbrẽ nga á bzi eŋa Ahogbrẽ.

Eyakubu 5:5

Odzudzu bimi obiŋ hi, alo o bli la ognoraŋ nzenze. Agimi e vgi egimi e da gimi e gbrẽ, nga e dzu e bli olum onda ba moa á ba a bga gimi.

2 Ebitru 1:4

Ozhẽ he lo angyiŋ, a shri ohwihwim la o wo la owlama ta la ogagre, a shri a da gi. O wo bimi e yga ekplo baŋ a hwim okyku gimi e khwo nga le, e ngʼba e sku okoklo la o wo oyla ototno obiŋ hi, nga e ba e pu ibu odzudzu ba Ahogbrẽ.

2 Ebitru 2:14

Moa a la a klo o ka ekplokyeŋ ku-ku mbo, o wo le moashe ba eshre sha. Ogroayi mo okyku o kpo odlobi ó khwo mbo ku-ku. Moa a la a da moa la a wo oshye esõ mbo a gbu amgbaŋ. Moa a sheŋ a nye eda ba okayiogro esõ mo bgu. Moa a wo abgo ba ogbukyu ba Ahogbrẽ angyiŋ!

2 Ebitru 2:2

Ambo ekakahelo a mbo, moare nzenze á dzu mo ezhẽ ba eshre nga okyku edgu ayakplo ba moa a la a kpo, moare á tsa Ozhẽ ba adlidzi atsa.

2 Ebitru 2:20

Okyku eshi, o wo ba moarehwĩ a gro abgo ba ekʼpo ba ozhẽ ba eku ba obiŋ hi, ohe lo o kpo ozhẽ ba oyioyi ba Adigi-odne la a wo Areoshla bi Eyesu Ekristi, nga o wo ba moa a bla a vu mo, nga moa a kpo a gre mo, moa edgu moarehwĩ he lo, odzudzu mo o wo obi o gre eka ba omba ba moa a wo oriori.

2 Ebitru 2:7

Aŋa angyiŋ a shla Olotu la a wo arehwĩ ba odlodzi. Ambo edgu odzudzu ba eshre ba moarehwĩ la a yi odaŋ mbo e kpo ŋa ewu nzenze.

2 Ebitru 3:17

Ambo agimi akyemeazba, agimi e sheŋ e yi lo bgu. Agimi e kʼpu, okyku o da akpukyeŋ ba moarehwĩ la a yi odaŋ mbo a ngʼba gimi a sku ozhẽ mbo, nga okyku o da gimi e zgi okro ba odzudum ba agimi e tspi ma he e gbu obiŋ mbo.

Eyahuda 1:13

Moarehwĩ he lo a wo eka ondzami ba anyuŋ-ondzu la o wlu ayi o gre eshri. Moa a la a kpo ayakplo ba ototno la a wo eka afumvu ototno ba ami ba anyuŋ-ondzu. Moa a wo la anzi ma mbo. Moa a wo eka ba éyi enzo la e la e dzi wayawaya. Ahogbrẽ a sla okro la o wo evbu mgbyimgbyimgbyiŋ angyiŋ a shri a zga ma okyku mo.

Otsotsa 13:11

Ambla he nga ame e ka ebyi la e wo ebi ekyeŋ e sa e zgi obiŋ eshyẽ e ba. E wo la agzo aha ma. Agzo lo a wo eka ba agzo ba anwye ekylu, ambo e lu odlo eka ba emabi egagre lo.