2 Ebitru 1:9 - Ohwihwim Olehe

⁹ Ambo are la a wo la ayakplo he lo mbo le, ayi baŋ a wo oshye ba o ka okro mbo, nga are he lo á gre esõ a ghre ba moa a kyu ŋa abgo odlobi baŋ a kpo ayga.

2 Ebitru 1:9 ပူးပေါင်းရင်းမြစ်များ

Amarku 10:21

Eyesu a ka ŋa la eyayi ba oklo nga a nyuŋ ŋa a lu mi le, Ekplokyekyeŋ e ra ohuhuhi boŋ o bli lo, o yi o shri angyiŋ boŋ o wo alo ma mvye o gbmo, nga o shri amgbaŋ lo o gʼba moaekŋe, okyku eshi aŋo ó hwiŋ angyiŋ Ongyeŋ, nga o ba o lu me ma.

Oluka 18:22

Ambla ba Eyesu a gno eka he nga, a nyuŋ ŋa a lu mi le, Ekplo ekyeŋ e yi e ra boŋ o kpo. O yi o shri ekployaŋ a mbo boŋ o wo la alo ma o shri o gbmo nga o shri amgbaŋ lo o gʼba moaekŋe, aŋo ó hwiŋ angyiŋ Ongyeŋ, nga o ba o lu me ma.

MoaOroma 6:11

O raŋ o gre bimi e tne aga eka bimi e kpu okyku odlobi, ambo e sa e dzu ma okyku Ahogbrẽ okŋeobga ta la Ekristi Eyesu.

MoaEgalasiya 5:13

Agimi anáŋ, moa a bzi gimi okyku o da gimi e hwiŋ odzudum angyiŋ. Ambo agimi e da ozhẽ he lo o dzu ekplo ba agimi é ba e da ogroayi ba egʼba o ri ekʼpo eshri bimi mbo. Ambo agimi e bmi e da oklo o da gimi e kpo e ghwo la egimi.

MoaEgalasiya 5:6

Okyku eshi, omba ba agi e wo okŋeobga ta la Ekristi Eyesu, osheŋongyum, ta la osheŋongyum mbo, alo o shri ondun-dumokyeŋ o shri o ba mbo ku-ku. Ekplo la e wo edzi, e wo obmi ba adlidzi la o la o kpo otum ozhẽ ba oklo sha angyiŋ.

MoAfisu 5:26

A kpo ohe lo okyku o shri Eklisiya o zga okyku Ahogbrẽ angyiŋ, ambla baŋ a ndza lo la odlo baŋ,

Etitu 2:14

A shri eshri baŋ a di okyku gi, okyku o shla gi abgo odlobi pyeŋ nga okyku o zhiŋ gi o zga moarehwĩ la a wo kye. Moahi lo a wo a baŋ angyiŋ, nga moa a la a gno oraŋ o kpo ayakplo la a wo adzi.

MoaIbrani 9:14

Okyku ozhẽ he lo o wo adlidzi angyiŋ, ozhẽ ba amanzhli ba Ekristi nga a kpo ekplo la e gre eka he nzenze! Ozhẽ ba Ogbgaodzi ba gbagbu-amo, Ekristi a shri eŋa a ndba Ahogbrẽ eka oshriondba la o bli angyiŋ. Amanzhli baŋ nga á sko enzi ba esõ bi á sku otum ba ototno, okyku o da gi e hlu Ahogbrẽ la a wo la esõ ma angyiŋ eshko.

1 Ebitru 3:21

Amihĩ lo a wo ekplo la e wo egŋe ba abaptisma, nga alo angyiŋ a shla gimi ohuhuhi. Ohe lo o kpo ozhẽ ba agimi e ndza erum ba egʼba bimi angyiŋ mbo, ambo ozhẽ ba ohwihwim ba agimi e hwim la enzi ba esõ la e wo edzi ta la Ahogbrẽ. Ozhẽ ba oksongybi ba Eyesu Ekristi he lo angyiŋ, abaptisma a shri oshla a shri a da gimi.

1 Eyohana 1:7

Ambo o wo ba agi e la e dzu ayimom eka baŋ a mbo a la a dzu ayimom le, agi e wo la ekpom ta la egi, nga amanzhli ba Eyesu la a wo Anwye baŋ angyiŋ a la a ndza odlobi bi pyeŋ nga á da gi e lom pse.

Otsotsa 3:17

Aŋo o lu mi le, Ame e wo la angyiŋ ma nga ame e wo anzho ma fkatka, nga ame e wo la ekployaŋ a mbo ba ame e klo. Ambo aŋo o yi boŋ o wo la esõ-ongʼba esõ boŋ nga boŋ o wo ayiekŋe mbo! Aŋo o wo ekŋe ototno, nga aŋo o wo ososo angyiŋ, nga aŋo o wo avgayi.