2 Ebitru 1:6 - Ohwihwim Olehe

⁶ Nga okyku o da oyioyi boŋ o ta ma la onyuŋ-eshrizga. Nga okyku o da ovueŋoghwo boŋ o sa o ta ma la oghwo-esõ. Nga okyku o da oghwo-esõ boŋ o sa o ta ma odzudzu la o raŋ Ahogbrẽ esõ.

2 Ebitru 1:6 ပူးပေါင်းရင်းမြစ်များ

Oluka 21:19

E da egʼba e shki gimi ami mbo, okyku eshi, ozhẽ he lo sha angyiŋ, agimi é ba e gro.

Oluka 8:15

Eyi la e gbu obiŋ la o wo odzadzi, e dzu eka moa la a yga odlo nga a tspi osheshye ta la alo eso mo, nga moa a la a kpaŋ lo, ta la ovu-esõ e ta akpyli ma-me nga, moa a kpo owlama.

Otum 24:25

Ambo omba ba Oblus a lu odlo eshri odlodzi ta la onyuŋ eshri o zga, ta la Olum Ombgu la ó ba, eyli e kpo Efliki, nga a nyuŋ ŋa a lu mi le, Aŋo o yi eŋo a mo, ame é sa é bzi ŋo omba ba ame é hwiŋ anvaŋ.

MoaOroma 15:4

Ekployaŋ a mbo ba moa a ta Akpa ba Ahogbrẽ, moa a ta lo okyku o nye gi angyiŋ, okyku o da gi e ka ayi ozhẽ la oghwo-esõ, ta la oshioshĩ ba Akpa ba Ahogbrẽ a shri a da gi.

MoaOroma 2:7

Moakyeŋ a la a kpo otum la o wo odzadzi, nga moa a nyuŋ eshri mo a la a zga nga a klo esesla, ta la ekʼpo ta la eso ba gbagbu-amo. Ahogbrẽ nga á shri eso ba gbagbu-amo á shri á da moahi lo.

MoaOroma 8:25

Ambo o wo ba agi e la e ka ayi ozhẽ okyku ekplo ba agi e ka mbo le, o raŋ o gre ba agi e ghwo eso.

1 MoaOkorinti 9:25

Areyaŋ a mbo la a la a nye o kpo ekpyle le, a la a nye o ta eso akpyli. Aŋa a la a kpo ohe lo okyku ela egbre la e wo la owlama okyku omba ple sha. Ambo agi e la e kpo ekpyle bi okyku egbre ba gbagbu-amo.

2 MoaOkorinti 6:4

Ambo, agi e la e tsa bi e wo moawaghrẽ ba Ahogbrẽ ekployaŋ a mbo ba agi e la e kpo. Agi e la e ghwo eso ta la ewu ta la avuolo, la eso ekyekyeŋ.

MoaEgalasiya 5:23

ta la opresõ-obiŋ, ta la ovueŋoghwo. Odaŋ-okyeŋ la o tla ayakplo edgu ahe o wo ma mbo.

MoaOkolosi 1:11

A da gimi e hwiŋ oshye okro oshye pyeŋ la o zgi okro ba anyuŋ ekʼpo baŋ la e wo egre, okyku o da gimi e kom ekployaŋ a mbo la esõ oheheŋ.

1 MoaEtasolonika 1:3

Agi nga, agi e tne aga e ka egi ayi ba Ahogbrẽ bi la a wo Adigi, eka bimi e la e kpo otum ta la obmi ba adlidzi bimi, nga okyku oklo bimi agimi e kpo otum la osheshye, nga agimi e tspi gaŋ ibu ba okayiozhẽ bimi okro ba Adigi-odne Eyesu Ekristi.

2 MoaEtasolonika 1:4

Okyku eka he angyiŋ agi a mbo e la e hwile egʼba okyku gimi egi ayi moaEklisiya ba Ahogbrẽ. Agi e la e hwile egʼba okyku eka ba agimi e tspi la oghwo-esõ nga e bmi ba adlidzi, nga okyku ba ewu ta la avuolo ba agimi e wo la alo ma a zhiŋ gimi mbo.

2 MoaEtasolonika 3:5

Adigi-odne nga a bmi le, a kpo otum esõ bimi okyku o da gimi e hwiŋ oklo okyku Ahogbrẽ, ta la oheheŋ ba Ekristi a la a shri a di.

1 Etimoti 2:10

Ambo moa a la a kpo edgu ayakplo adzadzi ba ashe la a sko eshri baŋ a da Ahogbrẽ a la a kpo.

1 Etimoti 2:2

nga okyku moareŋ, pa la moandakʼpo pyeŋ la a la a ri ekʼpo, okyku o da gi e dzi e hwile egʼba nga e dzu opya-pyaŋ, nga e fa olbi e da Ahogbrẽ la odzudzu la o wo shasha.

1 Etimoti 3:16

Arekyeŋ a kpo a gbu baŋ a dzu evom ta la anyuŋ eshyẽ ba ozhẽ bi mbo ku-ku! Aŋa a ba la egʼba arehwĩ, Ogbgaodzi nga o tsa baŋ a wo la adlidzi, Moanwyeadga ba Ahogbrẽ a mbo a ka ŋa. Moare ahwõ a su osu baŋ a ygi obiŋ hi pyeŋ. Nga moa a bmi ba adlidzi ka la ŋa obiŋ hi lo, Ambla he nga Ahogbrẽ a sko ŋa a gre Ongyeŋ.

1 Etimoti 6:11

Ambo aŋo, arehwĩ ba Ahogbrẽ, o ngʼba o sku edgu ayakplo he lo pyeŋ. O zga ayi ngre okyku o kpo odlodzi, nga o tspi ozhẽ ba Ahogbrẽ la adlidzi ta la obmi ba adlidzi, ta la oklo, nga o kpo oheheŋ, nga o dzu la esõ ble ekployaŋ a mbo.

1 Etimoti 6:3

Areyaŋ a mbo la a la a nye ekplokyeŋ ondundum nga a bmi ta la odlo ba adlidzi ba Adigi-odne Eyesu Ekristi mbo, ta la onyenye ba ozhẽ bi mbo le,

1 Etimoti 6:6

Ambo, ozhẽ ba Ahogbrẽ o da are a gbu angyiŋ nzenze o wo baŋ a la a vye ta la ekplo baŋ a wo la alo ma.

2 Etimoti 3:5

Moa á sko ozhẽ ba Eyesu á shki edzi sha, ambo moa á tla ekʼpo ba adlidzi ba ozhẽ he lo. Aŋo o ngʼba o sku moa edgu moarehwĩ he lo.

Etitu 1:1

Akpa he lo a zgi abgo me Oblus la a wo awaghrẽ ba Ahogbrẽ, ta la are la a nyum oshpa ba Eyesu Ekristi. Moa a sla me okyku o da me e yi e kpo e ghwo la moarehwĩ ba Ahogbrẽ a sla ibu obmi ba adlidzi mo, nga e sa e tsa adlidzi ba ozhẽ bi e sõ la onyenye.

Etitu 1:8

O raŋ o gre baŋ a dzu are la a yga moazhẽ odne baŋ la anyu eŋo-eŋo nga a klo ekplo la e wo edzadzi. Aŋa a dzu are la a vu eŋa a ghwo, ta la are la a tspi kyekye, nga la a wo esesla, nga a nye eda.

Etitu 2:2

O lu o da moakpoatsoŋ-alom, o da mo a nyuŋ eshri mo a zga, nga moa a wo la eda, nga moa a nyuŋ emo a zga, nga a tspi adzadzi ibu obmi ba adlidzi mo, nga a tspi osheshye la oklo ta la oghwo-esõ.

MoaIbrani 10:36

O raŋ o gre ba agimi e kpo heheŋ okyku o da gimi e kpo ekplo ba Ahogbrẽ a klo, okyku o da gimi e hwiŋ ekplo baŋ a hwim ka la gimi.

MoaIbrani 12:1

Agi nga e wo la moaegŋe nzenze la a ta gi a kpaŋ. Agi nga e se ekployaŋ a mbo la e la e bme gi egŋe ozhẽ ta la odlobi la o la o ri gi egʼba, nga agi e knye oŋe la o wo egi ayi bi la esõ ekyekyeŋ.

MoaIbrani 6:12

Agi e klo ba agimi e kpo oreŋ mbo, ambo agi e klo ba agimi e dzu eka moare la a bmi ba adlidzi nga moa a kpo heheŋ, okyku o da mo a yga ekplo ba Ahogbrẽ a hwim okyku mo.

MoaIbrani 6:15

Ebrahim a wo heheŋ, okyku eka he a hwiŋ ekplo ba Ahogbrẽ a hwim okyku ŋa.

2 Ebitru 1:3

Ekʼpo baŋ ba Ahogbrẽ e shri ekployaŋ a mbo ba agi e klo okyku o da gi e dzu la odzudzu la o raŋ Ahogbrẽ esõ, ozhẽ oyioyi ba agi e yi ŋa la a bzi gi okyku o da gi e pu esesla baŋ ta la odzi baŋ.

2 Ebitru 3:11

Eka ba moa á ba a jygi ekployaŋ a mbo ozhẽ he lo, o raŋ o gre ba agi e dzu moarehwĩ ba edguyaŋ angyiŋ? O raŋ ba agimi e shri eshri bimi e da Ahogbrẽ ogbukyekyeŋ,

Otsotsa 1:9

Ame angyiŋ e wo Eyohana anigimi. Nga ibu okŋeogba ta la Eyesu angyiŋ, ame e pu ka la gimi ewu ba agimi e kpo, nga ame e sa e pu ka la gimi Oreŋ baŋ ta la ota esõ akpyli. Moa a shri me a gre a yi a ta anwye-obiŋ ba moa a bzi lo ma Abatmo okyku ba ame e nyum oshpa ba odlo ba Ahogbrẽ ta la adlidzi ba Ekristi a tsa.

Otsotsa 13:10

Areyaŋ a mbo ba moa a sheŋ a zga ba moa á vu ŋa, moa á vu ŋa omgbybi. Nga areyaŋ a mbo ba moa a sheŋ a zga ba moa á bga ŋa, moa á bga ŋa omgbybi la akõ. Okyku eka he, o raŋ o gre ba moarehwĩ ba Ahogbrẽ a ghwo esõ, nga ba moa a tspi osheshye ta la obmi ba adlidzi mo.

Otsotsa 14:12

Okyku eka he lo, o dzu omgbybi ba moarehwĩ-ba Ahogbrẽ la a kpaŋ odaŋ baŋ, nga ba moa a tspi la adlidzi okyku Eyesu, moa a ta esõ mo akpyli.

Otsotsa 2:2

A lu mi le, Ame e yi ayakplo boŋ o kpo, nga ame e yi eka boŋ o zga ayi ngre nga o kpo otum, nga o wo la esõ la e wo eheheŋ. Ame e yi boŋ o la o kpo ekpom pa la moarehwĩ ba ototno mbo. Nga agimi e sheŋ e mbga moarehwĩ la a bzi emo ma moare la a nyum oshpa e ka bgu, ambo moa a wo moare la a nyum oshpa angyiŋ mbo. Nga aŋo o ka lo o bmye ba moa a wo moare la a sheŋ akpro angyiŋ.