2 Ebitru 1:3 - Ohwihwim Olehe

³ Ekʼpo baŋ ba Ahogbrẽ e shri ekployaŋ a mbo ba agi e klo okyku o da gi e dzu la odzudzu la o raŋ Ahogbrẽ esõ, ozhẽ oyioyi ba agi e yi ŋa la a bzi gi okyku o da gi e pu esesla baŋ ta la odzi baŋ.

2 Ebitru 1:3 ပူးပေါင်းရင်းမြစ်များ

Amatiyu 28:18

Eyesu a ba osusku pa la a mo nga a nyuŋ mo a lu mi le, Moa a shri ekʼpo pyeŋ Ongyeŋ, ta la obiŋ hi a shri a da me.

MoaOroma 8:32

Aŋa a nyom gi Anwye baŋ mbo, ambo a shri Anwye baŋ a di okyku gi mvye! A shri Anwye baŋ a da gi, okyku eka he á shri ekployaŋ a mbo á da gi mbo?

MoaOroma 9:24

Agi angyiŋ aŋa a sla gi. A sla moare eshki moaEyahuda sha mbo, ambo a sla moare eshki moa la a wo moaEyahuda mbo a mbo.

1 MoaOkorinti 1:9

E kom Ahogbrẽ abgo gble. Aŋa angyiŋ a bzi gimi okyku o da gimi e ba e ri ekpom ta la Anwye baŋ Eyesu Ekristi Adigi-odne.

2 MoaOkorinti 12:9

A tno ma a lu mi le, Okpoghwo me o tse ŋo ma okyku eshi ekʼpo me e wo oshye e gre pyeŋ omba ba oshye boŋ o sheŋ o nye. Ame e wo la ovye ma e gre eshri okyku ba ame e nyom egʼba okyku osheŋonye me, okyku o da me e ka okpokpaŋ ba ekʼpo ba Ekristi eshri me.

MoAfisu 4:1

Ame la e wo oprusuna okyku ba ame e kpo otum okyku Adigi-odne angyiŋ e la e shĩ gimi, okyku o da gimi e dzu la odzudzu ba Ahogbrẽ a shri a zga omba baŋ a bzi gimi.

MoAfisu 4:4

Egʼba ekyekyeŋ, ta la Ogbgaodzi okyekyeŋ angyiŋ o wo ma, eka ba okayiozhẽ okyekyeŋ ba Ahogbrẽ a bzi gimi okyku lo o wo ma.

MoaEfilibi 3:8

Ambo ayakplo he sha angyiŋ mbo, ambo ame e sko ekployaŋ a mbo e zga akplokyeŋ mbo okyku ekplo la e wo owlama e gre eka he, alo angyiŋ a wo oyioyi eshri ba Ekristi Eyesu Adime-odne. Okyku ŋa angyiŋ, ame e ndba ekployaŋ a mbo e ta a bi, okyku eshi ame e sko lo e zga eka ekro angyiŋ, okyku o da me e hwiŋ Ekristi,

MoaEfilibi 4:8

Ekplo ba amom-abgo nga agimi anáŋ, e shri esõ bimi e zga ayakplo la a wo adzi nga ba alo a tse ma ba moa a hlu lo eshko, ayakplo la a wo adlidzi ta la ofaolbi o di, ta la odlodzi, ta la ekplo la e wo pse, ta la ekplo la e shri oklo e ba, ta la ekplo la e gbu eshko adzadzi.

MoaOkolosi 1:16

Okro baŋ angyiŋ Ahogbrẽ a kpo ekployaŋ a mbo la e wo ongyeŋ ta la obiŋ hi. Ayakplo ba moa a ka lo ta la ayakplo ba moa a ka lo mbo, ta la ekʼpo ba egbga, pa la moandakʼpo, pa la moa la a ri ekʼpo, ta la edgu ekʼpo ba egbga ba obiŋ hi. Ahogbrẽ a kpo obiŋ hi pyeŋ okro baŋ, nga okyku ŋa.

1 MoaEtasolonika 2:12

Agi e shri oshye-esõ e da gimi nga e la e gbu gimi esõ obiŋ. Agi e la e vẽ gimi okyku o da gimi e dzu la odzudzu ba Ahogbrẽ a gno oraŋ ta la alo. Aŋa angyiŋ a bzi gimi okyku o da gimi e ba e pu ka la ŋa Oreŋ baŋ ta la ekekʼpo baŋ.

1 MoaEtasolonika 4:7

Ahogbrẽ a bzi gi okyku o da gi e ba e dzu la odzudzu ba eshre angyiŋ mbo, ambo okyku o da gi e ba e dzu la odzudzu ba esesla.

2 MoaEtasolonika 2:14

Ahogbrẽ a bzi gimi okyku ohe lo okro ba Oshpaodzadzi ba agi e la e nyum e ygi gimi. A bzi gimi okyku o da gimi e hwiŋ ogʼba bimi ekʼpo ba Adigi-odne Eyesu Ekristi.

1 Etimoti 4:8

O nye egʼba ayakplo o wo la owlama fi, ambo o nye esõ ozhẽ ba Ahogbrẽ o wo la owlama ozhẽyaŋ a mbo. Ozhẽ he lo o hwim okyku esõ ba gbagbu-amo okyku ohuhuhi ta la omba la o yi o ba.

2 Etimoti 1:9

Aŋa angyiŋ a shla gi, nga a bzi gi okyku o da gi e dzu moarehwĩ baŋ. A kpo ohe lo okyku ekplokyeŋ bi e kpo angyiŋ mbo, ambo okyku ekplo baŋ a sheŋ a hwim, ta la okpoghwo baŋ. Omba ba moa a kpo obiŋ hi a wo mbo a hwim baŋ a da Ekristi Eyesu á ba a shri lo á kom gi.

MoaIbrani 1:3

Anwye Ahogbrẽ he lo a la a shka ayi ayimom esesla ba Ahogbrẽ. Aŋa a ghwo emle ba Ahogbrẽ a gre eshri. Nga a la a kom obiŋ hi abgo la odlo baŋ la o wo la ekʼpo ma. Ambla baŋ a ndza odlobi moarehwĩ a khwo, aŋa a dzu Ongyeŋ obgori ba Ahogbrẽ la a wo la Anyuŋ Ekʼpo ma.

1 Ebitru 1:15

Ambo agimi e dzu la esesla ekployaŋ a mbo ba agimi e la e kpo, eka ba Ahogbrẽ la a bzi gimi a mbo a wo la esesla.

1 Ebitru 1:5

Owlama o wo ma okyku gimi arehwĩ ba ekʼpo ba Ahogbrẽ e la e kpaŋ, okyku bimi e bmi ba adlidzi omba ba agimi e la e dzu e kʼpu oshla he lo. Moa a shri oshla he lo a zga ma, ba moa á tsa lo omba ba amom-abgo.

1 Ebitru 2:21

Okyku ohi lo angyiŋ, Ahogbrẽ a bzi gimi. Okyku eshi Ekristi a mbo a kpo ewu okyku gimi, nga a dzu egŋe a zga ma okyku o da gimi a mbo e kpo eka he lo, nga e sõ ozhẽ baŋ a sõ lo.

1 Ebitru 2:9

E ka, agimi angyiŋ e wo embre ba Ahogbrẽ a sla. Agimi angyiŋ e wo moandakʼpo olu ba Anyuŋ-areŋ he lo. Moarehwĩ he lo a wo esesla. Agimi e wo moarehwĩ ba Ahogbrẽ ababgo baŋ. A sla gimi okyku o da gimi e su otum egbregbre baŋ a kpo. Aŋa angyiŋ a bzi gimi evbu nga a shri gimi a ba ayimom baŋ ba egbregbre.

1 Ebitru 3:9

Ambo o wo ba arekyeŋ a tra ŋo ezhim le, aŋo o tra ŋa ambgu. Nga agimi e ta anyuabi angyiŋ e ygi are la a ta anyuabi a ygi gimi mbo, ambo e fa anyuadzi angyiŋ, okyku eshi Ahogbrẽ, omba baŋ a bzi gimi, a hwim baŋ á ba a fa anyuadzi angyiŋ á ygi.

1 Ebitru 5:10

Ambo ambla bimi e la e kpo ewu okyku omba ple le, Ahogbrẽ ba okpoghwo pyeŋ la a bzi gimi okyku o da gimi e pu ka la ŋa odzudzu ba esesla ba gbagbu-amo okro ba okŋeo-bga ta la Ekristi, aŋa angyiŋ ababgo baŋ, á ba a bli gimi. Nga aŋa á shri oghwo-esõ, ta la oshye, ta la esĩ la e wo zhezheŋ á shri á da gimi.

2 Ebitru 1:10

Okyku eka he nga agimi anime, agimi e zga ayi gble okyku o da obzi ba Ahogbrẽ a bzi gimi, ta la osla baŋ a sla gimi, o dzu zhezheŋ angyiŋ esõ bimi. O wo ba agimi e kpo eka he lo angyiŋ le, agimi é tsi é gbu ku-ku mbo.

2 Ebitru 1:2

Nga okpoghwo ta la opyapyaŋ, moa a dzu ka la gimi nzenze ozhẽ ba agimi e yi Ahogbrẽ ta la Eyesu Adigi-odne.

2 Ebitru 1:5

Okyku okũ he lo, aŋo o zga ayi ngre nga o da obmi ba adlidzi boŋ o ta ma la oshasha, nga okyku o da oshasha boŋ o sa o ta ŋa ma la oyioyi.

2 Ebitru 1:6

Nga okyku o da oyioyi boŋ o ta ma la onyuŋ-eshrizga. Nga okyku o da ovueŋoghwo boŋ o sa o ta ma la oghwo-esõ. Nga okyku o da oghwo-esõ boŋ o sa o ta ma odzudzu la o raŋ Ahogbrẽ esõ.

2 Ebitru 1:8

Edgu ayakplo he lo angyiŋ a raŋ a gre ba agimi e wo la alo ma. Nga o wo ba agimi e wo la alo ma nzenze le, moa á da gimi e wo la oshye ta la okpogbu ibu ba oyioyi ba agimi é yi Adigi-odne Eyesu Ekristi.

2 Ebitru 2:20

Okyku eshi, o wo ba moarehwĩ a gro abgo ba ekʼpo ba ozhẽ ba eku ba obiŋ hi, ohe lo o kpo ozhẽ ba oyioyi ba Adigi-odne la a wo Areoshla bi Eyesu Ekristi, nga o wo ba moa a bla a vu mo, nga moa a kpo a gre mo, moa edgu moarehwĩ he lo, odzudzu mo o wo obi o gre eka ba omba ba moa a wo oriori.

2 Ebitru 3:18

Ambo agimi e hlu la okpoghwo, ta la oyioyi ba Adigi-odne la a wo Areoshla bi, Eyesu Ekristi. Ekʼpo e dzu e baŋ ohuhuhi ka la gbagbu-amo! Amin.