2 Ebitru 2:1 - Ohwihwim Olehe

¹ Moare la a sheŋ akpro ma Ahogbrẽ angyiŋ a hom mo otum, a zgi eshki moare ayga, ekakahelo angyiŋ, moare la a nye onyenye ba akpro á ba a zgi eshki bimi. Moa á nye onyenye la o wo oyla, ta la onyenye ba akpro nga, moa á dzu evom ba Adigi-odne la a shla mo, nga moa á jygi oshoshoŋ okyku lo.

2 Ebitru 2:1 ပူးပေါင်းရင်းမြစ်များ

Amatiyu 10:33

Ambo areyaŋ a mbo la a kpo evom me egi ayi moare, ame a mbo é kpo evom baŋ egi ayi ba Adugu la a wo Ongyeŋ.

Amatiyu 24:11

Moare nzenze la á ba a sheŋ akpro ma Ahogbrẽ angyiŋ a hom mo otum, moa á zgi, nga moa á bile moare nzenze.

Amatiyu 24:24

Okyku eshi omba he lo moaEmisiya ba akpro pa la moarehwĩ la a ba a sheŋ akpro ma Ahogbrẽ angyiŋ a hom mo otum, moa á ba. Moa á kpo anyuŋ ayakplo la á ba a tsa ta la ayakplo ba egbregbre okyku o bile moarehwĩ ba Ahogbrẽ a sla, o wo moa a kpo a gbu le.

Amatiyu 24:5

Okyku eshi moare nzenze, moa á ba eshko me, nga moa á lu mi le, Ame e wo Emisiya! Nga moa á bile moare nzenze.

Amatiyu 7:15

Agimi e nyuŋ e kpo-kpo pa la moarehwĩ la a la a sheŋ akpro, ma Ahogbrẽ angyiŋ a hom mo otum. Moa á ba okro bimi la akpa ba ekylu egi edzi, ambo moa a wo ebuakam angyiŋ egi eshyẽ.

Amarku 13:22

Emisiya ba akpro é zgi nzenze, pa la moarehwi la á ba a sheŋ akpro ma Ahogbrẽ a hom mo otum. Moahi lo á kpo ayakplo egbregbre okyku o bile moarehwi ba Ahogbrẽ a sla.

Oluka 12:9

Nga areyaŋ a mbo la a dzu evom me egi ayi moarehwi le, Anwye Arehwĩ a mbo á dzu evom are he lo egi ayi moanwyeadga ba Ahogbrẽ.

Oluka 21:8

Eyesu a tno mo ma a lu mi le, Agimi e nyuŋ e ka, okyku o da mo a bile gimi mbo. Okyku eshi moare nzenze á ba eshko me nga á lu mi le, Ame angyiŋ e wo Emisiya, nga le, Omba lo o kpo. Agimi e bmi pa la moare edgu he lo mbo.

Oluka 6:26

Ekplo ayiekŋe, omba ba moare a la a tsom gimi, okyku eshi moadimo a mbo a kpo ekakahelo angyiŋ pa la moarehwi la a sheŋ akpro ma Ahogbrẽ angyiŋ a hom mo otum.

MoaOroma 16:18

Okyku eshi moa la a kpo eka he lo, moa a la a lu Ekristi Adigi-odne angyiŋ e ma mbo, ambo moa a lu eshri emo angyiŋ. Moa a la a lu arareŋ odlo nga moa a la a bile moarehwi la a wo la adlidzi ma.

1 MoaOkorinti 11:19

Ambo o wo ekplokyeŋ ba o fu eha mbo. Ogagʼba o wo agʼbaha bimi, okyku o da mo a yi moa la a wo shasha zhezheŋ.

1 MoaOkorinti 6:20

Aŋa a gbmo gimi la ekplo la e wo la egbmo nzenze, okyku eka he agimi e shri egʼba bimi e kpo otum okyku o hlu Ahogbrẽ eshko.

1 MoaOkorinti 7:23

Ahogbrẽ a gbmo gimi la ekplo la e wo la egbmo nzenze. Okyku eka he, agimi e dzu moawaghrẽ ba arekyeŋ ku-ku mbo.

MoaEgalasiya 2:4

Ambo moarekyeŋ la a ba la obile ma moa a wo moanáŋ angyiŋ, moa a gre a ba eshki lo. Moa a klo o sheŋ ŋa ongyum. Moare he lo a ba eka moare la a kpre okro a ka angyiŋ, moa a ba okyku o yi edgu odzudum ba agi e wo la alo ma okyku okŋeobga bi e wo la alo ma ta la Ekristi Eyesu. Moa a klo bi e dzu moawaghrẽ sha.

MoaEgalasiya 3:13

Ambo Ekristi a sko ogbukyu bi, nga ozhẽ he lo angyiŋ a shla gi abgo ba ogbukyu ba odaŋ o shri o ba. Odlo ba Ahogbrẽ o sa o lu mi le, Areyaŋ a mbo moa a gŋe ŋa egŋe ki, a wo are ba moa a ta ogbukyu a daŋ angyiŋ.

MoaEgalasiya 4:17

Moahwõ mi lo, moa a tsa gimi oklo a gre eshri. Ambo aga mo a wo adzi mbo ku-ku. Moa a klo o ngʼba gimi o sku me nga o khwo, okyku o da gimi e ka mo eka ba moa a la a ka gimi.

MoaEgalasiya 5:20

o hlu okpko eshko, ta la o hlu ololo eshko. Moare a zhiŋ a dzu moafpu, moa a la a klo ambgu, nga a ta efpu, nga a kpo olom. Moa a la a gʼba emo a zga egagʼba ta la eshishki.

MoAfisu 1:7

Okyku eshi ibu eku ba Ekristi angyiŋ moa a shri odzudum a shri a da gi, nga Ahogbrẽ a kyu gi abgo odlobi bi. Okpoghwo ba Ahogbrẽ o gre eshri!

MoAfisu 4:14

Omba he lo nga agi é dzu eka moanwye ba ogbga ba onyenye ba moarehwĩ la a la a bile moare angyiŋ o la o kaŋ mo ayi wayawaya nga mbo. Onyenye he lo o la o da moare a la a ta akpu okyku edgu eda ebi ba obile ba moa a la a kpo.

MoaEfilibi 3:19

Eygi mo e wo enzhe ba ovo angyiŋ. Okyku eshi ahogbrẽ mo angyiŋ a dzu okoklo ba egʼba. Moa a la a nyom egʼba ta la ayakplo e mbi ba alo o raŋ o gre ba moa a kpo anzi okyku lo. Nga moa a tne aga ayakplo ba obiŋ hi sha.

MoaOkolosi 2:18

Are la a wo la okoka ba edguayakplokyeŋ, nga baŋ a la a tspi gaŋ la opresõ-obiŋ ba akpro, nga a la a hlu moanwyeadga ba Ahogbrẽ eshko, edgu are he lo a la a ka eŋa la ekʼpo a gre moahwõ okyku ohe lo. Agimi e daŋ a sõ gimi ombgu mbo ku-ku. Edgu are he lo a la a nyom egʼba ba ototno, okyku edgu aga ba arehwĩ la a wo esõ baŋ.

MoaOkolosi 2:8

Agimi nga e la e nyuŋ e kpo-kpo okyku o da arekyeŋ a vu gimi a ghwo ewu okyku okaobmye ba arehwĩ ta la obile ba ototno mbo. Okũ ohe lo o wo ibu onyenye ba moarehwĩ a la a dzu o nyiŋ lo abgo ototno angyiŋ, ta la egbga ba obiŋ hi la e ri ekʼpo. Okũ lo o wo okro ba Ekristi angyiŋ mbo.

1 Etimoti 5:8

Ambo o wo ba arekyeŋ a la a kpo a ghwo la moa ba ogu baŋ mbo le, nga a kpo a ghwo la moa-odne baŋ a mbo mbo le, o dzu eka baŋ a tla odlo ba Ahogbrẽ angyiŋ, nga a wo abi a sa a gre are la a ka a bmi ba adlidzi mbo ku-ku.

2 Etimoti 4:3

O ka, omba o yi ó ba, ba moare ba á bmi ta la onyenye ba adlidzi mbo, nga moa á kpo ayakplo ba esõ mo e klo sha, nga moa á pla moa la a nye moare á shki emo ombamba pyeŋ. Moare he lo a la á nye mo ayakplo moa a klo, la a raŋ mo esõ.

Etitu 1:11

O dzu omgbybi ba moa a tspi mo la edgu odlo he lo, okyku eshi moa a la a shoŋ moa-odne mvye egʼba la edgu onyenye la o wo ozhẽ mbo. Moa a la a kpo ekplo anzi he lo okyku o da mo a hwiŋ amgbaŋ.

Etitu 3:10

Engyi eha aŋo o shĩ are la a shri ogogʼba a shri a ba. Ambla he nga, aŋo o ngʼba o sku ŋa.

MoaIbrani 10:29

Moa á kpo eshi ta la are la a dzĩ Anwye Ahogbrẽ? Moa á kpo eshi ta la are la a sko amanzhli ba ohwihwim ba Ahogbrẽ a zga akplokyeŋ ba esesla mbo? O ka, amanzhli he lo angyiŋ a ndza ŋa a daŋ a dzu pse. Are la a dzĩ Ogbgaodzi la o kpo o ghwo, moa á kpo ŋa eshi? Agimi e tne aga edgu anyuŋ ewu baŋ á kpo e ka!

1 Ebitru 1:8

Agimi e ka ŋa e ka mbo, ambo ekakahelo agimi e la e klo ŋa. Agimi e ka ŋa ohuhuhi mbo, ambo ekakahelo agimi e la e bmi ba adlidzi ka la ŋa. Okyku eka he agimi e la e kpo ovye la edgu ovye la o wo nzenze. Edgu ovye he lo, anyu a kpo a gbu ba alo a lu eka ba ovye lo o wo mbo,

2 Ebitru 2:3

Nga okyku ohwlayi mo, moa la a nye onyenye ba akpro lo, moa á hwiŋ ohwihwiŋ okyku oshpa ba ototno ba moa a kpo, nga a lu ka la gimi. Omba o dga nzenze ba are la a sõ mo ombgu a la a dzu a bli mo. Nga omba o dga nzenze ba are la a jygi mo lo a la a dzu a kʼpu!

1 Eyohana 2:26

Ame e ta gimi oshpa he lo eshri moarehwĩ la a klo o bile gimi.

1 Eyohana 4:1

Agimi akyemeazba, agimi e bmi e da arekyeŋ la a lu ma aŋa a wo la Ogbgaodzi ma mbo. Ambo agimi e mbga mo e ka okyku o da gimi e yi o wo ba ogbga lo o wo Ogbga ba Ahogbrẽ angyiŋ. Okyku eshi moarehwĩ la a la a sheŋ akpro ma Ahogbrẽ angyiŋ a hom mo otum moa a ngla a bli okro a gre eshri.

Eyahuda 1:18

Moa a lu ka la gimi a lu mi le, Omba ba amom-abgo o ba bgu le, moare la á ba a lu ega á ygi gimi moa á ba. Edgu moarehwĩ he lo moa á kpo ayakplobi ba esõ mo e klo angyiŋ.

Eyahuda 1:4

Okyku eshi moarehwĩ la a wo a ba Ahogbrẽ mbo, moa a ta adga shu a ba a gre agʼbaha bi, nga arekyeŋ a yi mbo. Nga moa a la a zhiŋ odlo ba okpoghwo ba Ahogbrẽ la egégŋe, okyku o da mo a hwiŋ anvaŋ a kpo ayakplo ba eshre ba moa a la a kpo. Nga, moa a tla Eyesu Ekristi. Aŋa sha angyiŋ a wo Are ba agi e wo abgo baŋ, nga aŋa sha angyiŋ a wo Adigi-odne. Ogbyigbyi Akpa ba Ahogbrẽ a sheŋ a lu odlo eshri ba ombgu ba moa á sõ mo edgu moare he lo.

Otsotsa 13:14

Ambla he nga e bile moarehwĩ la a dzu obiŋ hi pyeŋ la ayakplo ba egbregbre. Moa a bmi okyku o daŋ a kpo ayakplo ba egbregbre he lo egi ayi ba ebyi la e wo ebi ba ori. Ebyi he lo e da moarehwĩ ba obiŋ hi pyeŋ a mbdzi ambgu okyku o hlu ebyi ba moa a ta lo etsa la e ngro eshri la akõ, nga ba alo e kpu mbo, eshko.

Otsotsa 2:13

A lu mi le, Ame e yi okro boŋ o dzu ma. Ibu he lo angyiŋ, emgbakyiŋ oreŋ ba Eshitaŋ e wo ma. Aŋo o kpo adlidzi pa la me, nga o ndba obmi ba adlidzi boŋ o bmi pa la me o ta a bi mbo omba ba moa a bga Antipa okro ba Eshitaŋ e dzu ma. Antipa a wo are la a zgi egŋe me la adlidzi angyiŋ.

Otsotsa 2:9

A lu mi le, Ame e yi ewu boŋ, nga ame e yi boŋ o wo la ekŋe ma. Ambo egyagi a mbo, aŋo o wo are ba angyiŋ angyiŋ! Ame e yi edgu ayakplo ba ototno ba edgu moarehwĩ la a la a bzi emo ma moaEyahuda, a lu eshri bimi. Ambo moa a wo moaEyahuda angyiŋ mbo. Moa a wo eshki ba moarehwĩ ba Eshitaŋ angyiŋ!

Otsotsa 3:8

A lu mi le, Ame e yi ayakplo boŋ o la o kpo. Nga ame e yi boŋ o wo la oshye ma nzenze mbo. Nga aŋo o la o kpaŋ onyenye me, nga o la o kpo adlidzi pa la me. Ame e sheŋ e hwile ayizhẽ e zga egi ayi boŋ. Are-kyeŋ a kpo a gbu baŋ a shki lo mbo ku-ku.

Otsotsa 5:9

Moa a fu abmo alahe a lu mi le, Aŋo o tse ma boŋ o sko ashye akpa lo, Nga boŋ o ngʼga onono. Okyku eshi moa a bga ŋo, nga ibu ba eku boŋ o kpu he lo angyiŋ, Aŋo o gbmo moarehwĩ okyku Ahogbrẽ. Moarehwĩ he lo a zgi embreyaŋ a mbo, ta la olomyaŋ a mbo, ta la obiŋyaŋ a mbo.

Otsotsa 6:10

Moa a lu odlo la enzi egagre a lu mi le, Adigi-odne la a wo ekʼpo pyeŋ, aŋo o wo la esesla pa la adlidzi ma! Ombayaŋ aŋo ó ba o sõ moarehwĩ ba obiŋ hi ombgu, nga ó ba o kpo mo ekŋe okyku ba moa a bga gi?