2 Ebitru 1:19 - Ohwihwim Olehe

¹⁹ Okyku eka he agi e bmi ta la odlo ba moarehwĩ ba Ahogbrẽ a hom mo otum, a lu a ta ma-ma o ta angyiŋ. Alo o wo odzi ba agimi a mbo e ngli atuŋ e gno lo, okyku eshi odlo he lo o wo eka ba emgbuovo la e shka ayi evbu, ma-me o tsa Onda ba ayi a kre, nga ba ambzi ba endigiŋ a ba a shka ayi esõ bimi.

2 Ebitru 1:19 ပူးပေါင်းရင်းမြစ်များ

Amatiyu 4:16

Moarehwĩ la a dzu evbu, Moa á ka ayimom agagre! Eshri moa la a dzu obiŋ evbu ba eku, Ayimom á tra!

Eyohana 5:35

Eyohana a wo eka emgbuovo, a la a ri nga a la a shri ayimom a di. Agimi a mbo e bmi ba agimi e gno oraŋ ayimom lo okyku omba ple.

Eyohana 5:39

Agimi e klo aga Akpa ba Ahogbrẽ okyku eshi agimi e la e ka eka bimi é ba e hwiŋ eso ba gbagbu okyku lo. Akpa ba Ahogbrẽ lo a mbo a lu odlo eshri me!

Eyohana 8:12

Eyesu a lu pa la mo nganga a lu mi le, Ame angyiŋ e wo Ayimom ba Obiŋ hi. Areyaŋ a mbo la a lu me ma á hwiŋ ayimom ba eso, nga aŋa á dzi evbu nga mbo.

Otum 15:29

Agimi e ri algo ololo mbo. Agimi e wa amanzhli mbo. Agimi e taŋ ebyi moa a kplu lo oto sha. Nga agimi e kpo ayakplo eshre mbo. O wo bimi e kpaŋ odaŋ he lo le, agimi e tspi adzadzi. Ondanda dne a mo.

Otum 17:11

Moare ahe lo a yga mo la ovyevye a gre eka moa a yga mo osku ba Etasolonika. Moare a ngli a gno oshpa lo adzadzi. Okyku eka he, elulum moa a klo aga Akpekpa ba Ahogbrẽ okyku o da mo a ka adlidzi ba odlo ba Oblus a la a lu.

MoaIbrani 2:2

Oshpa ba moanwyeadga a shri a di, o tsa ba alo o wo adlidzi angyiŋ. Nga areyaŋ a mbo la a lu lo ma mbo, o mbo le a kpaŋ lo mbo le, a yga ewu la e tse ŋa ma.

Eyakubu 2:8

O wo ba agimi e la e kpaŋ odaŋ ba Oreŋ le, agimi e kpo ekplo la e wo shasha angyiŋ. Odaŋ he lo o wo odlo ba Ahogbrẽ. O lu mi le, Aŋo o klo a ba ekpazhi boŋ eka boŋ o klo eshri boŋ.

1 Ebitru 1:10

Moarehwĩ ba Ahogbrẽ a hom mo otum moa a klo aga nga moa a zhĩ ayakplo eshri ba oshla he lo. Moarehwĩ he lo angyiŋ, a ka nga a lu odlo eshri owlama ba Ahogbrẽ á ba a shri á da gimi.

1 Eyohana 5:10

Okyku eka he areyaŋ a mbo la a bmi ba adlidzi ta la Anwye ba Ahogbrẽ le, aŋa a wo la egŋe he lo esõ baŋ. Ambo areyaŋ a mbo la a bmi ba adlidzi pa la Ahogbrẽ mbo le, aŋa a sko Ahogbrẽ a daŋ a dzu are ba akpro, okyku eshi aŋa a bmi ta la egŋe ba Ahogbrẽ a zgi eshri ba Anwye baŋ mbo.

3 Eyohana 1:6

Moa a lu odlo eshri oklo boŋ okyku Eklisiya ahe. Ame e vẽ ŋo, aŋo o kpo o ghwo la mo odzi mo he lo, okyku o da Ahogbrẽ a gno oraŋ ka la ŋo.

Otsotsa 22:16

Ame Eyesu e hom anwyeadga me otum okyku o daŋ a su odlo he lo a ygi gimi arehwĩ ba Eklisiya lo pyeŋ. Ame e wo arehwĩ ba ogu ba Adawuda, nga ame angyiŋ e wo ambzi endigiŋ la e shka ayi.