2 Ebitru 1:5 - Ohwihwim Olehe

⁵ Okyku okũ he lo, aŋo o zga ayi ngre nga o da obmi ba adlidzi boŋ o ta ma la oshasha, nga okyku o da oshasha boŋ o sa o ta ŋa ma la oyioyi.

2 Ebitru 1:5 ပူးပေါင်းရင်းမြစ်များ

Oluka 16:26

Aŋo o ka, anyuŋ amgblu a wo agʼbaha bi. O kpo o gbu ba arekyeŋ a bmyi a yi okro boŋ mbo, nga arekyeŋ a kpo a gbu baŋ a bmyi lo a ba okro bi mbo.

Oluka 24:21

Agi e ka ayi ozhẽ baŋ angyiŋ á ba a shla moarehwi ba Esrayila. Ambo egyagi a mbo, olum ba otra angyiŋ o wo anye ba ohe lo o kpo.

Eyohana 6:27

O raŋ o gre ba agimi e kpo otum okyku algo la á vre mbo, ambo agimi e kpo otum okyku algo la a shri eso ba gbagbu-amo a shri a di. Anwye Arehwi á shri edgu algo he lo á shri á di. Okyku eshi Ahogbrẽ la a wo Ada a sheŋ a bmi ka la ŋa bgu.

1 MoaOkorinti 14:20

Agimi anáŋ, e tne aga eka moanwye afifi mbo. Ambo e dzu eka moanwye afifi angyiŋ egi ayi ba odlobi, nga e da aga bimi a dzu eka ba aga moare la a bmye ayi a khwo.

MoAfisu 5:17

Agimi e dzu moadro mbo, ambo e nyuŋ e mbli e ka ekplo ba Adigi-odne a klo ba agimi e kpo.

MoaEfilibi 1:9

Olu me okyku gimi angyiŋ o wo ohe lo. Ame e la e fa olu okyku o da oklo bimi o ta ma-ma ombayaŋ a mbo, ta la oyioyi ba adlidzi ta la okaobmye zhezheŋ,

MoaEfilibi 2:12

Okyku eka he agimi akyemeazba, eka ba agimi e la e fa olbi e da me a zga omba ba ame e yi e wo ka la gimi, o raŋ o gre ba agimi e fa olbi e da me ohuhuhi angyiŋ okyku ba ame e ngʼba e sku gimi. Agimi e la e kpo otum e ta ma-ma, la eyli ta la egʼba la e zhga ara okyku o bli otum ba oshla bimi.

MoaEfilibi 4:8

Ekplo ba amom-abgo nga agimi anáŋ, e shri esõ bimi e zga ayakplo la a wo adzi nga ba alo a tse ma ba moa a hlu lo eshko, ayakplo la a wo adlidzi ta la ofaolbi o di, ta la odlodzi, ta la ekplo la e wo pse, ta la ekplo la e shri oklo e ba, ta la ekplo la e gbu eshko adzadzi.

MoaOkolosi 1:9

Okyku eka he a zga omba ba agi e gno oshpa bimi, agi e fa olu okyku gimi. Agi e la e vẽ Ahogbrẽ okyku o daŋ a bli gimi la oyioyi eshri okoklo baŋ, nga a bli gimi la okaobmye pyeŋ ta la okoka ba Ogbgaodzi angyiŋ o la o shri o di.

MoaOkolosi 2:3

Aŋa angyiŋ a wo emakuli ba o hwile angyiŋ mvye ba moa a ghre lo la a wo okaobmye ta la oyioyi ba Ahogbrẽ.

MoaIbrani 11:6

Are la a wo la obmi ba adlidzi ma mbo a kpo a gbu baŋ a raŋ Ahogbrẽ esõ mbo. Okyku eshi, are la a la a ba okro ba Ahogbrẽ, o dzu omgbybi baŋ a bmi ba adlidzi ba Ahogbrẽ a wo ma, nga baŋ a la a shri egbre a shri a da moare la a klo ŋa.

MoaIbrani 12:15

Agimi e nyuŋ e kpo-kpo okyku o da arekyeŋ eshki bimi a zhiŋ ogbu o blu okpoghwo ba Ahogbrẽ mbo. E nyuŋ e kpo-kpo okyku o da arekyeŋ eshki bimi a hlu eka esĩ aki la e no, nga a la a kpo areyaŋ a mbo ewu la ekpre baŋ he lo mbo.

MoaIbrani 6:11

Agi e wo la ekhwo ma nzenze okyku o da areyaŋ a mbo a zga ayi a ta ma-ma, okyku o da ayakplo ba agimi e ka ayi ozhẽ okyku lo a bli.

1 Ebitru 3:7

Agimi arealom nga, eshri odzudzu bimi pa la moashe bimi, o raŋ o gre ba agimi e ka e bmye ba moa a wo oshye eka bimi mbo. Okyku okũ he lo, o raŋ o gre ba agimi e kom mo la olbi. Okyku eshi agimi pa la mo, agimi é hwiŋ esõ ba Ahogbrẽ á shri á di ototno otsotse angyiŋ. E kpo eka he lo okyku o da ekplokyeŋ é ba e bme egŋe ta la olu bimi mbo.

2 Ebitru 1:10

Okyku eka he nga agimi anime, agimi e zga ayi gble okyku o da obzi ba Ahogbrẽ a bzi gimi, ta la osla baŋ a sla gimi, o dzu zhezheŋ angyiŋ esõ bimi. O wo ba agimi e kpo eka he lo angyiŋ le, agimi é tsi é gbu ku-ku mbo.

2 Ebitru 1:11

Ozhẽ he lo angyiŋ, moa á ba a shri obibmi ba ekʼpo okyku o yi Oreŋ ba gbagbu-amo ba Adigi-odne ta la Areoshla bi Eyesu Ekristi, á shri á da gimi.

2 Ebitru 3:14

Okyku eka he agimi akyemeazba, eka ba agimi e la e dzu e bli Onda mi lo, e zga ayi ngre okyku o da gimi e kye shasha la akpukyeŋ egi ayi ba Ahogbrẽ mbo, nga okyku o da gimi e dzu opyapyaŋ ka la ŋa.

2 Ebitru 3:18

Ambo agimi e hlu la okpoghwo, ta la oyioyi ba Adigi-odne la a wo Areoshla bi, Eyesu Ekristi. Ekʼpo e dzu e baŋ ohuhuhi ka la gbagbu-amo! Amin.