2 Ebitru 2:10 - Ohwihwim Olehe

¹⁰ Ombgu o wo ma zhezheŋ okyku moarehwĩ la a klo ayakplo ba eshre ba egʼba, nga moa a la a dzĩ ekʼpo ba Ahogbrẽ. Moa la a nye onyenye ba akpro he lo, moa a shpi esõ nga moa a la a hre egʼba. Nga moa a la a ka olbi ba ama ba esesla la a wo ongyeŋ mbo. Ambo moa a dzĩ lo a sku.

2 Ebitru 2:10 ပူးပေါင်းရင်းမြစ်များ

Oluka 11:25

Ambla he nga ogbgabi lo o bla o gre odne nga o hwiŋ ekployaŋ a mbo ma pyapyapyaŋ.

Oluka 19:14

Moare obiŋ ba andakʼpo he lo a klo ŋa mbo. Okyku eka he, ambla baŋ a sheŋ a gre a khwo nga, moa a hom otum a lu ŋa okũ a lu mi le, Agi e klo boŋ o dzu areŋ bi mbo.

Otum 23:5

Oblus a tno mo ma a lu mi le, Agimi anáŋ, ame e yi baŋ a wo anyuŋ-andakʼpo olu ba Ahogbrẽ mbo. Akpa Ahogbrẽ a lu mi le, Arekyeŋ a lu odlobi eshri are la a ri ekʼpo pa la moare bimi mbo.

MoaOroma 8:1

Ohuhuhi, ombgu ó bga arekyeŋ la a kŋe a bga pa la Ekristi Eyesu mbo,

1 MoaOkorinti 6:9

Adlidzi angyiŋ, agimi e yi zhe-zheŋ ba moarehwi ba odlobi á ba a yi Oreŋ ba Ahogbrẽ mbo mbo? Agimi e bile egimi mbo, okyku eshi moarehwi la a la a kpo ayakplo ba eshre, nga a la a kpo ololo, nga a la a ri eshra, nga a klo moarealom,

2 MoaOkorinti 10:3

O wo adlidzi angyiŋ ba agi e wo obiŋ hi lo, ambo agi e la e ta eko la aga ba obiŋ hi angyiŋ mbo.

MoAfisu 4:19

Moa a wo la aga ba anzi ma ku-ku mbo. Moa a la a shri eshri mo a la a di okyku o kpo ayakplobi, nga moa a la a kpo edgu ayakployaŋ a mbo la a wo eka lo mbo, nga ekplokyeŋ e kpo mo ewu esõ mbo.

MoAfisu 5:5

O dzu mbo agimi e sheŋ e yi odlo he lo zhezheŋ ba areyaŋ a mbo la a wo la eshre nga a la a kpo ayakplo la a wo eka lo mbo, nga a la a kpo oriayi, á hwiŋ egbrekyeŋ Oreŋ ba Ekristi ta la Ahogbrẽ mbo. Oriayi o wo otum ba o hlu okpko eshko angyiŋ.

MoaOkolosi 3:5

O dzu omgbybi ba agimi e bga okoklo ba anzho ba obiŋ hi la a la a kpo otum esõ bimi. Edgu ayakplo he lo a wo ayakplo ba eshre ta la ayakplo la a wo eka lo mbo, ta la okayiogro, ta la ekhwo ba ayakplo la a wo abi, ta la oriayi. Oriayi o wo eka moa a hlu okpko eshko angyiŋ.

1 MoaEtasolonika 4:7

Ahogbrẽ a bzi gi okyku o da gi e ba e dzu la odzudzu ba eshre angyiŋ mbo, ambo okyku o da gi e ba e dzu la odzudzu ba esesla.

2 Etimoti 3:2

Okyku eshi moare á klo eshri, nga moa á kpo ogroayi, nga moa á nyom egʼba, nga moa á sko emo á zga eka moa a yi ayakplo nzenze. Nga moa á dzĩ moare, nga moa á fa olbi á da moadimo mbo. Moa á vye la ekplokyeŋ mbo ku-ku, nga moa á sko ozhẽ ba Ahogbrẽ á zga akplokyeŋ mbo.

Etitu 1:7

Otum ba Ahogbrẽ o wo abgo baŋ angyiŋ, okyku eka he lo o raŋ o gre baŋ a tspi shasha nga a dzu are la a shye eshri mbo, nga a kpo olom shoshoŋ mbo, nga a dzu are la a wa ami anab nzenze mbo. O raŋ o gre baŋ a wo are la esõ khakha mbo, nga a dzu are la a kpo oriayi mbo.

MoaIbrani 13:4

Areyaŋ a mbo a ka eble la ololbi. O dzu omgbybi ba moarealom pa la moashe, moa a kpo adlidzi ta la emo, okyku eshi Ahogbrẽ á sõ moa la a wo eshre pa la moa la a ta ekpa ombgu.

2 Ebitru 3:3

Ekplo ba oriori, o raŋ o gre ba agimi e ka e bmye eka ba moakyeŋ á ba a ba omba ba amom-abgo. Okoklo ba egʼba angyiŋ ó ba o ri ekʼpo pa la moare he lo. Moa á lu ega á ygi gimi.

Eyahuda 1:10

Ambo moarehwĩ he, moa a dzĩ ayakplo ba moa a ka lo a bmye mbo. Nga ayakplo ba moa a yi la esõ ba okoklo ba egʼba, a da mo a dzu eka ba ébyi akla, ayakplo he lo angyiŋ a jygi mo.

Eyahuda 1:16

Moarehwĩ he lo a nyi agla ombamba pyeŋ, nga moa a hrẽ moahwõ. Moa a la a klo ayakplo ba ekhwo ba egʼba, ba moa a la a gno oraŋ ta la lo sha. Moa a la a nyom egʼba ta la emo, nga moa a la a tsom moahwõ okyku o da mo a hwiŋ anvaŋ o kpo ekplo ba moa a klo.

Eyahuda 1:18

Moa a lu ka la gimi a lu mi le, Omba ba amom-abgo o ba bgu le, moare la á ba a lu ega á ygi gimi moa á ba. Edgu moarehwĩ he lo moa á kpo ayakplobi ba esõ mo e klo angyiŋ.

Eyahuda 1:4

Okyku eshi moarehwĩ la a wo a ba Ahogbrẽ mbo, moa a ta adga shu a ba a gre agʼbaha bi, nga arekyeŋ a yi mbo. Nga moa a la a zhiŋ odlo ba okpoghwo ba Ahogbrẽ la egégŋe, okyku o da mo a hwiŋ anvaŋ a kpo ayakplo ba eshre ba moa a la a kpo. Nga, moa a tla Eyesu Ekristi. Aŋa sha angyiŋ a wo Are ba agi e wo abgo baŋ, nga aŋa sha angyiŋ a wo Adigi-odne. Ogbyigbyi Akpa ba Ahogbrẽ a sheŋ a lu odlo eshri ba ombgu ba moa á sõ mo edgu moare he lo.