2 Ebitru 1:20 - Ohwihwim Olehe

²⁰ Ambo ekayaŋ a mbo, agimi e la e tne aga ekplo he lo, okyku eshi arekyeŋ ababgo baŋ a kpo a gbu baŋ a wre ekplo ba moa a ka a lu Akpa ba Ahogbrẽ mbo.

2 Ebitru 1:20 ပူးပေါင်းရင်းမြစ်များ

MoaOroma 12:6

Okyku eka he o raŋ o gre ba areyaŋ a mbo a kpo otum ta la oyioyi ba Ahogbrẽ a shri a daŋ, okyku o bli ekplo ba Ahogbrẽ a klo bi e kpo. O wo ba oyiyi ba Ahogbrẽ a shri a da gi o wo okyku onyumoshpa angyiŋ le, o raŋ o gre bi e nyum lo la obmi ba adlidzi bi e wo la alo ma.

MoaOroma 13:11

O raŋ o gre bimi e kpo eka he lo, okyku eshi agimi e sheŋ e yi omba lo. O raŋ o gre bimi e vro enu ohuhuhi, okyku eshi omba ba agi é ba e hwiŋ oshla o wo osusku a mo. Alo o gyuŋ eka ba omba ba agi e zga esĩ e bmi ba adlidzi mbo.

MoaOroma 6:6

Agi nga e yi ba moa a gŋe egʼba bi elegbyi egŋe aki ta la Ekristi okyku o da mo a nyiŋ aga ba odlobi la a wo eso bi. Okyku o da gi e dzu moawaghrẽ ba odlobi nga mbo.

1 Etimoti 1:9

O raŋ o gre bimi e ka e bmye ba moa a la a jygu odaŋ okyku moare la a wo eda edzi angyiŋ mbo, ambo okyku moare la a la a tsi odaŋ-okyeŋ a la a ghwo ayi mbo, pa la moare la a gre abgo, pa la moare la a yi Ahogbrẽ mbo, pa la moare ba odlobi. Odaŋ o wo okyku moa la a lu Ahogbrẽ ma mbo, pa la moa la a wo la Ogbgaodzi ma mbo, pa la moa la a bga moadimo pa la moanimo, pa la moa la a bga ebga,

2 Etimoti 3:16

Okyku eshi Ahogbrẽ angyiŋ a da mo a ta ekployaŋ a mbo la e wo Akpa baŋ ba esesla. Akpa lo a wo adzi okyku o nye adlidzi, okyku oshrom, ta la o tsa are akpu baŋ, nga o nye are ozhẽ odlodzi.

Eyakubu 1:3

Okyku eshi o wo ba obmi ba adlidzi o kpo o gre ombambga he lo angyiŋ le, agimi é hwiŋ oghwo-esõ.

2 Ebitru 3:3

Ekplo ba oriori, o raŋ o gre ba agimi e ka e bmye eka ba moakyeŋ á ba a ba omba ba amom-abgo. Okoklo ba egʼba angyiŋ ó ba o ri ekʼpo pa la moare he lo. Moa á lu ega á ygi gimi.