2 Ebitru 1:7 - Ohwihwim Olehe

⁷ Nga okyku o da oklo moanáŋ o sa o ta ma la odzudzu la o raŋ Ahogbrẽ esõ. Nga okyku o da oklo o sa o ta ma la oklo moanáŋ.

2 Ebitru 1:7 ပူးပေါင်းရင်းမြစ်များ

MoaOroma 12:10

Agimi e klo egimi adzadzi okyku eshi agimi e wo moanáŋ angyiŋ eshko ba Ekristi, nga agimi e la e fa olbi e da egimi la oklo.

MoaEgalasiya 6:10

Okyku eka he, ombayaŋ a mbo ba agi e wo la anvaŋ ma le, e kpo e ghwo la areyaŋ a mbo, ambo, o raŋ o gre ba agi e kpo e ghwo la moa la a wo moanigi ozhẽ obmi ba adlidzi e gre.

MoaOkolosi 3:14

Ekplo la e bre e gre pyeŋ, moa a shri a ta ma, e wo oklo. Alo angyiŋ e wo ekplo la e kŋe ekployaŋ a mbo e bga e da mo a dzu okyekyeŋ la adlidzi.

1 MoaEtasolonika 3:12

Adigi-odne a bmi le, a da gimi e klo egimi nga e klo moahwõ pyeŋ. Nga a da oklo o hlu o ta ma o ta-ta eka ba agi e la e klo gimi.

1 MoaEtasolonika 5:15

E nyuŋ e kpo-kpo, o wo ba anáŋ a kpo eshki bimi odlobi le, a bla ŋa a kpo ŋa mbo, ambo ombamba pyeŋ e hwiŋ esõ bimi nga e kpo ayakplo adzi ta la egimi ta la areyaŋ a mbo.

MoaIbrani 13:1

O raŋ o gre ba agimi e klo egimi eka moanáŋ eshko ba Ekristi.

1 Ebitru 1:22

Nga ohuhuhi, agimi e sheŋ e nyuŋ eshri bimi e ndza ozhẽ ba okpaŋ adlidzi, nga agimi e dzu la oklo ba adlidzi okyku moanigimi la a bmi ba adlidzi a mbo. Okyku eka he nga agimi e la e klo egimi la esõ bimi pyeŋ.

1 Ebitru 2:17

Agimi e fa olbi e da moarehwĩ pyeŋ. Agimi e klo moa la a bmi ba adlidzi otsotse ka la gimi. Nga agimi e la e kpo eyli ba Ahogbrẽ, nga e fa olbi e da Ekeza.

1 Ebitru 3:8

Ekplo ba amom-abgo, o raŋ o gre ba agimi e dzu la aga ta la okoka okyekyeŋ angyiŋ e ma. Agimi e la e klo egimi eka moanáŋ. Nga e la e kpo e ghwo la egimi, nga e kpo ohe-heŋ angyiŋ ta la egimi.

1 Eyohana 3:14

Agi e yi ba agi e dzu eku e zga nga e ba okro ba esõ. Agi e yi ba alo o wo eka he lo, okyku eshi agi e la e klo moanigi. Areyaŋ a mbo la a wo la oklo ma mbo le, aŋa a yi a wo ibu ba eku angyiŋ.

1 Eyohana 3:16

Ekristi a shri esõ baŋ a shri a di, okyku gi ozhẽ he lo angyiŋ agi e yi ekplo la e la e wo oklo. Nga o raŋ o gre ba agi a mbo e shri esõ bi e shri e di okyku moanigi!

1 Eyohana 4:21

Are la a klo Ahogbrẽ le, o dzu omgbybi baŋ a klo anáŋ a mbo. Ohe lo angyiŋ o wo odaŋ ba Ekristi a shri a da gi.