2 Ebitru 2:14 - Ohwihwim Olehe

¹⁴ Moa a la a klo o ka ekplokyeŋ ku-ku mbo, o wo le moashe ba eshre sha. Ogroayi mo okyku o kpo odlobi ó khwo mbo ku-ku. Moa a la a da moa la a wo oshye esõ mbo a gbu amgbaŋ. Moa a sheŋ a nye eda ba okayiogro esõ mo bgu. Moa a wo abgo ba ogbukyu ba Ahogbrẽ angyiŋ!

2 Ebitru 2:14 ပူးပေါင်းရင်းမြစ်များ

Amatiyu 12:34

Agimi emabi, agimi e kpo anyu é ba e lu odlodzi, okyku eshi agimi e wo moare ba odlobi angyiŋ? Okyku eshi anyu a la a lu ekplo la e wo esõ angyiŋ e ba edzi.

Amatiyu 23:14

A ba eshri bimi la e nye odaŋ, ta la agimi Efarisi. Agimi la e bile moare! Agimi e la e ngʼga moashe-eshaku anzho adne mo. Ambla he nga agimi e fa olu odzodzõ egi ayi moarehwĩ. Okyku eka he, egbre bimi é vu olo ngre é gre!]

Amatiyu 25:41

Areŋ á nyuŋ moa la a wo obgoehre baŋ a lu mi le, Agimi e kyoŋ e sku me. Ahogbrẽ a sheŋ a ta anyuabi a ygi gimi bgu. Moa á shri gimi á ygi ovo ba gbagbu-amo moa a kpo a zga Eshitaŋ, pa la moanwyeadga baŋ.

Amatiyu 5:28

Ambo ame e lu e da gimi, areyaŋ a mbo la a ka ashe nga a gro ayi baŋ le, aŋa a ri eshra ka la ŋa esõ baŋ.

Amarku 13:22

Emisiya ba akpro é zgi nzenze, pa la moarehwi la á ba a sheŋ akpro ma Ahogbrẽ a hom mo otum. Moahi lo á kpo ayakplo egbregbre okyku o bile moarehwi ba Ahogbrẽ a sla.

Eyohana 5:44

Agimi e la e klo e hlu egimi eshko, ambo agimi e klo baŋ akyakyeŋ la a wo Ahogbrẽ angyiŋ a tsom gimi mbo. Agimi é kpo anyu é ba e bmi ba adlidzi?

MoaOroma 16:18

Okyku eshi moa la a kpo eka he lo, moa a la a lu Ekristi Adigi-odne angyiŋ e ma mbo, ambo moa a lu eshri emo angyiŋ. Moa a la a lu arareŋ odlo nga moa a la a bile moarehwi la a wo la adlidzi ma.

1 MoaOkorinti 11:19

Ambo o wo ekplokyeŋ ba o fu eha mbo. Ogagʼba o wo agʼbaha bimi, okyku o da mo a yi moa la a wo shasha zhezheŋ.

MoAfisu 2:3

Ambo ayga, agi pyeŋ e wo eka mo angyiŋ, nga agi e dzu la okoklo bi ba egʼba. Nga agi e kpo ekployaŋ a mbo ba egʼba ta la aga bi e klo. Nga alo o dzu ba Ahogbrẽ á kpo gi pyeŋ ewu eka baŋ a kpo areyaŋ a mbo ewu.

MoAfisu 4:14

Omba he lo nga agi é dzu eka moanwye ba ogbga ba onyenye ba moarehwĩ la a la a bile moare angyiŋ o la o kaŋ mo ayi wayawaya nga mbo. Onyenye he lo o la o da moare a la a ta akpu okyku edgu eda ebi ba obile ba moa a la a kpo.

MoaOkolosi 2:18

Are la a wo la okoka ba edguayakplokyeŋ, nga baŋ a la a tspi gaŋ la opresõ-obiŋ ba akpro, nga a la a hlu moanwyeadga ba Ahogbrẽ eshko, edgu are he lo a la a ka eŋa la ekʼpo a gre moahwõ okyku ohe lo. Agimi e daŋ a sõ gimi ombgu mbo ku-ku. Edgu are he lo a la a nyom egʼba ba ototno, okyku edgu aga ba arehwĩ la a wo esõ baŋ.

Eyakubu 1:8

okyku eshi aŋa a la a fu eha ekployaŋ a mbo baŋ a kpo.

2 Ebitru 2:18

Moa a la a lu odlo la ega, nga moa a lu odlo ba ototno. Nga moa a tsa moare okoklo eshre ba egʼba okyku o bile moare la a zga ngre nga a zgi eshki ba moarehwĩ ba odzudzu mo o wo eka lo mbo.

2 Ebitru 2:3

Nga okyku ohwlayi mo, moa la a nye onyenye ba akpro lo, moa á hwiŋ ohwihwiŋ okyku oshpa ba ototno ba moa a kpo, nga a lu ka la gimi. Omba o dga nzenze ba are la a sõ mo ombgu a la a dzu a bli mo. Nga omba o dga nzenze ba are la a jygi mo lo a la a dzu a kʼpu!

2 Ebitru 3:16

A kpo eka he lo angyiŋ akpekpa pyeŋ baŋ a ta odlo he lo ma. Ayakplo abze a wo ewu akpekpa baŋ lo, nga moare la a wo la evbueshri, pa la moare la a wo kyekye mbo, moa a la a zhiŋ lo la egegŋe ototno, eka ba moa a la a kpo ta la oshpayakplo nzenze Akpa ba Ahogbrẽ, nga moa a tpi emo ayi.

1 Eyohana 2:16

Ekployaŋ a mbo la e wo e ba obiŋ hi e wo ekplo ba are ba odlobi a la a klo, nga ayakplo ba moarehwĩ a la a ka nga, a la a klo, ta la ekployaŋ a mbo ba moarehwĩ a la a nyom egʼba okyku lo obiŋ hi. Ekplokyeŋ eshki ayakplo he lo e zgi okro ba Ada e ba mbo. Alo pyeŋ a zgi obiŋ hi lo a ba.

Eyahuda 1:11

O wo ekplo ayiekŋe pa la mo o gre eshri! Moa a sõ ozhẽ ba Akayinu a sõ. Moa a shri eshri mo a zga okyku o kpo ayakplobi okyku amgbaŋ eka ba Abalam a kpo. Moa a bga mo okyku ba moa a shye eshri, eka ba Okora a mbo a shye eshri.

Otsotsa 12:9

Moa a se anyuŋ emabi lo a sku Ongyeŋ! Aŋa angyiŋ a wo atsoŋ emabi egagre. Moa a bzi ŋa ma Areabi o mbo le Eshitaŋ, aŋa angyiŋ a la a bile obiŋ hi pyeŋ. Moa a shri ŋa pa la moanwyeadga baŋ pyeŋ a shri a ndba a ta obiŋ.